"قاۋiپسiزدiك تالاپتارىنا ساي كەلمەيتىن تاۋارلاردى شىعارۋ نە قىزمەت كورسەتۋ" بابى بويىنشا ءىس قوزعالعان ەرلان تاكيشەۆ سوت شەشىمىمەن بەس جىلعا باس بوستاندىعىنان ايىرىلدى. ال ءاليا تاكيگەۆا ءتورت جىلعا سوتتالدى. تاكيشەۆ جازاسىن بەس جىلدان سوڭ، ياعني بالاسى 14 جاسقا كەلگەننەن كەيىن وتەي باستايدى. سوتتالۋشىلار ۇكىممەن كەلىسپەدى.

سوت ۇكىمىنە ساي، ايىپتالۋشىلار قازا بولعان بالانىڭ جانە زارداپ شەككەن بالالاردىڭ اتا-انالارىنا مورالدىق شىعىن تولەۋى ءتيىس.

تەرگەۋدىڭ دەرەگىنشە، باتۋت دۇرىس ورناتىلماعان جانە يەلەرى ونى ساياباققا قويۋعا رۇقسات الماعان.

وقيعا قاراعاندىدا ۇلكەن شۋ تۋعىزىپ، قاراعاندى اكىمى ءوزىنىڭ ورىنباسارىنا جانە كوممۋنالدىق قىزمەت ءبولىمى باسشىسى مىندەتىن اتقارۋشى شەنەۋنىككە سوگىس جاريالاعان. ال ساياباق ديرەكتورى رۋستام كودەباەۆ قىزمەتىنەن قۋىلعان.

وسى وقيعادان كەيىن توتەنشە جاعداي كوميتەتى ەلدەگى باتۋتتارعا باقىلاۋ كۇشەيەتىنىن ايتقان. كوميتەت توراعاسى ۆلاديمير بەككەر 1 شىلدەدەن ەلدە اتتراكتسيونداردى باقىلايتىن ارنايى كوميسسيا جۇمىس ىستەي باستاعانىن ايتقان.

Abai.kz