«جومارت جۇرەك» بايقاۋىنىڭ لاۋرەاتتارىن سالتاناتتى ماراپاتتاۋ ءراسىمى 2019 جىلى 12 جەلتوقساندا نۇر-Cۇلتان قالاسىندا ءوتتى.

«جومارت جۇرەك» سىيلىعى «رۋحاني جاڭعىرۋ» باعدارلاماسىنىڭ اياسىندا قر اقپارات جانە قوعامدىق دامۋ مينيسترلىگىمەن ۇيىمداستىرىلعان بىرەگەي جوبا.

سىيلىقتىڭ نەگىزگى ماقساتى قايىرىمدىلىق قىزمەت يدەيالارىن، مەتسەناتتىقتى جانە فيلانتروپيانى ناسيحاتتاۋ بولىپ تابىلادى.

سىيلىقتى تاپسىرۋ راسىمىنە تۋعان جەرىن، وسكەن ولكەسىن دامىتۋعا قاتىسقانى ءۇشىن بيزنەس-قۇرىلىمداردىڭ، ۇەۇ، ەرىكتىلەر مەن قايىرىمدىلىق كومەك كورسەتۋشىلەر اراسىنان 50 وكىل ماراپاتتالدى. 

سىيلىق «جىل مەتسەناتى»، «جىل تۇلعاسى»، «تۋعان ولكە»، «ەرەن ەرلىگى»، «ۇزدىك ۇيىم» اتالىمدارى بويىنشا تابىس ەتىلدى.

تۋعان ولكەسىندە ءىرى الەۋمەتتىك جوبالاردى ىسكە اسىرعانى ءۇشىن، از قامتىلعان، كوپ بالالى وتباسىلارعا، جەتىم بالالارعا جانە اتا-اناسىنىڭ قامقورلىعىنسىز قالعان بالالارعا، مۇگەدەكتەرگە، ۇوس ارداگەرلەرىنە، زەينەتكەرلەرگە وتەۋسىز كومەك كورسەتكەنى ءۇشىن «جىل مەتسەناتى» نوميناتسياسى بويىنشا «Gaz stroy montazh KZ» جشس قۇرىلتايشىسى (اتىراۋ وبلىسى) تابىلديەۆ ەرلان ماراپاتتالدى.

ەرلان 2019 جىلى اتىراۋ قالاسىنداعى «مۇنايشى» ستاديونىن تولىعىمەن جاڭارتىپ، جاستارعا ارنالعان سكەيت پاركىن سالدى. سونىمەن قاتار، از قامتىلعان وتباسىنان شىققان ەكى ستۋدەنت ءۇشىن ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە تەگىن ءبىلىم الۋ ءۇشىن جاعداي جاسادى. 

«زەنچەنكو ي ك» شارۋا قوجالىعىنىڭ ديرەكتورى (سولتۇستىك قازاقستان وبلىسى) زەنچەنكو گەننادي دا وسى نوميناتسيادا جەڭىمپاز اتاندى. 

گەننادي «اجار» بالاباقشاسىنا دەمەۋشىلىك كومەك كورسەتتى (بولمەنى جوندەۋ، جيھاز بەن كافەل پليتكالارىن ءىشىنارا اۋىستىرۋ). دەمەۋشىلىك قاراجات ەسەبىنەن اۋىلدىق وكرۋگتىڭ بارلىق مەكتەپتەرىندە جوندەۋ جۇمىستارى جۇرگىزىلدى. اعىمداعى جىلدىڭ سوڭىنا دەيىن نوۆونيكولسكوە اۋىلىنداعى مادەنيەت ءۇيى قايتا جاڭارتىلادى.

 «جىل تۇلعاسى» نوميناتسياسى بويىنشا بەلسەندى ازاماتتىق ۇستانىمى، ءتۇرلى باعىتتاعى كەڭ اۋقىمدى قايىرىمدىلىق قىزمەتى ءۇشىن جامبىل وبلىسىنىڭ پاراليمپيادالىق چەمپيونى عابيدۋللينا زۋلفيا جەڭىمپاز اتاندى.

زۋلفيا ءجۇزۋ بويىنشا حالىقارالىق دەڭگەيدەگى سپورت شەبەرى. ءوز ەسەبىنەن كوپ بالالى، از قامتىلعان وتباسىلارعا قايىرىمدىلىق كومەك كورسەتەدى. اعىمداعى جىلى «تۋعان جەر» باعدارلاماسى اياسىندا تاراز قالاسىنىڭ «جانسايا» شاعىن اۋدانىندا باسكەتبول، ميني-فۋتبول جانە باسقا دا سپورت تۇرلەرىمەن اينالىسۋعا ارنالعان الاڭ سالىندى.

سالاۋاتتى ءومىر سالتىن ناسيحاتتاۋ مەن قالىپتاستىرۋعا باعىتتالعان ءتۇرلى اكتسيالار مەن مارافوندار تۇراقتى تۇردە وتكىزىلەدى.

سونىمەن قاتار، وسى نوميناتسيادا انەستەزيولوگ-دارىگەر، كاسىپكەر، «Emodji» الەۋمەتتىك كافەسىنىڭ يەسى بازىلوۆ ازامات جەڭىمپاز اتاندى.

ازامات 15 ساڭىراۋ ادامدى جۇمىسپەن قامتىپ، «Emodji» الەۋمەتتىك كافەسىن اشتى. بۇگىن بۇل كافە نۇر-سۇلتان قالاسىنىڭ تۇرعىندارى اراسىندا تانىمال. كەلۋشىلەر ءدامحانا قىزمەتىمەن قاتار ۇسىنىلاتىن ونىمدەردىڭ ساپاسىنا وتە ريزا.

ەلدى مەكەندەردى اباتتاندىرۋعا، ساياباقتاردى، اللەيالاردى، ەسكەرتكىشتەردى، بالالاردىڭ ويىن الاڭدارىن قايتا جاڭارتۋعا جانە سالۋعا، دەنساۋلىق ساقتاۋ، مادەنيەت، ءبىلىم بەرۋ جانە سپورت سالاسىندا «تۋعان ولكە» نوميناتسياسى بويىنشا دەمەۋشىلىك كومەك كورسەتۋگە باعىتتالعان الەۋمەتتىك جوبالاردى ىسكە اسىرعانى ءۇشىن جەڭىمپازداردىڭ ءبىرى «الماتى مەنەدجمەنت ۋنيۆەرسيتەتى» قب پرەزيدەنتى، قازاقستاننىڭ ازاماتتىق اليانسىنىڭ پرەزيدەنتى قوجاحمەتوۆ اسىلبەك بولدى.

اسىلبەك 1988 جىلى قۇرىلعان، كەيىننەن حالىقارالىق بيزنەس اكادەمياسى بولىپ قايتا قۇرىلعان الماتى مەنەدجمەنت مەكتەبىنىڭ قازاقستانداعى العاشقى بيزنەس-مەكتەبىنىڭ نەگىزىن قالاۋشىلاردىڭ ءبىرى بولىپ تابىلادى. 2008-2012 جىلدارى Eduniversal الەمدىك رەيتينگ اگەنتتىگى، اكادەميا قازاقستانداعى № 1 بيزنەس-جوعارى وقۋ ورنى بولىپ تانىلدى، 2014 جىلى Eduniversal رەيتينگىندە 4 پالما تارماعىن الىپ، الەمنىڭ ۇزدىك 300 بيزنەس-جوعارى وقۋ ورىندارىنىڭ قاتارىنا ەندى جانە 2017 جىلى رەيتينگتەگى پوزيتسياسىن راستادى. 

«ەلىمىزدىڭ جوعارى وقۋ ورىندارىنىڭ اۋىل مەكتەپتەرىن قولداۋ» باعدارلاماسىنا باستاماشى بولدى، وندا قازاقستاندىق جوو-نىڭ ارقايسىسىنا ەلدىڭ اۋىلدىق اۋداندارىنىڭ بىرىنە قامقورلىق كورسەتۋ ۇسىنىلدى.

سونداي-اق وسى نوميناتسيادا ماڭعىستاۋ وبلىسىنىڭ كاسىپكەرى ەدىلوۆ نۇرجان جەڭىمپاز اتاندى. 

نۇرجان، جەكە كاسىپكەر، جاڭاوزەن قالاسىنىڭ راحات اۋىلىندا 295 ملن. تەڭگە سوماسىنا سپورت كەشەنىن سالدى.

الەۋمەتتىك ماڭىزى بار جوبالاردى، قايىرىمدىلىق جوبالاردى ءتيىمدى ىسكە اسىرۋدا، قايىرىمدىلىق كومەكتىڭ جاڭا ءتيىمدى نىساندارىن ەنگىزۋدە جانە/نەمەسە قوعامدىق ماڭىزى بار ءىس-شارالارعا باس دەمەۋشىلىكتە «ۇزدىك ۇيىم» نوميناتسياسى بويىنشا «قازفوسفات» جشس جەڭىمپاز اتاندى، ۇيىم باسشىسى يسكانديروۆ مۇقاش بولىپ تابىلادى.

 «قازفوسفات» جشس جىل سايىن جاستارعا، كوپ بالالى وتباسىلارعا، مۇگەدەكتەرگە قارجىلاي كومەك كورسەتەدى. 2018-2019 جىلدار ارالىعىندا 46 ملن.تەڭگەدەن استام سوماعا مەتسەناتتىق كومەك كورسەتىلدى. تاراز قالاسىنىڭ «مىڭبۇلاق» شاعىن اۋدانىندا، جامبىل اۋدانىنىڭ شايقورىق اۋىلىندا 26 ملن.تەڭگەگە، وبلىستىق تۋبەركۋلەزگە قارسى بالالار اۋرۋحاناسىندا سپورت الاڭدارى سالىندى. 

سونداي-اق، 1 ملن.تەڭگە سوماسىنا 53 كوپ بالالى وتباسىنا ازىق-تۇلىك سەبەتى سىيعا تارتىلدى. 

سونىمەن قاتار، وسى نوميناتسيادا راحيمباەۆ ايدىن باسشىلىق جاسايتىن «BI Group» ءىرى ينۆەستيتسيالىق-قۇرىلىس حولدينگى جەڭىمپاز بولىپ تابىلادى. 

حولدينگ تۇركىستان وبلىسى، ارىس قالاسىندا 100-دەن استام قيراعان ۇيلەردى قالپىنا كەلتىردى. «BI – جۇلدىز-اي» الەۋمەتتىك جوباسى ۇنەمى قايىرىمدىلىق اكتسيالارىن وتكىزەدى. وسى جوبا اياسىندا ناۋقاس بالالارعا، كوپ بالالى وتباسىلارعا، كومەككە مۇقتاج ادامدارعا تۇراقتى تۇردە قولداۋ كورسەتىلەدى.

ۆولونتەرلىك قىزمەتكە بەلسەندى قاتىسقانى ءۇشىن «ەرەن ەرلىگى» نوميناتسياسى بويىنشا سىيلىق يەگەرلەرىنىڭ ءبىرى ارمان قاسىموۆ بولىپ تابىلدى.

ارمان «ومىرزاق-سەرۆيس» مۇناي كومپانياسىندا جۇمىس ىستەيدى، بەلسەندى ۆولونتەر، اتىراۋ جەدەل جاردەم ستانساسىندا 10 جىلدان استام ۋاقىت بويى ۆولونتەر بولىپ جۇمىس ىستەيدى. سونداي-اق، ارمان جىل بويى دەنساۋلىق ساقتاۋ سالاسىنا ۆولونتەرلەردى تارتۋ ءۇشىن، ونىڭ ىشىندە حوسپيستەرگە، ونكولوگيالىق ديسپانسەرلەرگە كومەك كورسەتۋ ءۇشىن «Birgemiz: Saýlyq» جالپىۇلتتىق جوباسىنىڭ امباسسادورى بولادى. جوبا ەرىكتىلەر جىلىن وتكىزۋ اياسىندا ىسكە اسىرىلادى.

سونداي-اق وسى نوميناتسيادا «ساعىمباي» شارۋا قوجالىعى  باسشىسى ۋابوۆ ساعىنباي (پاۆلودار وبلىسى) جەڭىمپاز اتاندى.

ساعىنباي مەكتەپتە تەگىن ىستىق تاماق ۇيىمداستىرادى، مادەني-بۇقارالىق ءىس-شارالارعا دەمەۋشىلىك جاسايدى، تۇرعىن ءۇي سالۋدى جوسپارلاپ وتىر. بىرنەشە جىل بويى كاسىپورىن كوكتەمگى جانە كۇزگى سەنبىلىكتەردى وتكىزۋگە تەحنيكا بولەدى، اپاتتى ۇيىندىلەردى تازالايدى جانە جولداردى ۇستاۋعا قاراجات بولەدى.

شارۋا قوجالىعى 2006 جىلى قۇرىلعان. «رۋحاني جاڭعىرۋ» باعدارلاماسىن جۇزەگە اسىرۋ اياسىندا تۇگەل باتىردىڭ جەرلەنگەن جەرىن اباتتاندىرۋعا دەمەۋشىلىك كومەك كورسەتەدى. اۋماقتى قالپىنا كەلتىرۋ، قورشاۋ جانە اباتتاندىرۋ جۇمىستارى جۇرگىزىلۋدە.

ءار نوميناتسيا بويىنشا «جومارت جۇرەك» سىيلىعىنىڭ                                       10 لاۋرەاتى ماراپاتتالدى.

جەڭىمپازدار http://jomartjurek.com سايتتا اشىق داۋىس بەرۋ قورىتىندىسى بويىنشا انىقتالدى.  

Abai.kz