ماڭعىستاۋداعى وزدەرىنىڭ اق ادال ەڭبەكتەرىنىڭ دۇرىس تولەنۋىن تالاپ ەتىپ باستالعان ەرەۋىلدىڭ الدىنا - 112, ارتىنا - 97  كۇن بولدى. بيلىكتىڭ مۇنايشىلار تالابىن ورىندايتىن ويلارى جوق. قر كونستيتۋتسيانىڭ 3 بابىندا «بيلىكتىڭ بىردەن ءبىر باستاۋى حالىق» دەپ كورسەتىلگەن. ال وسى باپ ورىندالىپ وتىر ما؟ ەگەردە بيلىكتىڭ بىردەن ءبىر باستاۋى حالىق بولسا، ماڭعىستاۋ جەرىندەگى مۇنايشىلاردىڭ زارىنا (ولاردىڭ بالا شاعاسىن قوسقاندا 30000 ادام) كوڭىل اۋدارعان بيلىك، «نۇر وتان» پارتياسىنان بىرەۋ بولدى ما؟ جوق! سەبەبى بيلىكتەگىلەردىڭ ەسەبى تۇگەل.  «مۇنايشىلار ەرەۋىلى زاڭسىز» دەگەننەن باسقا ەشتەڭە ايتا الماي، بيلىكتىڭ كوزىنە شەل قاپتاپ وتىر.

ماڭعىستاۋداعى وزدەرىنىڭ اق ادال ەڭبەكتەرىنىڭ دۇرىس تولەنۋىن تالاپ ەتىپ باستالعان ەرەۋىلدىڭ الدىنا - 112, ارتىنا - 97  كۇن بولدى. بيلىكتىڭ مۇنايشىلار تالابىن ورىندايتىن ويلارى جوق. قر كونستيتۋتسيانىڭ 3 بابىندا «بيلىكتىڭ بىردەن ءبىر باستاۋى حالىق» دەپ كورسەتىلگەن. ال وسى باپ ورىندالىپ وتىر ما؟ ەگەردە بيلىكتىڭ بىردەن ءبىر باستاۋى حالىق بولسا، ماڭعىستاۋ جەرىندەگى مۇنايشىلاردىڭ زارىنا (ولاردىڭ بالا شاعاسىن قوسقاندا 30000 ادام) كوڭىل اۋدارعان بيلىك، «نۇر وتان» پارتياسىنان بىرەۋ بولدى ما؟ جوق! سەبەبى بيلىكتەگىلەردىڭ ەسەبى تۇگەل.  «مۇنايشىلار ەرەۋىلى زاڭسىز» دەگەننەن باسقا ەشتەڭە ايتا الماي، بيلىكتىڭ كوزىنە شەل قاپتاپ وتىر.

«وزەنمۇنايگاز» جەر استى تەحنيكا قىزمەتىن باقىلايتىن تسەحىنىڭ 5 دارەجەلى وپەراتورى دەمەسىنوۆ حاساننىڭ 2011 جىلعى مامىر ايىنداعى جيروۆكاسى: تاريف بويىنشا 125192-41 تگ.، مەرەكە كۇنگە - 7411-44 تگ.، سىياقى - 20010-88 تگ.، بارلىعى 152614,73 تەڭگە، وسىنىڭ ىشىندە سالالىق - 1,8 جانە اۋداندىق - 1,7 كوەفيتسيەنتى بار دەلىنگەن، سوندا وسى جيروۆكا بويىنشا 40912-55 تەڭگە مۇنايشىنىڭ تازا جالاقىسى (وكلاد), ال جۇرگىزۋشى ۋتەباەۆ ەرجاننىڭ اعىمداعى جىلعى ناۋرىز ايىنداعى جيروفكاسى: تاريف  - 134983-95 تگ.، جوندەۋگە تولەنگەنى - 16326-29 تگ.، تۇنگى جۇمىسقا تولەنگەنى - 531-44 تگ.،  ارتىق ۋاقىت ىستەگەنى ءۇشىن - 1062-87 تگ.، دەمالىس كۇنى ءۇشىن - 22320-18 تگ. ، سىياقى - 38549-44 تگ.، ءبىر مەزگىلدىك - 13990-80 تگ.،  بارلىعى 227764-97 تەڭگە، وسىنىڭ ىشىندە - 1,7 جانە 1,8 كوەفيتسەنتتەرى بار دەپ كورسەتىلگەن، سوندا جۇرگىزۋشىنىڭ تازا تابىسى (وكلاد) - 44112-40 تەڭگە بولىپ شىعادى. ءسىز ەڭ اۋىر، ەكولوگياسى تومەن جەردە جۇمىس جاسايتىن 5 دارەجەلى مۇنايشى مەن جۇرگىزۋشىنىڭ  50000 تەڭگەگە جەتپەيتىن جالاقىسىن  دۇرىس  دەپ ەسەپتەيسىز بە؟

ەڭبەك جانە حالىقتى الەۋمەتتىك قورعاۋ ءمينيسترى ابدىحالىقوۆا حانىم قكپ حاتشىسى الدامجاروۆقا جازعان 2 شىلدەدەگى جاۋاپ حاتىندا وپەراتوردىڭ جالاقىسى 220-280 مىڭ تەڭگە، بۇل - 1,7 مەن 1,8 كوەفيتسيەنتىسىز 71895-91503 تەڭگە دەپ كورسەتەدى. مينيستر حانىم، وسىنداي جالاقى قىستا سۋىق تا، جازدا ىستىقتا استى مۇناي جامان ءيىستى جەردە جۇمىس جاسايتىن مۇنايشى ەڭبەگىنىڭ دۇرىس باعالانۋ دپە ويلايسىز با؟ وسىنداي ادىلەتسىزدىك بولا تۇرا نەگە مۇنايشىلاردىڭ ەرەۋىلى زاڭسىز؟

نەگە باس ديرەكتوردىڭ  بىرىنشى ورىنباسارى ميروشەنكو مىرزا  5 ملن 547 مىڭ تەڭگە الادى، ال ەڭ اۋىر جۇمىستى جاساۋشى مۇنايشى 50000 تەڭگە جەتپەيتىن جالاقى الۋى كەرەك؟! ەگەر مۇنايشى جۇمىس جاساماسا بيلىكتەگىلەر مەن بايكەشتەر ميلليونداعان جالاقىنى قايدان الار ەدى.

مىنە، كەشەدەن بەرى جاڭاوزەن قالاسىندا بۇرىننان  بار سولدات پەن ومونداردىڭ ۇستىنە تاعى دا اسكەر اپارىپ جاتقان كورىنەدى. اقتاۋ، جاڭاوزەن قالاسى اراسىنداعى جولاۋشىلار اۆتوكولىكتەرى تەكسەرىلىپ جاتىر. كەشە كەشكە مۇنايشىلار جاتقان الاڭنىڭ قاسىنان ەكى اۆتوبۋس اسكەر الىپ وتكەن. بۇل نە؟ ۇزىن قۇلاقتان ورازا بىتكەسىن ەرەۋىلشىلەردى كۇشپەن تاراتادى دەگەن حابار ەستىگەنبىز، ەل ىشىندەگى ءسوز شىندىققا اينالماسىنا ەشكىم كەپىلدىك بەرە المايدى.

ابدىرەيموۆا ن.ءى.

قكپ موك 1-ءشى حاتشىسى