ارمان قىرىقباي «Nur Otan» پارتياسىنىڭ حاتشىسى بولىپ تاعايىندالدى. بۇل تۋرالى پارتيا توراعاسىنىڭ ءبىرىنشى ورىنباسارى باۋىرجان بايبەك تۆيتتەردەگى پاراقشاسىنادا جازدى.

-پارتيا ليدەرى ن.ءا. نازارباەۆتىڭ كەلىسىمىمەن ارمان قىرىقباەۆ «Nur Otan»-نىڭ حاتشىسى بولىپ تاعايىندالدى. ونىڭ پارتياداعى، سونداي-اق ورتالىق جانە جەرگىلىكتى مەملەكەتتىك ورگاندارداعى مول جۇمىس تاجىريبەسى الداعى مىندەتتەردى تابىستى ىسكە اسىرۋىنا مۇمكىندىك بەرەتىنىنە سەنىمدىمىن،- دەلىنگەن جازبادا.

ايتا كەتەيىك، ارمان قىرىقباي وسى ۋاقىتقا دەيىن الماتى قالاسى مەدەۋ اۋدانى اكىمىنىڭ ورىنباسارى، مادەنيەت كوميتەتىنىڭ توراعاسى، قاراعاندى وبلىسى اكىمىنىڭ ورىنباسارى، قر مادەنيەت جانە اقپارات ۆيتسە-ءمينيسترى، "ەگەمەن قازاقستان", "كازاحستانسكايا پراۆدا", "قازاقفيلم" اق، "Nur Media" جشس-ءنىڭ ديرەكتورلار كەڭەسىنىڭ توراعاسى، 2015-2019 جىلدارى الماتى قالاسى اكىمىنىڭ ورىنباسارى سىندى بىرقاتار قىزمەتتەر اتقارعان.

Abai.kz