الماتى. 22 ماۋسىم. قازتاگ – ديليارام اركين. قر جەمقورلىقپەن جانە ەكونوميكالىق قىلمىستارمەن كۇرەس جونىندەگى اگەنتتىگى (قارجى پوليتسياسى) توراعاسىنىڭ ورىنباسارى ساتتىبەك وڭعارباەۆ مەملەكەتتىك قىزمەتكەرلەرگە «مەن جەمقورلىققا قارسىمىن» توسبەلگىسىن تاقپاۋعا كەڭەس بەرەدى. ونىڭ پىكىرىنشە، بۇدان ەلىمىزدەگى جەمقورلىق ازايمايدى.

«جەم جەمقورلىققا قارسىمىن!» دەگەن جازۋى بار كيىم كيگەننەن نەمەسە توسبەلگى تاققانىمىزبەن، ەلىمىزدەگى جەمقورلىق ازايمايدى. ءبىزدىڭ باق-تا ناسيحات ماتەريالدار ونسىز دا جەتكىلىكتى. الدىن الۋ شارالارى جۇرگىزىلىپ جاتىر»، - دەپ ءتۇسىندىردى س. وڭعارباەۆ قازتاگ تىلشىسىنە.

سونىمەن قاتار، س. وڭعارباەۆ «نۇر وتاننىڭ» قىلمىستىق كودەكسكە اسا ءىرى كولەمدە مەملەكەت قارجىسىن جىمقىرعانى ءۇشىن ايىپتىلاردى ءومىر بويى باس بوستاندىعىنان ايىرۋدى قاراستىراتىن تۇزەتۋلەردى ەنگىزۋ تۋرالى ۇسىنىسىن ورىنسىز دەپ ەسەپتەيدى.

الماتى. 22 ماۋسىم. قازتاگ – ديليارام اركين. قر جەمقورلىقپەن جانە ەكونوميكالىق قىلمىستارمەن كۇرەس جونىندەگى اگەنتتىگى (قارجى پوليتسياسى) توراعاسىنىڭ ورىنباسارى ساتتىبەك وڭعارباەۆ مەملەكەتتىك قىزمەتكەرلەرگە «مەن جەمقورلىققا قارسىمىن» توسبەلگىسىن تاقپاۋعا كەڭەس بەرەدى. ونىڭ پىكىرىنشە، بۇدان ەلىمىزدەگى جەمقورلىق ازايمايدى.

«جەم جەمقورلىققا قارسىمىن!» دەگەن جازۋى بار كيىم كيگەننەن نەمەسە توسبەلگى تاققانىمىزبەن، ەلىمىزدەگى جەمقورلىق ازايمايدى. ءبىزدىڭ باق-تا ناسيحات ماتەريالدار ونسىز دا جەتكىلىكتى. الدىن الۋ شارالارى جۇرگىزىلىپ جاتىر»، - دەپ ءتۇسىندىردى س. وڭعارباەۆ قازتاگ تىلشىسىنە.

سونىمەن قاتار، س. وڭعارباەۆ «نۇر وتاننىڭ» قىلمىستىق كودەكسكە اسا ءىرى كولەمدە مەملەكەت قارجىسىن جىمقىرعانى ءۇشىن ايىپتىلاردى ءومىر بويى باس بوستاندىعىنان ايىرۋدى قاراستىراتىن تۇزەتۋلەردى ەنگىزۋ تۋرالى ۇسىنىسىن ورىنسىز دەپ ەسەپتەيدى.

«بىرىنشىدەن، اسا اۋىر قىلمىس جاساعاندار عانا ءومىر بويى باس بوستاندىعىنان ايىرىلادى. ەكىنشىدەن، ءولىم جازاسىن (موراتوريگە بايلانىستى ءومىر بويى باس بوستاندىعىنان ايىرۋعا اۋىستىرىلدى) قولدانۋدىڭ ءوزى مينيمۋمعا دەيىن ازايتىلعان قىلمىس قۇرامىنىڭ دارەجەلەرى بار. قىلمىستىق كودەكستە ونداي سەگىزدەن اسا باپ قالدى، ولار سوڭىس ۋاقىتىندا عانا قولدانىلادى. جەمقورلىق قىلمىستارعا كەلەتىن بولساق، ونداي ارەكەتەرگە بارعاندارعا قاتىستى مۇنداي شارالاردى قولدانۋعا بولمايدى. ويتكەنى، بىرىنشىدەن، جەمقورلىق قىلمىستاردى سوعىس ۋاقىتىندا جاسالاتىن  اۋىر قىلمىستارعا تەڭەستىرۋگە بولمايدى»، - دەيدى س. وڭگارباەۆ.

ونىڭ ايتۋىنشا، زاڭ بويىنشا جەمقورلارعا قىلمىس بويىنشا جەتكىلىكتى دەڭگەيدە جازا قاراستىرىلعان.

«جەمقورلار ءۇشىن قازىر 311 (پاراقورلىق ءۇشىن) باپ بويىنشا 15 جىلعا باس بوستاندىعىنان ايىرۋ قاراستىرىلعان. مەنىڭ ويىمشا، بۇل جەتكىلىكتى دەڭگەيدە ۇلكەن جازا. سونىمەن قاتار، قازىرگى ۋاقىتتا بىرقاتار زاڭدارعا وزگەرتۋلەر ەنگىزىلىپ جاتىر. ولاردى ءىرى ايىپپۇل سانكتسيالارىن بەلگىلەۋ ارقىلى جاۋاپقا تارتۋ كوزدەلگەن. بارلىق جەمقورلىق قىلمىستار بويىنشا مۇلكىن تاركىلەۋ قاراستىرىلعانىن ۇمىتپاڭىزدار. وعان ءتىپتى جەمقورلىق جولمەن تۋىستارى مەن باسقا ادامدارعا بەرگەن مۇلكى دە كىرەدى»، - دەپ اتاپ كورسەتتى س. وڭعارباەۆ.

بۇرىن حابارلانعانداي، 19 ماۋسىمدا «نۇر وتان» پارتياسىنىڭ جانىنداعى جەمقورلىقپەن كۇرەس رەسپۋبليكالىق قوعامدىق كەڭەسى مەملەكەتتىك قىزمەتكەرلەردى «مەن جەمقورلىققا قارسىمىن» توسبەلگىسىن تاعىپ جۇرۋگە مىندەتتەۋدى ۇسىنعان بولاتىن. بۇل ۇسىنىس جۇما كۇنى جەمقورلىققا قارسى كەڭەستىڭ كەزەكتى وتىرىسىنىڭ قورىتىندىسى بويىنشا قابىلداندى.

سونىمەن قاتار، قىلمىستىق كودەكسكە «ەل قاۋىپسىزدىگىنە قاۋىپ توندىرگەن ءىرى كولەمدەگى جەمقورلىق قىلمىستارى ءۇشىن جاۋاپكەرشىلىكتى ءومىر بويى باس بوستاندىعىنان ايىرۋ تۇرىندە كۇشەيتۋ ۇسىنىلدى.

ولاردىڭ پىكىرىنشە، بۇل شارا «بارلىق دەڭگەيدەگى جەمقورلار ءۇشىن تەجەۋشى فاكتور بولادى، ويتكەنى مەملەكەتتەن ۇرلانعان قارجىنى پايدالانۋ مۇمكىندىگىنەن ايىرادى، ال مۇنداي جاعدايدا جەمقورلىق قىلمىس جاساۋ ويعا قونىمسىز بولادى».