ترامپقا يمپيچمەنت جاريالاندى
اقش-تىڭ ساياسي ساحناسىندا كوپتەن بەرى تالقىلانىپ جاتقان يمپيچمەنت پروتسەسىنىڭ ورتا جولعى ناتيجەسى بەلگىلى بولدى. بۇگىن وكىلدەر پالاتاسىندا سوڭعى تالقىلاۋ بارىسى ءوتىپ، يمپيچمەنت ماسەلەسىنە قاتىستى داۋىس بەرىلدى. دەموكراتتار ءبىر قولدان قولداسا، رەسپۋبليكالىقتار تولىق قارسى بولدى. ال وكىلدەر پالاتاسىندا دەموكراتتار سانى كوبىرەك بولعاندىقتان، يمپيچمەنت قابىلدانىپ وتىر.
ايتسە دە، دونالد ترامپ پرەزيدەنتتىك پوستتان كەتپەيدى. ونىڭ پوستتا قالۋ نە كەتۋىن ەندىگارى سەنات شەشۋى ءتيىس. ەگەر سەنات مۇشەلەرىنىڭ ۇشتەن ەكى بولىگى يمپيچمەنتتى قولداپ داۋىس بەرسە، وندا تراپم كەتەدى. ەگەر ودان از بولسا، ول ءوز قىزمەتىن جالعاستىرادى. مۇندا ايتا كەتكەن ءجون، سەنات مۇشەلەرىنىڭ اراسىندا رەسپۋبليكالىقتار سانى باسىم. سوندىقتان ۇشتەن ەكى بولىگى يمپيچمەنتتى قولداۋى قيىنداۋ.
ترامپ وسىلاي يمپيچمەنت جاريالانعان اقش تاريحىنداعى ءۇشىنشى پرەزيدەنت اتانىپ وتىر.
ايتا كەتسەم، اقش كونستيتۋتسياسىندا يمپيچمەنت سوتىن جۇرگىزۋدىڭ ناقتى باعدارلاماسى جوق. وعان كۋاگەرلەردى شاقىرۋ نە شاقىرماۋ سەناتتىڭ قۇزىرىنا بەرىلەدى. سوت بارىسىنىڭ ۋاقىت شەكتەۋى دە ناقتى بەكىتىلمەگەن. ترامپ يمپيچمەنتى بويىنشا سەنات ءوز ارەكەتى قاڭتار ايىندا باستايدى.
سەناتتاعى رەسپۋبليكالىقتار جەتەكشىسى ميتچ ماككوننەلل كۋاگەرلەردى شاقىرمايتىنىن بۇگىن ايتىپ ۇلگەردى. وعان دەموكرات سەناتورلار قارسى شىعىپ، ترامپ قاسىنداعى شەنەۋنىكتەردى سەناتقا كۋاگەر رەتىندە شاقىرۋدى تالاپ ەتۋدى دوعارمايتىنىن ايتىپ وتىر.
وكىلدەر پالاتاسىنداعى رەسپۋبليكالىقتاردىڭ بارلىعى يمپيچمەنتكە قارسى بولعانىن ەسكەرسەك، سەناتتاعى دەموكراتتار ترامپتى ورنىنان الا المايدى. ول ءۇشىن ولار 53 رەسپۋبليكالىق سەناتوردىڭ 20-سىن يمپيچمەنتتى قولداۋىنا كوندىرۋى ءتيىس.
پرەزيدەنتتىك سايلاۋ بارىسى ءوز الدىنا قىزىق. ال مىناۋ يمپيچمەنت ونى ودان دا قىزدىرا تۇسپەك. ەندەشە، ارى قاراي كۇزەتەيىك!
جولداس ءورىسبايدىڭ الەۋمەتتىك جەلىدەگى پاراقشاسىنان
Abai.kz
