بىراق ءبىر تاڭقالارلىعى، اۋىلداردا جاسى وتىز-قىرىقتان اسىپ كەتكەن ءسۇر بويداق جىگىتتەر كوپ. قاسىمىزداعى 10 ۇيلىك اۋىلدىڭ وزىندە وننان استام بويداق جىگىت تۇرادى ەكەن. باسقا اۋىلداردا دا جاعداي وسىنداي.
سۇراي كەلە مىناداي باستى سەبەپتەردى انىقتادىم:
- اۋىلدا قىز بالالار از. كوبىنەسە، قىزدار وقۋ جانە جۇمىس قۋىپ قالاعا كەتەدى،
- ال، جىگىتتەر مالشىلىقتى كاسىپ قىلعاندىقتان اۋىلدان شىعا الماي قالادى. مال ۇنەمى قاداعالاۋدى قاجەت ەتەدى.
- قالاعا ۇيرەنىپ قالعان قىز بالالار اۋىلعا كەلگىسى كەلمەيدى. قالانىڭ قىزى اۋىل جىگىتىنىڭ ۇسىنىسىن قابىلدامايدى. اۋىلدىڭ تۇرمىستىق جاعدايىن اۋىرسىنادى.
- بويداق جىگىتتەر اتا-اناسىنىڭ جاعدايىن ويلايدى. توي دەگەن شىعىن، سوندىقتان وتباسىنىڭ قارىزدانعانىن قالامايدى. ءسويتىپ ءجۇرىپ ۋاقىت وتكىزىپ الادى.
- وتباسىنىڭ الەۋمەتتىك جاعدايى

نە بولعانمەن دە بۇل جىگىتتەردىڭ ءبارى ۇيلەنگىسى كەلەدى جانە ۇنەمى ىزدەنىستە، بىراق كوبىنىڭ جولى بولماۋدا. ال، قالالاردا بويداق قىزداردىڭ كوپتىگىن بايقايمىن. ولار دا وتباسى قۇرىپ، بالا سۇيگىسى كەلەتىنىنە كۇمانىم جوق. بىراق ءبىر ايتىپ، ءجون سىلتەۋ جەتىسپەيتىن سياقتى. اۋىلدا جاعدايدىڭ بۇرىنعىدان الدەقايدا جاقسى ەكەنىن، بايلانىستىڭ، ينتەرنەتتىڭ بار ەكەنىن ايتايىق. اۋىلدى سۇيدىرەيىك، قورقىتپايىق.

قالادا باقىتىن كەزدەستىرە الماي جۇرگەن قارىنداستارىمىز بولسا، ولاردى اۋىلدىڭ جىگىتىمەن وتاسۋعا، اۋىلعا كەلىن بولۋعا ۇگىتتەيىك.
بۇل كوپتەگەن الەۋمەتتىك ماسەلەنى شەشەر ەدى.
اۋىلداعى جۇمىس كۇشى، مەكتەپتەگى بالا سانى، قىلمىستىڭ ازايۋى، اجىراسۋ، ت.ب. سياقتى كوپتەگەن الەۋمەتتىك ماسەلە شەشىلەر ەدى.

ابىل ساتايدىڭ الەۋمەتتىك جەلىدەگى پاراقشاسىنان

Abai.kz