تارازعا ەلباسى نەمەسە مۇرتى مايعا شىلقىعان ءماسىموۆ كەلە جاتىر دەسە جەرگىلىكتى جۇرتشىلىق «وي، وسى جولى «توچنو» بوزىمباەۆ كەتەدى» دەيتىندى شىعاردى. مۇنداي اڭگىمەنىڭ مۇرتى وسكەنىنە دە ءبىراز بولدى. سول ارالىقتا ەلباسى دا، پرەمەر دە كەلىپ كەتتى. ازىرگە تىنىشتىق. باسقانى قايدام، جامبىلدىق جۇرتشىلىققا كۇيەۋ بالا اتانعان الدابەرگەننىڭ قاناتىنىڭ ۇيقىسى تىنىش. بىراق...

ءيا، سوڭعى كەزدەرى اۋليەاتاعا ەلباسىنىڭ ساپارى ءجيىلىپ كەتتى. سوعان قاراعاندا اكىم دە اۋىساتىن سياقتى ما، قالاي ءوزى؟ ماسەلەنكي كۇنى ەرتەڭ نۇرسۇلتان ءابىشۇلىنىڭ تارازعا كەلەتىنى بەلگىلى بولعالى جۇرتتىڭ اۋزىنان گۋ-گۋ ارالاس سىپسىڭ سوزدەر سىتىلىپ شىعىپ جاتىر. ايتەۋىر، كوبىنەسە قالت ايتپايتىن حالىقتىڭ سوزىنە سەنسەك، وسى جولى پرەزيدەنت اكىمدى انىق اۋىستىراتىن كورىنەدى. ەندىگى اڭگىمە بوزىمباەۆتىڭ ورنىنا كىم كەلەدى...

سونىمەن جۇرتتىڭ ايتقانىن اڭداساق، جامبىل وبلىسىنا اكىم بولىپ كەرەكۋدىڭ كوشەلەرىن قازاقشالاعان باقىتجان ساعىنتاەۆ كەلە جاتىر ەكەن. ءتىپتى، ساعىنتاەۆتى «ساعىنىپ» وتىرعان الدەبىر ازامات: «وي، باقىتجان ءوزىمىزدىڭ اۋىلدىڭ بالاسى عوي، وشاقتىنىڭ توپىراعىندا اۋناعان ءوز ۇلىمىز، ءوزىمىزدى وزەككە تەپپەس، قۇداي قالاسا، بىزگە دە ءبىر قىزمەت بۇيىرىپ قالار. ءوزى قاراپايىم ەدى، مينيستر بولعاندا دا اۋىلعا كەلىپ، امانداسىپ تۇراتىن» دەپ قويادى.

قىسقاسى، ساعىنتاەۆ پا، باسقا ما، كىم كەلسە دە ۇلتقا جانى اشيتىن ازامات جامبىلدىڭ تىزگىنىن قولعا السا يگى ەدى...

«اباي-اقپارت»

تارازعا ەلباسى نەمەسە مۇرتى مايعا شىلقىعان ءماسىموۆ كەلە جاتىر دەسە جەرگىلىكتى جۇرتشىلىق «وي، وسى جولى «توچنو» بوزىمباەۆ كەتەدى» دەيتىندى شىعاردى. مۇنداي اڭگىمەنىڭ مۇرتى وسكەنىنە دە ءبىراز بولدى. سول ارالىقتا ەلباسى دا، پرەمەر دە كەلىپ كەتتى. ازىرگە تىنىشتىق. باسقانى قايدام، جامبىلدىق جۇرتشىلىققا كۇيەۋ بالا اتانعان الدابەرگەننىڭ قاناتىنىڭ ۇيقىسى تىنىش. بىراق...

ءيا، سوڭعى كەزدەرى اۋليەاتاعا ەلباسىنىڭ ساپارى ءجيىلىپ كەتتى. سوعان قاراعاندا اكىم دە اۋىساتىن سياقتى ما، قالاي ءوزى؟ ماسەلەنكي كۇنى ەرتەڭ نۇرسۇلتان ءابىشۇلىنىڭ تارازعا كەلەتىنى بەلگىلى بولعالى جۇرتتىڭ اۋزىنان گۋ-گۋ ارالاس سىپسىڭ سوزدەر سىتىلىپ شىعىپ جاتىر. ايتەۋىر، كوبىنەسە قالت ايتپايتىن حالىقتىڭ سوزىنە سەنسەك، وسى جولى پرەزيدەنت اكىمدى انىق اۋىستىراتىن كورىنەدى. ەندىگى اڭگىمە بوزىمباەۆتىڭ ورنىنا كىم كەلەدى...

سونىمەن جۇرتتىڭ ايتقانىن اڭداساق، جامبىل وبلىسىنا اكىم بولىپ كەرەكۋدىڭ كوشەلەرىن قازاقشالاعان باقىتجان ساعىنتاەۆ كەلە جاتىر ەكەن. ءتىپتى، ساعىنتاەۆتى «ساعىنىپ» وتىرعان الدەبىر ازامات: «وي، باقىتجان ءوزىمىزدىڭ اۋىلدىڭ بالاسى عوي، وشاقتىنىڭ توپىراعىندا اۋناعان ءوز ۇلىمىز، ءوزىمىزدى وزەككە تەپپەس، قۇداي قالاسا، بىزگە دە ءبىر قىزمەت بۇيىرىپ قالار. ءوزى قاراپايىم ەدى، مينيستر بولعاندا دا اۋىلعا كەلىپ، امانداسىپ تۇراتىن» دەپ قويادى.

قىسقاسى، ساعىنتاەۆ پا، باسقا ما، كىم كەلسە دە ۇلتقا جانى اشيتىن ازامات جامبىلدىڭ تىزگىنىن قولعا السا يگى ەدى...

«اباي-اقپارت»