«اق جول» پارتياسى پرەزيدەنت قاسىم-جومارت توقاەۆتىڭ ۇلتتىق قوعامدىق سەنىم كەڭەسىنىڭ 20 جەلتوقسانداعى وتىرىسىندا بەرگەن تاپسىرمالارىن قولدايدى.

پارتيا توراعاسى ازات پەرۋاشەۆ مالىمدەگەندەي، مەملەكەت باسشىسىنىڭ ساياسي جۇيەنى رەفورمالاۋ جونىندە ايتقان ميتينگىلەر تۋرالى حابارلاۋ راسىمىنە كوشۋ، ساياسي پارتيالاردى قۇرۋدى جەڭىلدەتۋ، پارلامەنتتىك وپپوزيتسيا ينستيتۋتىن بىرىكتىرۋ، بيۋدجەتتىڭ جۇمسالۋىنا ساياسي جانە قوعامدىق باقىلاۋدى ەنگىزۋ سىندى تاپسىرمالارى قوعامنىڭ بالاما جولمەن دامۋىن بىلدىرەدى. 

«اق جول» قوعامنىڭ الدىندا بيلىكتىڭ اشىقتىعى مەن ەسەپ بەرۋىنىڭ ستراتەگيالىق باعىتى تۇڭعىش پرەزيدەنت نۇرسۇلتان نازارباەۆ قابىلداعان «100 ناقتى قادام» ۇلت جوسپارىندا بەكىتىلگەنىن اتاپ ءوتۋ ماڭىزدى دەپ سانايدى.

پرەزيدەنت توقاەۆ مەملەكەتتىڭ كەمەلدىگى مەن باتىلدىعىن قاجەت ەتەتىن وسى ۆەكتوردى كەڭىنەن ىسكە اسىرۋدى باستادى. ويتكەنى، بۇعان دەيىن ونىڭ پرەزيدەنتتىك سايلاۋدى ەرتەرەك وتكىزگەنى ساياسي باسەكەلەستىكتىڭ كۇشەيە تۇسۋىمەن بايلانىستى بولدى. 

وسىلايشا، ەلدە جۇرگىزىلىپ جاتقان مەملەكەتتىك دەموكراتيالاندىرۋ ساياساتىنىڭ ساباقتاستىعى مەن پروگرەسسيۆتى سيپاتى كورسەتىلدى.

وسىعان بايلانىستى، «اق جول» پارتياسى العا قويىلعان مىندەتتەردى قولدايتىندىنىن جانە ولاردى ىسكە اسىرۋعا بەلسەندى قاتىسۋعا دايىن ەكەندىگىن مالىمدەيدى.

«اق جول» پارتياسى ۇسىنىلعان دەموكراتيالىق باستامالاردى ءىس جۇزىندە جۇزەگە اسىرۋ بويىنشا پارلامەنتكە ناقتى ۇسىنىستارىن ۇسىنۋعا دايىندالىپ جاتىر.

ءبىز ساياسي رەفورمالار ەلدىڭ قازىرگى الەۋمەتتىك-ەكونوميكالىق ماسەلەلەرىن شەشۋدىڭ ماڭىزدى فاكتورىنا اينالاتىنىنا سەنىم بىلدىرەمىز.

بۇگىن «اق جول» پارتياسى پرەزيدەنت توقاەۆقا قازاقستان رەسپۋبليكاسىنىڭ ساياسي جۇيەسىن ىرىقتاندىرۋداعى باستامالارى ءۇشىن العىس ايتىپ، حات جولدادى.

Abai.kz