قاراعاندى. 9 قىرقۇيەك. قازتاگ - قاراعاندىدا قاسىم امانجولوۆتىڭ تۋعانىنا 100 تولۋىنا ارنالعان مەرەيتويلىق شارالار اياسىندا اقىننىڭ ەسكەرتكىشى اشىلدى، دەپ حابارلايدى اگەنتتىك ءتىلشىسى.

«ەسكەرتكىش ق. امانجولوۆتىڭ مەرەيتويىنا ارنايى جاسالدى. ونى سالۋعا ت25,5 ملن ءبولىندى. جوبانى اكىمدىكپەن ءوزارا ىنتىماقتاستىق تۋرالى مەموراندۋمعا سايكەس «قازاقمىس» كورپوراتسياسى قارجىلاندىردى»، - دەپ ءمالىم ەتتى قاراعاندى وبلىسىنىڭ اكىمى سەرىك احمەتوۆ جۇما كۇنى ەسكەرتكىشتىڭ اشىلۋ سالتاناتىندا.

سالتاناتتى راسىمگە مەرەيتويعا كەلگەن ادەبيەت جانە ونەر قايراتكەرلەرى، اقىننىڭ تۋعان-تۋىستارى، قاراعاندى تۇرعىندارى قاتىستى.

بيىكتىگى 4 مەترگە جۋىق ءمۇسىن قولادان قۇيىلدى. تۇعىرتاسىمەن بىرگە كومپوزيتسيانىڭ بيىكتىگى 8 مەترگە جەتەدى. اقىن قولىنا داپتەر ۇستاعان كۇيى بەينەلەنگەن.

«ءوزىم ق. امانجولوۆتىڭ شىعارماشىلىعىن جاقسى كورەمىن، اقىننىڭ بەينەسىن ماڭگىلىك ەتۋدى بۇرىننان ارمانداپ كەلدىم»، - دەپ اتاپ ءوتتى ەسكەرتكىشتىڭ اۆتورى، قاراعاندىلىق ءمۇسىنشى، لەنين كومسومولىنىڭ لاۋرەاتى جەڭىس مولداباەۆ.

قاراعاندى. 9 قىرقۇيەك. قازتاگ - قاراعاندىدا قاسىم امانجولوۆتىڭ تۋعانىنا 100 تولۋىنا ارنالعان مەرەيتويلىق شارالار اياسىندا اقىننىڭ ەسكەرتكىشى اشىلدى، دەپ حابارلايدى اگەنتتىك ءتىلشىسى.

«ەسكەرتكىش ق. امانجولوۆتىڭ مەرەيتويىنا ارنايى جاسالدى. ونى سالۋعا ت25,5 ملن ءبولىندى. جوبانى اكىمدىكپەن ءوزارا ىنتىماقتاستىق تۋرالى مەموراندۋمعا سايكەس «قازاقمىس» كورپوراتسياسى قارجىلاندىردى»، - دەپ ءمالىم ەتتى قاراعاندى وبلىسىنىڭ اكىمى سەرىك احمەتوۆ جۇما كۇنى ەسكەرتكىشتىڭ اشىلۋ سالتاناتىندا.

سالتاناتتى راسىمگە مەرەيتويعا كەلگەن ادەبيەت جانە ونەر قايراتكەرلەرى، اقىننىڭ تۋعان-تۋىستارى، قاراعاندى تۇرعىندارى قاتىستى.

بيىكتىگى 4 مەترگە جۋىق ءمۇسىن قولادان قۇيىلدى. تۇعىرتاسىمەن بىرگە كومپوزيتسيانىڭ بيىكتىگى 8 مەترگە جەتەدى. اقىن قولىنا داپتەر ۇستاعان كۇيى بەينەلەنگەن.

«ءوزىم ق. امانجولوۆتىڭ شىعارماشىلىعىن جاقسى كورەمىن، اقىننىڭ بەينەسىن ماڭگىلىك ەتۋدى بۇرىننان ارمانداپ كەلدىم»، - دەپ اتاپ ءوتتى ەسكەرتكىشتىڭ اۆتورى، قاراعاندىلىق ءمۇسىنشى، لەنين كومسومولىنىڭ لاۋرەاتى جەڭىس مولداباەۆ.

سەناتورقۋانىش سۇلتانوۆتىڭ ايتۋىنشا، ق. امانجولوۆقا ەسكەرتكىش ورناتۋ يدەياسى ونىڭ 60 جىلدىعى مەرەكەلەنگەن كەزدە ايتىلعان. «مىنە، سول وي ىسكە استى. ق.امانجولوۆ - الىپ تۇلعا، ول ءوز زامانىنىڭ دارىندى اقىنى بولعان. ونىڭ مەرەيتويىنىڭ وسىلايشا اتاپ ءوتىلۋى ۇلتتىق بىرىگۋدىڭ، رۋھاني مادەنيەتىمىزدىڭ قايتا جاندانۋىنىڭ بەلگىسى بولىپ تابىلادى»، - دەدى سەناتور.

اقىنعا تاعى ءبىر عۇمىر بەرىلگەندەي، دەپ ەسەپتەيدى قازاقستان جازۋشىلارى وداعىنىڭ توراعاسى نۇرلان ورازالين. «كوزى تىرىسىندە ق. امانجولوۆ اڭىز بولعان. ونىڭ «ابدوللا» پوەماسى («اقىننىڭ ءولىمى تۋرالى اڭىز») - الەم كلاسسيكاسىنا ەنگىزۋگە بولاتىن بىرەگەي تۋىندى. كەزىندە ءبىز قاسىمنىڭ شىعارماشىلىعىن وقىپ، ۇيرەندىك. بۇگىنگى جاستاردىڭ اراسىنان اقىننىڭ شىعارمالارىن ءسۇيىپ وقيتىنداردىڭ تابىلعانى مەنى قۋانتادى. قاسىم ميلليونداعان وقىرمانى ارقىلى ورالىپ وتىر. باستى بايلىق دەگەن وسى»، - دەدى جۋرناليستەرگەن. ورازالين.

قاسىم تۋرالى دەرەكتى فيلم تۇسىرگەن ش. ايمانوۆ ات. «قازاقفيلم» كينوستۋدياسىنىڭ رەجيسسەرى تىلەگەن احمەتوۆتىڭ پىكىرىنشە، اقىننىڭ شىعارماشىلىعى زەرتتەۋدى تالاپ ەتەدى. «ءبىز العاش رەت ەكراندا اقىن قاسىمنىڭ جولىن كورسەتۋگە تىرىستىق. فيلممەن جۇمىس جارتى جىل ۋاقىتتى الدى. ءبىز مۇراعاتتاعى ماتەريالداردى زەرتتەدىك. ءتۇسىرۋ جۇمىستارى 2 ايعا جالعاستى. امانجولوۆ ءومىر سۇرگەن، وقىعان، جۇمىس ىستەگەن ورىنداردىڭ ءبارىن قامتىدىق. ءتۇسىرۋ جۇمىستارى سانكت-پەتەربوردا، ورالدا، سەمەيدە جانە اقىننىڭ تۋعان جەرى قارقارالى اۋدانىندا دا جۇرگىزىلدى»، - دەدى ت. احمەتوۆ.

اقىننىڭ قىزى داريعا امانجولوۆا قاراعاندى وبلىسىنىڭ باسشىلىعىنا مەرەيتوي شارالارىن ۇيىمداستىرعانى ءۇشىن العىس ءبىلدىردى. «مەنى ماقتانىش سەزىمى بولەيدى. وكىنىشكە وراي، اكەمدى انامنىڭ اڭگىمەلەرىنەن بىلەمىن، ول بۇل ومىردەن ەرتە كەتتى. بىراق مەنىڭ ماماندىعىم فيلولوگ، سوندىقتان اكەم جازعان شىعارمالاردىڭ تولىق بيبليوگرافياسىن جيناۋعا تىرىستىم»، - دەدى د. امانجولوۆا. ول قارقارالى اۋدانىنداعى مۇراجايعا اكەسىنىڭ زاتتارىن تابىس ەتتى.

جۇما كۇنى قاراعاندى وبلىسىنىڭ اكىمى سەرىك احمەتوۆ مەرەيتوي شارالارىنا كەلگەن ادەبيەت جانە ونەر قايراتكەرلەرىن قابىلدادى. ايماق باسشىسى اقىننىڭ قىزدارى داريعا مەن جانياعا قۇرمەت بەلگىسى رەتىندە قازاقتىڭ ۇلتتىق قامزولدارىن، مەرەيتويلىق مەدالدار مەن پاتەر كىلتتەرىن تابىس ەتتى.

مەرەيتويلىق شارالاردى ە. بوكەتوۆ ات. قاراعاندى مەملەكەتتىك ۋنيۆەرسيتەتىندە «قاسىم امانجولوۆ جانە جاڭا ءداۋىر پوەزياسى» عىلىمي-تاجىريبەلىك كونفەرەنتسياسى جالعاستىردى. وندا «قاسىم» ادەبي جۋرنالىنىڭ، اقىننىڭ جارىق كورگەن كىتاپتارىنىڭ جانە ونىڭ شىعارماشىلىعى تۋرالى سايتتىڭ تۇساۋكەسەرى ءوتتى.

سەنبى كۇنى ق. امانجولوۆتىڭ تۋعانىنا 100 جىل تولۋىنا وراي مەرەكەلىك شارالار اقىننىڭ تۋعان جەرى قارقارالى اۋدانىندا جالعاسادى.

مەرەيتويلىق شارالارعا قازاقستان، تۇركيا، يران، ازەربايجان، وزبەكستان، تاتارستان ەلدەرىنەن 200-گە تارتا قوناق كەلدى.