2020 جىلدىڭ 14 ناۋرىز كۇنى ساعات 15.00 دە الماتى قالاسىنداعى «اتاكەنت مولل» ساۋدا ءۇيىنىڭ (2 قابات) «Qazyna» كىتاپ دۇكەنىنىڭ الاڭىندا بەلگىلى اقىن، قازاقستان جازۋشىلار وداعى باسقارما توراعاسىنىڭ ءبىرىنشى ورىنباسارى اقبەرەن ەلگەزەكتىڭ «بولماعان بالالىق شاق» اتتى پروزا جانرىنداعى تۇڭعىش كىتابىنىڭ تۇساۋكەسەر ءراسىمى وتەدى.

اقبەرەن ەلگەزەكتىڭ «كولەڭكەلەر كۇبىرى»، «عارشى»، «شەكسىزدىك سىرتىنداعى شام»، «Fantasmagoria» (تۇرىك تىلىندە) اتتى جىر جيناقتارى جارىق كورگەن. ولەڭدەرى اعىلشىن، فرانتسۋز، يسپان، اراب، قىتاي، تۇرىك، ازەربايجان، قىرعىز تىلدەرىنە اۋدارىلىپ، كوپتەگەن انتولوگيالارعا ەنگەن. مەملەكەتتىك «دارىن» جاستار سىيلىعىنىڭ، قازاقستان جاستار وداعىنىڭ «سەرپەر» جانە  «التىن قالام»، «سەمسەر» ۇلتتىق سىيلىقتارىنىڭ يەگەرى. كوپتەگەن رەسپۋبليكالىق ءمۇشايرالاردىڭ جۇلدەگەرى.

وقىرمانداردىڭ سۇراۋى بويىنشا كىتاپ بولىپ باسىلىپ شىققان «بولماعان بالالىق شاق» پوۆەستى 2008 جىلى جازىلىپ، عالامتور ارقىلى كەڭىنەن تاراپ، بەستسەللەرگە اينالعان بىرەگەي شىعارما. ينتەرنەت جەلىسىندە جۇرگىزىلگەن ساۋالناما ناتيجەسىندە «ءححى عاسىر باسىنداعى ۇزدىك 20 پروزالىق تۋىندى» تىزىمىنە ەنگەن.

كوپشىلىك وقىرمانعا جەتە تانىس شىعارمانىڭ بۇل تولىقتىرىلعان، ءارى ەڭ العاشقى باسىلىم نۇسقاسى.

باسىنان وتكەن وقيعالاردى ارقاۋ ەتكەن كىتاپ ارقىلى اۆتور ەلىمىزدەگى مەتسەناتتار مەن كاسىپكەرلەردى قايىرىمدىلىق جاساۋعا شاقىرادى. ياعني، كىتاپ ساتۋدان تۇسكەن قارجى ادەبيەتكە بەيىمى بار جەتىم بالالاردى وقىتۋعا جۇمسالادى.

كىشكەنتاي جۇرەكتىڭ ۇلكەن ومىرمەن ارپالىسىن سۋرەتتەيتىن، ەموتسيالىق كۇردەلى تەبىرەنىسكە تولى تابيعاتى وقىرماندى باۋراپ الاتىن كىتاپتىڭ تۇساۋكەسەر راسىمىنە كورنەكتى اقىن، قازاقستان جازۋشىلار وداعى باسقارماسىنىڭ توراعاسى ۇلىقبەك ەسداۋلەت جانە ەلىمىزگە بەلگىلى اقىن-جازۋشىلار، قوعام قايراتكەرلەرى، سونداي-اق، قازاق ەستراداسىنىڭ جۇلدىزدارى مەيرامبەك بەسباەۆ، ساكەن مايعازيەۆ، توقتار سەرىكوۆ، سايات مەدەۋوۆ، ارمان دۇيسەنوۆ، ايتىسكەر اقىندار رينات زايىتوۆ جانە تالانت ارعىنعالي قاتىسادى.

Abai.kz