jaqsy.kz - جاڭالىقتىڭ جارشىسى
ءبىرىنشى قىركۇيەك - جاڭا ماۋسىمنىڭ باستاۋى. جاڭا لەپ. سونى ءبىر سەرپىلىس. ءبىرىنشى قىركۇيەك - «جاقسى» ۇلتتىق پورتالى وقىرمان اتتى اعايىنىن تورگە شاقىرىپ، ەسىگىن ايقارا اشقان كۇن. بۇل ەكىنىڭ ءبىرى سايت اشىپ، ويىنا كەلگەندى جازىپ، كوزىنە كورىنگەندى ءتۇرتۋ مە دەپ ويلاساڭىز، ەركىڭىز ءبىلسىن. ال، ايتپەسە بۇل نە؟
بولاشاقتا عالامتور كەڭىستىگىندە ويىپ تۇرىپ ءوز ورنىن الۋدى كوزدەيتىن سايتتىڭ تابالدىرىعىن العاش اتتاعاننان-اق، ءبىراز نارسەگە ءىشىڭىزدىڭ جىليتىنى ورىندى. العان باعىتى مەن ۇستانىمى، ماقساتى مەن مۇددەسى «قازاعىم» دەپ تۇر. «بىزدىكى قايتسەك، قازاققا پايدالى دۇنيە جاسايمىز دەگەن رياسىز قام عانا» دەيدى سۋ جاڭا سايتتىڭ سۋ جاڭا ۇيلەستىرۋشىسى وركەن كەنجەبەك. باس رەداكتورى - بەلگىلى جۋرناليست ساكەن سىبانباي. شىعارماشىلىق ۇجىمى - «سەن تۇر، مەن اتايىن» دەپ تۇرعان كىلەڭ جاستار.
ءبىرىنشى قىركۇيەك - جاڭا ماۋسىمنىڭ باستاۋى. جاڭا لەپ. سونى ءبىر سەرپىلىس. ءبىرىنشى قىركۇيەك - «جاقسى» ۇلتتىق پورتالى وقىرمان اتتى اعايىنىن تورگە شاقىرىپ، ەسىگىن ايقارا اشقان كۇن. بۇل ەكىنىڭ ءبىرى سايت اشىپ، ويىنا كەلگەندى جازىپ، كوزىنە كورىنگەندى ءتۇرتۋ مە دەپ ويلاساڭىز، ەركىڭىز ءبىلسىن. ال، ايتپەسە بۇل نە؟
بولاشاقتا عالامتور كەڭىستىگىندە ويىپ تۇرىپ ءوز ورنىن الۋدى كوزدەيتىن سايتتىڭ تابالدىرىعىن العاش اتتاعاننان-اق، ءبىراز نارسەگە ءىشىڭىزدىڭ جىليتىنى ورىندى. العان باعىتى مەن ۇستانىمى، ماقساتى مەن مۇددەسى «قازاعىم» دەپ تۇر. «بىزدىكى قايتسەك، قازاققا پايدالى دۇنيە جاسايمىز دەگەن رياسىز قام عانا» دەيدى سۋ جاڭا سايتتىڭ سۋ جاڭا ۇيلەستىرۋشىسى وركەن كەنجەبەك. باس رەداكتورى - بەلگىلى جۋرناليست ساكەن سىبانباي. شىعارماشىلىق ۇجىمى - «سەن تۇر، مەن اتايىن» دەپ تۇرعان كىلەڭ جاستار.
ماڭدايشاداعى «بىرىكسەڭ بىرگەسىڭنىڭ» ءدال قازىرگى ۋاقىتتا ءاربىر قازاق بالاسىنىڭ قولعا الاتىن امالى ەكەنى راس. ات توبەلىندەي الاش ۇرپاعىنىڭ قوعامداعى توسىن تولقىندارعا شاشالىپ قاپ، ءتىپتى كەيدە تال قارماپ قاپ جاتقانىن جاسىرا الماسپىز. سوندا سىرتتىڭ ۋى مەن زارىنە، جاماندىعى مەن زۇلىمدىعىنا توتەپ بەرەتىن نە نارسە ەكەن؟ اۋەلدەن اتا سىيلاعان سالتىمىزعا سالساق، ارينە، ارتىمىزعا ءبىر قاراپ الماي ءىس قىلمايتىنىمىز انىق. ال، اتام قازاق ۇلتتىڭ ىشكى يمۋننيتەتىنىڭ بەرىكتىگى بىرلىكتە، ىنتىماقتا ەكەنىن باعزىدان بەك ۇعىنسا كەرەك. «بىرلىك باردا تىرلىك باردى» قالدىرىپتى بىزدەرگە. قازاقتىڭ قازاق بولىپ قالۋىن رۋ-رۋعا ، توپ-توپقا بولىنۋمەن بايلانىستىرماعانى انىق ەكەن. سودان شىعار، «ىرىس الدى ىنتىماقتى» مىقتاپ تاپسىرىپتى. تىزە بەرسەك بۇ قازاقتى بىرلىككە شاقىراتىن تىركەس كوپ. تەك امالىمىزدا نۇقسان بار سەكىلدى. ىسىمىزدەن كەمشىن ءتۇسىپ جاتقانىمىزدى ويلانبايتىن سياقتىمىز.
ال، وسى ءبىر بىرلىك اتتى اسىل ۇستانىمدى الداعى كۇندەرىنە باعىت ەتىپ العان قازاقتىڭ بىرقاتار جاستارى ءبىر بولىپ، بىرىگىپ جاساعان دۇنيەسىنە قۋانباساق، ءبىزدىڭ ۇلت قازانىنداعى ءبىر قايناۋىمىز كەم شىعار. دەسە دە، بىرەۋدى مىنەپ، بىرەۋگە اقىل ايتۋدان اۋلاقپىز. بىزدىكى ءبورى جەيتىندەي بولىنگەننەن گورى، بىرىگىپ سول ءبورىنىڭ ءوزىن العان جاقسىراق شىعار دەگەن وي عانا. بۇگىنگىنىڭ بۇلدىرگىلەرىنە توتەپ بەرەتىن نارسە - ول بەس ساۋساقتىڭ بۇگىلىپ، جۇمىلعان جۇدىرىق بولۋىندا ەكەن. پايداسىنان ويلاساق، قازاق ءۇشىن بىرىگۋدەن ارتىق پايدالىنى ىزدەۋدىڭ ءوزى ۋاقىت جوعالتۋدىڭ ەڭ ءبىر وپاسىز ءتۇرى شىعار. سوندىقتان جاقسىلىقتان ءۇمىت ەتىپ، بار قازاق بىرىككەن بىرلىكتە ءومىر سۇرسە ەكەن دەيمىز. «بىرىكسىڭ بىرگەسىڭ» - مەرزىمى جەتكەن تۇجىرىم. جاقسى ۇلتتىق پورتالىنىڭ ۇرانى وسى.
