نۇكىستەگى 27 قازاقتىڭ تاعدىرىنا قازىرگى كۇنى بارلىق وتانداستارىمىز قاتتى الاڭداۋشىلىق ءبىلدىرىپ وتىر. ناپاقا تابام دەپ ءجۇرىپ، «شەكارا بۇزىپ» شەت كەتكەن قانداستارىمىزدىڭ تاعدىرى قىل ۇستىندە تۇر. بۇگىن نۇكىس قالالىق سوتىندا قازاقستاندىقتاردىڭ ءىسى قارالىپ جاتىر. الايدا، اقتوبەلىك 27 ازاماتتىڭ مۇنداعى باۋىرلارى، وتباسى، بالا-شاعاسى قانشا الاڭداۋشىلىق بىلدىرگەنمەن، اشىپ ەشتەڭە ايتا الماۋدا. مىسالى، اتى-ءجونىن اتاماۋدى ءجون كورگەن بويجەتكەن نۇكىستە تۇرمەدە جاتقان اعاسى ءبىرجان مامبەتوۆتىڭ تاعدىرى ءۇشىن قاتتى الاڭدايدى. سوتتالىپ كەتە مە دەگەن قاۋپى باسىم. «نۇكىستە بولاتىن سوتقا قاتىسۋعا كەتكەن جەڭگەممەن كۇن سايىن ۇيالى تەلەفون ارقىلى سويلەسىپ تۇرامىن. سوت كەيىنگە قالدىرىلا بەرگەن. ەندى وسى اپتانىڭ ىشىندە، 23-ءى كۇنى بولادى دەپ كۇتىپ وتىرمىز. جەڭگەم اعايىممەن كەزدەسىپ، سويلەسە الماپتى. تەك جازدىق كيىمدەرىن بەرگەن.
ۇستالىپ، قاماۋعا الىنعانداردىڭ ءبىرى سەرىك ۇركىنوۆتىڭ ماماسى دا سوندا، ۇلىنا كەتتى» دەيدى ول.
ال، «ازات» پارتياسىنىڭ اقتوبە وبلىستىق فيليالىنىڭ توراعاسى ايدوس سادىقوۆ بىلاي دەيدى:

نۇكىستەگى 27 قازاقتىڭ تاعدىرىنا قازىرگى كۇنى بارلىق وتانداستارىمىز قاتتى الاڭداۋشىلىق ءبىلدىرىپ وتىر. ناپاقا تابام دەپ ءجۇرىپ، «شەكارا بۇزىپ» شەت كەتكەن قانداستارىمىزدىڭ تاعدىرى قىل ۇستىندە تۇر. بۇگىن نۇكىس قالالىق سوتىندا قازاقستاندىقتاردىڭ ءىسى قارالىپ جاتىر. الايدا، اقتوبەلىك 27 ازاماتتىڭ مۇنداعى باۋىرلارى، وتباسى، بالا-شاعاسى قانشا الاڭداۋشىلىق بىلدىرگەنمەن، اشىپ ەشتەڭە ايتا الماۋدا. مىسالى، اتى-ءجونىن اتاماۋدى ءجون كورگەن بويجەتكەن نۇكىستە تۇرمەدە جاتقان اعاسى ءبىرجان مامبەتوۆتىڭ تاعدىرى ءۇشىن قاتتى الاڭدايدى. سوتتالىپ كەتە مە دەگەن قاۋپى باسىم. «نۇكىستە بولاتىن سوتقا قاتىسۋعا كەتكەن جەڭگەممەن كۇن سايىن ۇيالى تەلەفون ارقىلى سويلەسىپ تۇرامىن. سوت كەيىنگە قالدىرىلا بەرگەن. ەندى وسى اپتانىڭ ىشىندە، 23-ءى كۇنى بولادى دەپ كۇتىپ وتىرمىز. جەڭگەم اعايىممەن كەزدەسىپ، سويلەسە الماپتى. تەك جازدىق كيىمدەرىن بەرگەن.
ۇستالىپ، قاماۋعا الىنعانداردىڭ ءبىرى سەرىك ۇركىنوۆتىڭ ماماسى دا سوندا، ۇلىنا كەتتى» دەيدى ول.
ال، «ازات» پارتياسىنىڭ اقتوبە وبلىستىق فيليالىنىڭ توراعاسى ايدوس سادىقوۆ بىلاي دەيدى:
- ءبىز نۇكىستەگى 27 قازاقتىڭ تاعدىرىنا قاتتى  الاڭداۋلىمىز. بۇگىن سوت بولماق. جاقىندا ولاردىڭ جاقىندارى استاناعا بارىپ، پرەزيدەنت اكىمشىلىگىنىڭ جەتەكشىسى اسلان مۋسينمەن، سىرتقى ىستەر جانە ىشكى ىستەر مينيسترلەرىمەن كەزدەسۋگە ارەكەت جاسادى. بىراق كەزدەسە المادى. سودان سوڭ ولار اقش پرەزيدەنتى باراك وباما مەن رەسەي پرەزيدەنتى دميتري مەدۆەدەۆكە ۇندەۋ جولداپ، تۋىستارىنىڭ تاعدىرىنا اراشا ءتۇسۋدى سۇرادى. ۇستالعانداردى ەلگە قايتارۋعا كومەكتەسۋدى ءوتىندى. الايدا، ءبىزدىڭ بيلىك رەسمي مالىمەت جاساماي وتىر.
قر سىرتقى ىستەر ءمينيسترىنىڭ ورىنباسارى نۇرتاي ابىقاەۆتىڭ مالىمدەمەسىنە سۇيەنسەك، ولار ۇرىلار، قىلمىستى، جازاسىن الۋى كەرەك. بىراق 27 قازاقتىڭ ءبىر دە ءبىرى «پوكازانيا» بەرمەگەن. تەك بىرەۋى عانا «بوراندى كۇنى اداسىپ كەتتىك» دەگەن. ولار شەكارانى ادەيى، قاساقانا بۇزعان جوق. ال، مەملەكەتتىك شەكارادا نە ءتيىستى جولاق، نە شەكارا باعاندارى قويىلماعان. شەكارا ەكەنى كورىنىپ تۇرۋى كەرەك قوي.
مەنىڭشە، ءبىزدىڭ قازاقستان ەلى قاي جەردە بولسا دا ءوز ازاماتىن قورعاۋى كەرەك. ولار ەشتەڭە ۇرلاعان جوق. قىلمىستى ەكەندىكتەرىن دالەلدەيتىن فاكت جانە جوق. 
ۇستالعان ازاماتتاردىڭ ءبارى دەرلىك قاراپايىم جاندار. ءبارىنىڭ دە وتباسى بار. ءبىر دە ءبىرى بۇرىن قىلمىس جاساپ ءىستى بولماعان، سوتتالماعان. ءبىرىنىڭ نەسيەسى بار، ءبىرىنىڭ ءۇيى جوق. راس، جەرگىلىكتى بيلىك كومەكتەسكەن. ەندى سوت ۇكىمىن كۇتىپ وتىرمىز.   ازىرگە 27 قازاقتىڭ ەرتەڭگى كۇندەرىنىڭ نە بولاتىنى بەلگىسىز.
ولار سوتتالا ما؟ بۇل ساۋالدىڭ جاۋابى بۇگىن نۇكىستە وتەتىن سوتتىڭ قۇزىرىندا.
ايدوس سادىقوۆتىڭ سوزىنەن ۇققانىمىز، اقتوبەلىك ازاماتتاردىڭ تاعدىرىنا اقوردانىڭ اينالاسىنداعى شەنەۋنىكتەر ارا ءتۇسىپ، ماسەلەنى مامىلەگەرلىك جولمەن شەشۋدىڭ ورنىنا باستارىن الىپ قاشىپ، جاردەم سۇراپ بارعان جانداردى جاندارىنا جۋىتپاعان كورىنەدى. ەندەشە، ارتىندا تۋعان تۋىستان وزگە سۇراۋى جوق ازاماتتاردىڭ اباقتىعا ايدالىپ كەتۋى ابدەن مۇمكىن. ايتسەدە ءبىز ءىستىڭ اقرىن كۇتىپ، سوت وتىرىسىنىڭ بارىسىنان وقىرمان قاۋىمعا اقپارات جەتكىزۋدى ءوز مىندەتىمىزگە الامىز.