حالىقارالىق اۋە كولىگى قاۋىمداستىعى (IATA) Bek Air-دەن كودىن قايتارىپ الدى. حالىقارالىق قاۋىمداستىقتىڭ حاتى Bek Air اۋە كومپانياسىنىڭ سايتىندا جاريالاندى.

وندا ء"بىز سىزدەردىڭ كومپانيانىڭ جولاۋشىلارعا قىزمەت كورسەتۋ كونفەرەنتسياسىنىڭ 762 رەزوليۋتسياسى بويىنشا IATA تالاپتارىنا سايكەس كەلمەيتىنىن وكىنىشپەن حابارلايمىز. 

بۇل حات ارقىلى ءسىز IATA ءسىزدىڭ كودىڭىزدى قايتارىپ العانىنان رەسمي  حاباردار بولدىڭىز. بۇل شەشىم كۇشىنە ەندى. سوندىقتان، ءسىزدىڭ كومپانياڭىز كودتى قولدانۋدى دەرەۋ دوعارۋى كەرەك. ال ءتيىستى ۇشۋ كودى وسى حات جازىلعاننان 60 كۇننەن كەيىن تالاپتارعا ساي كەلەتىن باسقا ۇيىمعا بەرىلەتىن بولادى. 

ەگەر ءسىزدىڭ كومپانيا IATA تالاپتارىنا ساي كەلەتىن بولسا، 60 كۇننىڭ ىشىندە قايتا تەكسەرۋ جۇرگىزىلىپ، ۇشۋ كودى ءسىزدىڭ كومپانياعا قايتارىلۋى مۇمكىن", دەلىنگەن.

Abai.kz