مۇرات ايتەنوۆ شىمكەنت قالاسىنىڭ اكىمى بولىپ تاعايىندالدى
مۇرات ايتەنوۆ شىمكەنت قالاسىنىڭ جاڭا اكىمى بولىپ تاعايىندالدى. بۇل تۋرالى قازاقستان پرەزيدەنتىنىڭ جارلىعى اقوردا سايتىندا جاريا بولدى.
"مۇرات دۇيسەنبەكۇلى ايتەنوۆ شىمكەنت قالاسىنىڭ اكىمى بولىپ تاعايىندالسىن", دەپ جازىلعان جارلىقتا.
مۇرات دۇيسەنبەكۇلى ايتەنوۆ وسىعان دەيىن شىمكەنت قالاسى اكىمىنىڭ ءبىرىنشى ورىنباسارى قىزمەتىن اتقارىپ كەلگەن.
ال شىمكەنت قالاسىنىڭ اكىمى بولعان ەرلان قۋانىشۇلى ايتاحانوۆ پرەزيدەنت پارمەنىمەن قىزمەتىنەن بوساتىلعان.
مۇرات ايتەنوۆ 1981 جىلى وڭتۇستىك قازاقستان وبلىسى جەتىساي اۋىلىندا دۇنيەگە كەلگەن. 2004 جىلى ارميا گەنەرالى س. م. شتەمەنكو اتىنداعى كراسنودار اسكەري ينستيتۋتىن "اقپاراتتى قورعاۋدى ۇيىمداستىرۋ جانە تەحنولوگياسى" ماماندىعى بويىنشا تامامداعان.
2013 جىلى قازاقستان رەسپۋبليكاسى پرەزيدەنتى ءىس باسقارماسى اپپاراتىنىڭ باسشىسى بولدى. ءتورت جىلدان كەيىن قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى قىزمەتىنە اۋىستى. ال 2019 جىلدىڭ جەلتوقسانىندا شىمكەنت قالاسى اكىمىنىڭ ءبىرىنشى ورىنباسارى بولدى.
Abai.kz
