بۇگىن، 11 ناۋرىزدا پالاتا سپيكەرى نۇرلان نىعماتۋليننىڭ توراعالىعىمەن وتكەن ءماجىلىستىڭ جالپى وتىرىسىندا  اكىمشىلىك راسىمدىك-پروتسەستىك كودەكس جوباسى جانە وعان ىلەسپە زاڭ جوباسىمەن ءبىرىنشى وقىلىمدا ماقۇلداندى. 

جالپى وتىرىستا ءماجىلىس دەپۋتاتى نارينە ميكاەليان  تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى اسحات ورازبەككە تسيفرلاندىرۋدى بەلسەندى جىلجىتۋ جاعدايىندا اكىمشىلىك ادىلەتتى ەنگىزۋگە قاتىستى مەملەكەتتىك  تىلدە بىرقاتار سۇراقتار قويدى. 

دەگەنمەن، ءماجىلىس توراعاسى مەملەكەتتىك تىلدە قويىلعان سۇراققا قازاق تىلىندە جاۋاپ بەرمەگەن تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى اسحات ورازبەكتى سىنعا الدى. 

- ارينە، بىزدە اۋدارما بار. وسى زالدا وتىرعان ءاربىر ازاماتقا قاي تىلدە سويلەيمىن دەسە دە جاعداي جاسالعان. بىراق تا، باسقا ۇلتتىڭ ازاماتتارى قازاق تىلىندە سايراپ  تۇرعاندا، ءسىزدىڭ مەملەكەتتىك تىلدە جاۋاپ بەرمەگەنىڭىز دۇرىس ەمەس، - دەدى نۇرلان نىعماتۋلين.  

كودەكس جوباسىنىڭ نەگىزگى ماقساتى – ازاماتتارعا باسقارۋشىلىق شەشىمدەردى قابىلداۋ پروتسەسىنە ناقتى قاتىسۋعا مۇمكىندىك بەرەتىن كەپىلدىكتەردى بەكىتۋ جانە بيلىك ورگاندارىمەن بىرگە جوعارى تۇرعان ورگان مەن سوتتا داۋلاردى قاراۋ كەزىندە ازاماتتاردىڭ قۇقىقتارىن قورعاۋدىڭ ءتيىمدى تەتىكتەرىن بەلگىلەۋ بولىپ تابىلادى.

Abai.kz