استانا. 15 قىرقۇيەك. قازتاگ - قازاقستان پارلامەنتى سەناتىنىڭ دەپۋتاتى عاني قاسىموۆ تۇڭعىش قازاقستاندىق عارىشكەر توقتار اۋباكىروۆتىڭ عارىشقا ۇشقانىنا 20 جىل تولۋى قۇرمەتىنە 2 قازاندى مەملەكەتتىك مەرەكە قىلۋدى ۇسىندى.

«قازاقستاننىڭ ماقتانىشى، كەڭەس وداعىنىڭ باتىرى، قازاقستاننىڭ عارىشكەر-ۇشقىشى توقتار اۋباكىروۆ ارامىزدان ءبىرىنشى بولىپ عارىشقا ۇشتى، وسى كۇننەن قازاقستاننىڭ عارىش سالاسىنىڭ دامۋى باستالدى دەۋگە بولادى. تۇڭعىش قازاقستاندىق عارىشكەردىڭ عارىشقا ۇشقانىنا 20 جىل تولۋى قۇرمەتىنە بۇل كۇندى قازاقستاننىڭ مەملەكەتتىك مەرەكەسى رەتىندە بەكىتۋدى سۇرايمىن»، - دەدى ع.قاسىموۆ بەيسەنبى كۇنى پالاتانىڭ پلەنارلىق وتىرىسىندا پرەمەر-مينيستر كارىم ءماسىموۆتىڭ اتىنا دەپۋتاتتىق ساۋالىن جولداي وتىرىپ.

«مۇنداي مەرەكەنىڭ بەكىتىلۋى وسكەلەڭ ۇرپاقتىڭ تاربيەسىنە وڭ اسەر ەتىپ، قازاقستاننىڭ عارىش سالاسى ءۇشىن ۇلكەن مۇمكىندىكتەر اشادى»، - دەيدى سەناتور.

65 جاسار ت. اۋباكىروۆ لەنين وردەنىمەن، جاڭا اۆياتسيالىق تەحنيكانى سىناۋ كەزىندە كورسەتكەن ەرلىك جانە باتىرلىق ءۇشىن مەدالدارىمەن ماراپاتتالعان، حالىك كاھارمانى اتاعى بەرىلىپ، كسرو-نىڭ ەڭبەك سىڭىرگەن سىناۋشى-ۇشقىش، كسرو-نىڭ عارىشكەر-ۇشقىشى جانە قر ەڭبەگى سىڭگەن سپورت شەبەرى.

استانا. 15 قىرقۇيەك. قازتاگ - قازاقستان پارلامەنتى سەناتىنىڭ دەپۋتاتى عاني قاسىموۆ تۇڭعىش قازاقستاندىق عارىشكەر توقتار اۋباكىروۆتىڭ عارىشقا ۇشقانىنا 20 جىل تولۋى قۇرمەتىنە 2 قازاندى مەملەكەتتىك مەرەكە قىلۋدى ۇسىندى.

«قازاقستاننىڭ ماقتانىشى، كەڭەس وداعىنىڭ باتىرى، قازاقستاننىڭ عارىشكەر-ۇشقىشى توقتار اۋباكىروۆ ارامىزدان ءبىرىنشى بولىپ عارىشقا ۇشتى، وسى كۇننەن قازاقستاننىڭ عارىش سالاسىنىڭ دامۋى باستالدى دەۋگە بولادى. تۇڭعىش قازاقستاندىق عارىشكەردىڭ عارىشقا ۇشقانىنا 20 جىل تولۋى قۇرمەتىنە بۇل كۇندى قازاقستاننىڭ مەملەكەتتىك مەرەكەسى رەتىندە بەكىتۋدى سۇرايمىن»، - دەدى ع.قاسىموۆ بەيسەنبى كۇنى پالاتانىڭ پلەنارلىق وتىرىسىندا پرەمەر-مينيستر كارىم ءماسىموۆتىڭ اتىنا دەپۋتاتتىق ساۋالىن جولداي وتىرىپ.

«مۇنداي مەرەكەنىڭ بەكىتىلۋى وسكەلەڭ ۇرپاقتىڭ تاربيەسىنە وڭ اسەر ەتىپ، قازاقستاننىڭ عارىش سالاسى ءۇشىن ۇلكەن مۇمكىندىكتەر اشادى»، - دەيدى سەناتور.

65 جاسار ت. اۋباكىروۆ لەنين وردەنىمەن، جاڭا اۆياتسيالىق تەحنيكانى سىناۋ كەزىندە كورسەتكەن ەرلىك جانە باتىرلىق ءۇشىن مەدالدارىمەن ماراپاتتالعان، حالىك كاھارمانى اتاعى بەرىلىپ، كسرو-نىڭ ەڭبەك سىڭىرگەن سىناۋشى-ۇشقىش، كسرو-نىڭ عارىشكەر-ۇشقىشى جانە قر ەڭبەگى سىڭگەن سپورت شەبەرى.

8 سىنىپتى بىتىرگەن سوڭ تەمىرتاۋ قۇيما-مەحانيكالىق زاۋىتىندا توكار بولىپ جۇمىس ىستەپ، كەشكى مەكتەپتە وقىعان، 1969 جىلى ارماۆيردەگى اقق ۇشقىشتارىنىڭ جوعارعى اسكەري اۆياتسيالىق ۋچيليششەسىن ءبىتىردى. كەيىن كسرو اسكەري-اۋە كۇشتەرىندە قىزمەت ەتتى، 1976 جىلى سىناۋشى-ۇشقىشتار مەكتەبىن ءبىتىرىپ، سىناۋ جۇمىسىنا اۋىستى.

عارىشقا العاشقى ساپارىن 1991 جىلدىڭ 2 قازانىندا «سويۋز تم-13» كەمەسىمەن الەكساندر ۆولكوۆپەن جانە اۋستريالىق عارىشكەر فرانتس فيبەكپەن جۇزەگە اسىرىپ، «مير» وربيتالدى كەشەنىنىڭ بورتىندا ءبىر اپتا جۇمىس ىستەدى.

عارىشتا بولعان ۋاقىتى - 7 كۇن 22 ساعات 13 مينۋت.