قازاقستان مۇسىلماندارى ءدىني باسقارماسى حالقىمىزعا ىنتىماق پەن بىرلىكتى، يسلام قۇندىلىقتارىن ۇنەمى ناسيحاتتاپ، جات پيعىلدى سەكتالار مەن اعىمدارمەن ءوز قۇزىرەتى مەن مۇمكىنشىلىگى شەڭبەرىندە كۇرەسىپ كەلەدى. الايدا 1992 جىلى 15 قاڭتاردا قابىلدانعان «ءدىني نانىم-سەنىم بوستاندىعى مەن ءدىني بىرلەستىكتەر تۋرالى» زاڭنىڭ سولقىلداقتىعىنان ەلىمىزدە كەلىمسەك سەكتالار ميسسيونەرلىك ارەكەتتەرىمەن ەمىن-ەركىن ارەكەت ەتۋدە. سەكتالاردىڭ  شىرماۋىنا ىلىگىپ، كوپتەگەن وتباسىنىڭ شاڭىراعى شايقالعان جانە وزگە دە ءتۇرلى كەلەڭسىز جاعدايلارعا كۋامىز. سول اسىعىس «زاڭ» وزگەرتىلىپ، تايراڭداعان ءدىني اعىمدار تىزگىندەلسە ەكەن دەگەن نيەتپەن 2001 جىلى قر پارلامەنتتىڭ قوس پالاتاسىنىڭ ماجىلىسىندە وسى زاڭعا وزگەرىستەر مەن تولىقتىرۋلار ەنگىزۋ تۋرالى ارنايى بايانداما جاسادىم. ءدال وسىنداي ۇسىنىسىمدى 2008 جىلى تاعى دا جاسادىم. قولدانىستاعى زاڭعا وزگەرتۋلەر ەنگىزۋ ماسەلەسى ماجىلىستەن قولداۋ تاپقانىمەن كونستيتۋتسيالىق كەڭەس ەكىنشى رەت زاڭ جوباسىن كەرى قايتارعان ەدى. جۋىردا ەلباسىمىز نۇرسۇلتان ءابىشۇلى ۇكىمەتكە جاڭا ءدىني زاڭ جوباسىن ازىرلەۋدى تاپسىرعاندا، سول تىلەگىمىز ورىندالعانداي سەزىندىك.

جاڭا زاڭ جوباسىن تالقىلاۋ ءۇشىن ارنايى قۇرىلعان جۇمىس توبىنا مەنىڭ تاپسىرماممەن قازاقستان مۇسىلماندارى ءدىني باسقارماسىنىڭ وكىلدەرى دە قاتىسىپ، تيىسىنشە ۇسىنىستار جاسادى.

قازاقستان مۇسىلماندارى ءدىني باسقارماسى حالقىمىزعا ىنتىماق پەن بىرلىكتى، يسلام قۇندىلىقتارىن ۇنەمى ناسيحاتتاپ، جات پيعىلدى سەكتالار مەن اعىمدارمەن ءوز قۇزىرەتى مەن مۇمكىنشىلىگى شەڭبەرىندە كۇرەسىپ كەلەدى. الايدا 1992 جىلى 15 قاڭتاردا قابىلدانعان «ءدىني نانىم-سەنىم بوستاندىعى مەن ءدىني بىرلەستىكتەر تۋرالى» زاڭنىڭ سولقىلداقتىعىنان ەلىمىزدە كەلىمسەك سەكتالار ميسسيونەرلىك ارەكەتتەرىمەن ەمىن-ەركىن ارەكەت ەتۋدە. سەكتالاردىڭ  شىرماۋىنا ىلىگىپ، كوپتەگەن وتباسىنىڭ شاڭىراعى شايقالعان جانە وزگە دە ءتۇرلى كەلەڭسىز جاعدايلارعا كۋامىز. سول اسىعىس «زاڭ» وزگەرتىلىپ، تايراڭداعان ءدىني اعىمدار تىزگىندەلسە ەكەن دەگەن نيەتپەن 2001 جىلى قر پارلامەنتتىڭ قوس پالاتاسىنىڭ ماجىلىسىندە وسى زاڭعا وزگەرىستەر مەن تولىقتىرۋلار ەنگىزۋ تۋرالى ارنايى بايانداما جاسادىم. ءدال وسىنداي ۇسىنىسىمدى 2008 جىلى تاعى دا جاسادىم. قولدانىستاعى زاڭعا وزگەرتۋلەر ەنگىزۋ ماسەلەسى ماجىلىستەن قولداۋ تاپقانىمەن كونستيتۋتسيالىق كەڭەس ەكىنشى رەت زاڭ جوباسىن كەرى قايتارعان ەدى. جۋىردا ەلباسىمىز نۇرسۇلتان ءابىشۇلى ۇكىمەتكە جاڭا ءدىني زاڭ جوباسىن ازىرلەۋدى تاپسىرعاندا، سول تىلەگىمىز ورىندالعانداي سەزىندىك.

جاڭا زاڭ جوباسىن تالقىلاۋ ءۇشىن ارنايى قۇرىلعان جۇمىس توبىنا مەنىڭ تاپسىرماممەن قازاقستان مۇسىلماندارى ءدىني باسقارماسىنىڭ وكىلدەرى دە قاتىسىپ، تيىسىنشە ۇسىنىستار جاسادى.

الايدا ەلىمىزدەگى مۇسىلمان قاۋىمىنىڭ قارسىلىعىن تۋدىرعان ماسەلە وسى زاڭ جوباسىنىڭ  7-بابى. ول بويىنشا مەملەكەتتىك ورىنداردا ناماز وقۋعا تىيىم سالىنباق. قازىر مەملەكەتتىك مەكەمەلەردە، جوعارى جانە ورتا ارناۋلى وقۋ ورىندارىندا  نامازعا جىعىلىپ، مۇسىلماندىق پارىزىن وتەۋشىلەر جەتەرلىك. وسى باپتىڭ كەمشىن تۇستارىن تۇزەتۋگە بايلانىستى قر پارلامەنتتىڭ قوس پالاتالارىنىڭ دەپۋتاتتارىنا ءوز ۇسىنىستارىمىزدى بىلدىردىك. الايدا وكىنىشكە وراي ءۇمىت اقتالمادى. ءدىني باسقارما ءوز ۇسىنىستارىن ءتيىستى ورىندارعا ءالى دە بىلدىرەتىن بولادى.

قازاقستان مۇسىلماندارى ءدىني باسقارماسى اتالمىش باپتىڭ مۇسىلمانداردىڭ ىنتىماعى مەن بىرلىگىنە تيگىزۋى مۇمكىن زالالىن ەسكەرە كەلە 7 باپتىڭ وسى قالپىندا قابىلدانۋىن ورىنسىز كورەدى. سەبەبى، يسلام دىنىنەن باسقا ەشبىر دىندە كۇندەلىكتى بەس ۋاقىت ناماز سەكىلدى مىندەتتى قۇلشىلىق ءتۇرى جوق. بەس ۋاقىت ناماز بۇل مۇسىلماننىڭ ۇلى پارىزى. ەگەردە مەملەكەتتىك مەكەمەلەر مەن وقۋ ورىندارىندا جانە ولاردىڭ جاتاقحانالارىندا ناماز وقۋعا تىيىم سالىناتىن بولسا، مەملەكەتكە قارسى نارازى توپتار پايدا بولۋى ىقتيمال. قىزمەتى مەن قۇلشىلىعىن تاڭداۋ اراسىندا قالىپ، ۇكىمەتكە نالىعان ونداي جاندار ءتۇرلى ساياسي ۇيىمدار مەن ەكسترەميستىك توپتار جەتەگىنە كەتپەسىنە كىم كەپىل؟ اينالىپ كەلگەندە ۇلتتىق قاۋىپسىزدىگىمىز بەن ەل تىنىشتىعىنا قاۋىپتى قولدان جاساپ المايمىز با؟ ەكترەميزم جانە لاڭكەستىكپەن كۇرەسۋ جولى بۇل ەمەس. ەل حالقىنىڭ 72 پايىزى يسلام ءدىنىن ۇستانۋشىلار ەكەنىن ەسكەرىپ، قىزمەتى مەن وقۋىنا كەدەرگى كەلتىرمەۋ ءۇشىن نامازحانالارعا رۇقسات بەرىلگەنى ءجون.

muftyat.kz سايتى