مەملەكەتتىك دەپارتامەنت وكىلى اقش-قا بارعان قازاقستان سىرتقى ىستەر ءمينيسترى مۇحتار تىلەۋبەردىمەن كەزدەسۋدەن سوڭ ءباسپاسوز ءماسليحاتىن وتكىزىپ، بيىل ۆاشينگتوننىڭ ورتالىق ازياداعى بەس ەلمەن قارىم-قاتىناسى “جاندانعانىن” ايتقان.
شىلدەدە اقش دەلەگاتسياسى ءتورت جىلدا العاش رەت قىرعىزستانعا بارعان. قاراشادا مەملەكەتتىك دەپارتامەنت تۇركىمەنستان سىرتقى ىستەر ءمينيسترى ريشاد مەرەدوۆتى قابىلداعان. مەمەلكەتتىك دەپارتامەنت وكىلىنىڭ سوزىنشە، اقش كەلەسى جىلى كوكتەمدە تاجىكستان مەن وزبەكستان دەلەگاتسياسىمەن كەزدەسۋدى جوسپارلاپ وتىر.
رەسۋرسقا باي ورتالىق ازياعا رەسەي مەن قىتاي ىقپال ەتكىسى كەلەدى. بۇل ايماقتىڭ تىنىشتىعىنا اۋعانستانداعى سودىرلار دا قاۋىپ ءتوندىرىپ تۇر.
قىتاي ورتالىق ازيا ەلدەرىنە ەكونوميكالىق ءارى ساياسي ىقپالىن كۇشەيتۋگە تىرىسىپ جاتقان تۇستا اقش تا بۇل ايماقتاعى ەلدەرمەن ديپلوماتيكالىق قارىم-قاتىناستى كەڭەيتپەك. پەكين شىڭجاڭنان قاشقان مۇسىلمانداردى دا كەرى قايتارۋ ءۇشىن قازىر ورتالىق ازيا ەلدەرىنە قىسىم جاساۋعا تىرىسىپ وتىر. 2017 جىلدىڭ كوكتەمىنەن بەرى قىتايدىڭ شىڭجاڭ ولكەسىندە مۇسىلماندار، ونىڭ ىشىندە قازاقتار مەن قىرعىزدار “ساياسي لاگەرگە” قامالعانى تۋرالى حابار تاراپ جاتىر. باتىس ەلدەرى قىتايدىڭ شىڭجاڭداعى ساياساتىن سىنايدى.
Abai.kz
