رەسەي ءتورت جىلعا سوزىلعان قىرىمدى ماتەريكتىك رەسەيمەن بايلانىستىرعان تەمىر جول كوپىرىن اياقتادى. سانكت-پەرەربۋرگتەن شىققان پوەزد 44 ساعاتتا قىرىمدا بولادى. ەندى رەسەيدەن قىرىمدى الۋ ۋكرايناعا مۇمكىن ەمەس-اۋ. رەسەي ءۇشىن قىرىمدى جوعالتۋ قارا تەڭىزدەگى ۇستەمدىكتى جوعالتۋمەن تەڭ. ۋكراينا باسشىلارىنىڭ قىرىمدى قايتارامىز دەگەن ويى جىل وتكەن سايىن ۋتوپياعا اينالىپ بارادى.

تەمىر جول سالۋ، بايلانىس ماسەلەسىن شەشۋ جاۋلاۋشى يمپەريانىڭ ەڭ ءبىرىنشى ىستەيتىن جۇمىسى. كەزىندە قازاق جەرىن جاۋلاپ العاندا دا ۇلى دالاعا اسكەرىن ورتالىقتان تەز جەتكىزەتىن تەمىر جول سالۋدان باستاعان ەدى رەسەي يمپەرياسى. ومىرىندە ءبىرىنشى رەت پوەزدى كورگەن قازاقتار تۇيەنىڭ ۇستىندە تۇرىپ، اتقا ءمىنىپ پوەزبەن جارىسىپ، قۋانا قارسى العان عوي.

قايتەمىز ەندى. ءوزىمىزدىڭ باس جەتپەدى پوەزد قۇراستىراتىن. عىلىمدى يگەرمەي مالدىڭ سوڭىندا، دومبىرانى سابالاپ "احوووۋۋ" دەپ ولەڭ ايتىپ جۇرە بەردىك. سول ولەڭ ايتقاننان مولىنان ايتىپ، الاتاۋعا قاراپ ءان شىعارىپ 250 جىل ورىستىڭ وتارى بولدىق.

قىرىمنىڭ دا ەندى رەسەيدىڭ قولاستىنان شىعۋى ەكىتالاي. رەسەي قۇلاعاندا بولماسا...

باۋىرجان سەرىكبايدىڭ الەۋمەتتىك جەلىدەگى پاراقشاسىنان

Abai.kz