كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىندا «اكىمشىلىك قۇقىق بۇزۋشىلىق تۋرالى قازاقستان رەسپۋبليكاسىنىڭ كودەكسىنە وزگەرتۋلەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭ جوباسى ءبىرىنشى وقىلىمدا قارالدى. 

زاڭ جوباسى مەملەكەت باسشىسىنىڭ 2018 جىلعى 10 قاڭتارداعى «ءتورتىنشى ونەركاسىپتىك رەۆوليۋتسيا جاعدايىندا دامۋدىڭ جاڭا مۇمكىندىكتەرى» قازاقستان حالقىنا جولداۋىن ورىنداۋ ماقساتىندا ازىرلەندى. 

زاڭ جوباسىنا ەنگىزىلەتىن وزگەرتۋلەر: 

- ازاماتتىق-قۇقىقتىق نەمەسە تارتىپتىك نەگىزدە رەتتەلەتىن قاتىناستاردى قاراۋ مۇمكىندىگىنە بايلانىستى جەكەلەگەن اكىمشىلىك قۇقىق بۇزۋشىلىقتاردى الىپ تاستاۋعا; 

- اكىمشىلىك قۇقىق بۇزۋشىلىق ايىپپۇلدارىنىڭ كولەمىن ازايتۋعا; 

- قازىرگى اكىمشىلىك شارالاردى تومەن جازالاۋلارعا الماستىرۋعا;  

- ەسكەرتۋ تۇرىندەگى اكىمشىلىك جازالاردى قولدانۋدى كەڭەيتۋگە; 

- سانكتسيالاردى تەك سوت تارتىبىندە بەرىلەتىن اكىمشىلىك قۇقىق بۇزۋشىلىقتاردىڭ بىرقاتارىن سوتتىڭ ۆەدومستۆولىق باعىنىشتىلىعىنان مەملەكەتتىك ورگاندارعا بەرۋگە; 

- سانكتسيالارى قىزمەتتىڭ نەمەسە ونىڭ جەكە تۇرلەرىنە رۇقساتتى الىپ تاستاۋدى، ۋاقىتشا توقتاتۋدى نەمەسە توقتاتۋدى قاراستىراتىن اكىمشىلىك قۇقىق بۇزۋشىلىق تۋرالى ىستەر بويىنشا سوت جانە سوتتان تىس ينستانتسيالار اراسىنداعى وكىلەتتىكتەردىڭ اراجىگىن بىرتىندەپ رەتتەۋگە; 

- جالپىعا ورتاق نورماتيۆتىك-قۇقىقتىق قاعيدالاردى بۇزعانى ءۇشىن جاۋاپكەرشىلىكتى كوزدەيتىن اكىمشىلىك قۇقىق بۇزۋشىلىقتاردىڭ قۇرامىن ناقتىلاۋعا; 

- اكىمشىلىك قۇقىق بۇزۋشىلىق تۋرالى ىستەردى قاراۋدى بىرتىندەپ ەلەكتروندىق سيپاتقا كوشىرۋگە; 

- كودەكستىڭ قۇقىق قولدانۋ تاجىريبەسىندە انىقتالعان قۇقىقتىق كەمشىلىكتەر مەن قايشىلىقتاردى جويۋعا باعىتتالعان. 

اكىمشىلىك قۇقىق بۇزۋشىلىق تۋرالى قر كودەكسىنىڭ تۇراقتىلىعىن قامتاماسىز ەتۋ ماقساتىندا وعان وزگەرىستەر مەن تولىقتىرۋلاردى ەنگىزۋدىڭ ەرەكشە ءتارتىبى رەتتەلەدى. 

زاڭ جوباسى پالاتا قاراۋىنا بەرىلدى. 

قر پارلامەنتى سەناتىنىڭ ءباسپاسوز قىزمەتى

Abai.kz