ەلوردادا وتكەن دۇنيەجۇزىلىك «قازاق كۇرەسى» فەدەراتسياسىنىڭ حالىقارالىق كونگرەسىندە اليك شپەكباەۆ اتالعان فەدەراتسياسىنىڭ پرەزيدەنتى بولىپ سايلاندى. 

كونگرەسكە الەمنىڭ 27 ەلىنەن قازاق كۇرەسى سپورتىنىڭ وكىلدەر كەلدى. جيىن بارىسىندا فەدەراتسيا باسشىسىن سايلاۋ ماسەلەسى قارالعان بولاتىن. 27 مەملەكەت وكىلىنىڭ ءبىر اۋىزدان بەرگەن داۋىسىمەن فەدەراتسياسىنىڭ پرەزيدەنتى بولىپ اليك شپەكباەۆ سايلاندى.

سونىمەن قاتار، جيىن بارىسىندا جاڭا سايلانعان پرەزيدەنت اليك شپەكباەۆ 27 ەلدەن كەلگەن فەدەراتسيا مۇشەلەرىنە ۇسىنىس ءبىلدىردى. ول بويىنشا فەدەراتسيانىڭ «قۇرمەتتى پرەزيدەنتى» رەتىندە دوسحان جولجاقسىنوۆتى، ءبىرىنشى ۆيتسە-پرەزيدەنتى رەتىندە بادەلحان كامالحانۇلىن سايلاۋ ۇسىنىلدى. كوپشىلىك بۇل ۇسىنىستى دا قولدادى.

سونداي-اق، فەدەراتسيانىڭ ۆيتسە-پرەزيدەنتى بولىپ گرەكيادان كەلگەن پەكوس فەودوروس پەن قىتايلىق سوڭ جياڭليڭ سايلاندى.

Abai.kz