ەكى جىل بۇرىن رەسەي مەن سيريا تارتۋس پورتى 49 جىل بويى رەسەيلىك اسكەري-تەڭىزى فلوتىنىڭ قاراماعىندا بولاتىنى جونىندە كەلىسىمگە كەلگەن.
بيىل قىركۇيەك ايىندا پورتتا تاعى ءبىر ورتالىق اشىلعان. مودەرنيزاتسيالاۋ جۇمىستارى جۇرگىزىلگەننەن كەيىن تارتۋسقا تاعى 11 كەمە سياتىن بولادى.
12 جەلتوقساندا اقش سەناتىنىڭ سىرتقى ىستەر كوميتەتى سيرياداعى ارەكەتتەرىنە بايلانىستى رەسەيگە قارسى ەنگىزگەن سانكتسيالاردى كۇشەيتۋ تۋرالى زاڭ جوباسىن ماقۇلداعان. وعان سايكەس، "سيرياعا ادەيى قارۋ-جاراق جەتكىزىپ، سيريا ۇكىمەتىنە قارجىلىق، ماتەريالدىق جانە تەحنولوگيالىق قولداۋ كورسەتىپ جاتقاندىعى" انىقتالعان رەسەيلىك كومپانيالار مەن ازاماتتارعا قارسى سانكتسيالار ەنگىزىلگەن.
زاڭ جوباسى كۇشىنە ەنۋ ءۇشىن ونى اقش كونگرەسسىنىڭ ەكى پالاتاسى ماقۇلداپ، پرەزيدەنت دونالد ترامپ قول قويۋى كەرەك.
Abai.kz
