دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى تالعات ماماشەۆ مىرزا كەشە ارنايى ءباسپاسوز ءماسليحاتىن وتكىزىپ،  6-نشى قىركۇيەك كۇنى «ەتنيكالىق كوشى-قون: قۇرىلتاي شەشىمدەرى جانە جاڭا زاڭ» اتتى دوڭگەلەك ۇستەل بارىسىندا ايتقان ءسوزى (http://old.abai.kz/content/talgat-mamashev-oralmandardy-yrganym-bar  ) ءۇشىن كەشىرىم سۇراي وتىرىپ، بىلاي دەدى:

دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى تالعات ماماشەۆ مىرزا كەشە ارنايى ءباسپاسوز ءماسليحاتىن وتكىزىپ،  6-نشى قىركۇيەك كۇنى «ەتنيكالىق كوشى-قون: قۇرىلتاي شەشىمدەرى جانە جاڭا زاڭ» اتتى دوڭگەلەك ۇستەل بارىسىندا ايتقان ءسوزى (http://old.abai.kz/content/talgat-mamashev-oralmandardy-yrganym-bar  ) ءۇشىن كەشىرىم سۇراي وتىرىپ، بىلاي دەدى:

- جاڭا زاڭ قابىلدانعان تۇستا اتتەگەن-اي دەيتىنى - بەلگىسىز سەبەپتەرمەن «ەتنيكالىق قازاقتارعا جەڭىلدىك بەرىلەدى» دەگەن ءسوز تىركەسى ءتۇسىپ قالعان. بۇل تىركەستىڭ ءتۇسىپ قالعانى، ارينە، قازاقستانعا كەلگەن اعايىندارعا كوپ قيىندىق تۋعىزاتىنى ءسوزسىز. قاتەلىكتى تەزدەتىپ جوندەۋ كەرەك. اتالعان ماسەلە - ەكى جىلدان بەرى سوڭىمىزدان قالماي، ارىزدانىپ، ءبىزدى جامانداپ جۇرگەن كەيبىرەۋلەرگە ءتىپتى جاقسى سىلتاۋ بولدى. جاپ-جاقسى ءوتىپ جاتقان دوڭگەلەك ۇستەلدىڭ شىرقىن بۇزىپ، شۋىلداپ شىعا كەلدى. ماعان دوڭگەلەك ۇستەلدىڭ مودەراتورى، ۇيلەستىرۋشىسى رەتىندە مىنەز كورسەتىپ، وسى جەردە بايقاپ وتىرمىن اۋىت، راحىم سياقتى اعايىندارعا قاتتى ايتۋعا تۋرا كەلدى. اركىم قازاقتىڭ ءسوزىن ءوز دەڭگەيىنە قاراي تۇسىنەدى. «ۇرعانىم بار ما» دەگەن ءسوز «سەندەردىڭ ۋ-شۋلارىڭدى، ارىزدارىڭدى، جالا، وتىرىكتەرىڭدى قۇلاققا ىلمەيمىن، سەندەرگە داۋا جوق» دەگەن ماعىنادا ايتىلعان. شۋ كوتەرىپ، ورە تۇرەگەلەتىندەي ەشتەڭە جوق. بۇل بۇكىل ورالماندارعا ەمەس، بۇكىل ءباسپاسوز شۋلاپ جۇرگەندەي، ناقتى ادامدارعا ايتىلعانى ونسىز دا تۇسىنىكتى. اباي.كز سايتىن وقىعان ادام «ورالمانداردى» دەگەن ءسوزدى ول جەردەن تابا المايدى. ورالماندار دەگەنىمىز - بۇگىن ءبىر ميلليون ادام. سونشا ادامعا اۋىر ءسوز ايتۋ مەنىڭ ءوڭىم تۇگىل، تۇسىمە دە كىرمەيتىن نارسە. بۇكىل رەسپۋبليكانى شۋلاتىپ، مەنى قارالاۋعا كەيبىر باق وكىلدەرى دە ۇلكەن ۇلەسىن قوسىپ ءجۇر. مۇنداي نارسەدەن ساق بولعان ءجون، اعايىندار. مەنى تانيتىن اعايىندار، ارينە، مۇنداي وتىرىككە سەنبەيدى. ال، ارانداتۋعا سەنىپ، قاتە تۇسىنگەن اعايىنداردان كەشىرىم سۇرايمىن!

ءباسپاسوز جيىنىنا ماماشەۆ مىرزا اتتارىن اتاعان «جەبەۋ» رەسپۋبليكالىق قوعامدىق بىرلەستىگىنىڭ اتقارۋشى ديرەكتورى راحىم ايىپۇلى مەن اقىن، «بالدىرعان» جۋرنالىنىڭ قىزمەتكەرى اۋىت مۇقيبەكۇلى دا قاتىستى. دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارىنىڭ جوعارىداعى سوزىنەن كەيىن راحىم ايىپۇلى ورنىنان تۇرىپ، جۋرناليستەرگە قاراپ:

- جالپى، قانداي اڭگىمە بولسا دا ادامدى كىنالاۋعا بولادى. بىراق، مەن ومىرىمدە تالعات اسىلۇلىمەن كەزدەسكەن، داستارحانداس بولعان ادام ەمەسپىن، - دەدى. -  ارينە، شەتەلدەگى بەس ميلليون قازاقپەن ءبىزدى رۋحاني جالعايتىن تەتىك بولعاندىقتان قاۋىمداستىقتىڭ قىزمەتىنە بەي-جاي قاراي المايمىز. «جاس الاش» گازەتىنە قاۋىمداستىقتىڭ جۇمىسى جايلى ءوزىمنىڭ وي-پىكىرىمدى ماقالا ەتىپ جازعانمىن. ول جەردە تالعات مىرزاعا قاتىستى ارتىق-اۋىس ەشبىر ءسوز جوق. مەنى ۇراتىنداي، قۇتىرما دەيتىندەي. قۇتىرۋ دەگەن نە دەگەن ءسوز، ول ەسى اۋىسقان ادامعا ايتىلاتىن ءسوز. ال، وسىنداي بەيادەپ سوزدەر پرەزيدەنت نازارباەۆتىڭ ءوزى توراعاسى بولىپ تابىلاتىن ۇيىمنىڭ تىزگىنىن ۇستاپ وتىرعان ادامنىڭ اۋزىنان شىقسا، نە دەۋگە بولادى؟! جارايدى، ماعان-اق ايتقان بولسىن. ايتسىن، سول جينالىستا مەن دە وتىردىم عوي. جاڭا ايتىپ جاتىر: جينالىستى بۇزدى، شۋ كوتەردى دەپ. ول جەردە ەشكىمنىڭ شۋ كوتەرگەنىن كورگەن جوقپىن. تەك قانا ورالمانداردىڭ ءارۇرلى پروبلەمالارى ايتىلدى. رايىس ازاماتتىق الۋ ماسەلەسىنىڭ قيىندىعىن، اۋىت قىتايدان كەلەتىن كوشتىڭ توقتاپ قالعاندىعىن ونىڭ قيىندىقتارىن  ايتتى.  وسىنداي ورىندى سوزدەر ايتقان جىگىتتەرگە قاراتا «ۇرعانىم بار» دەۋگە بولا ما؟!

ءبىز - قۇقىقتىق مەملەكەتتە ءومىر ءسۇرىپ جاتىرمىز. ەگەر سول ماقالالاردىڭ بىردە-بىرەۋى تالعات اسىلۇلىنىڭ ءوز ءسوزى ەمەس بولسا، بارىنە جاۋاپ بەرۋگە دايىنمىن. ماسەلە قاۋىمداستىقتىڭ قىزمەتى مەن ونى باسقارىپ وتىرعان ادامنىڭ حالىققا دەگەن پوزيتسياسىندا. ءبىز ارتىق كەتسەك، ايتىسىن: «مىناۋ مەنىڭ نامىسىما ءتيدى» دەپ. ەشقانداي رەنىش جوق.

ءسويتىپ، ءبىر توپ جۋرناليستەر راحىم ايىپۇلى مەن اۋىت مۇقيبەكۇلىن ەرتىپ، سىرتقا شىقتى. ىشتە قالعان تالعات ماماشەۆ باستاعان توپ ءماسليحاتتارتىن ءارى قاراي جالعاستىرا بەردى.

«اباي-اقپارات»