ميتينگ كەزىندەگى ىشكى ىستەر قىزمەتكەرلەرىنىڭ ەتيكاسىنا قاتىستى نورما كەرەك. مۇنداي ۇسىنىستى ميتينگتى تالقىلاۋ كەزىندە ءماجىلىس دەپۋتاتى بەرىك دۇيسەمبينوۆ ايتتى، دەپ حابارلايدى BAQ.KZ.

- بەيبىت شەرۋگە، بەيبىت ميتينگكە قاتىساتىنداردىڭ ستاتۋسىن جىلىكتەپ جازىپسىڭدار. ونىڭ اراسىندا جۋرناليستەردىڭ دە قىزمەتى دە كورسەتىلگەن. ەندى وسى رەتتە شىندىققا قارايىقشى، بۇعان دەيىن ميتينگتەردى قاراساق، 25 ادام ميتينگكە شىقسا، 250 ىشكى ىستەر ورگانىنىڭ ادامى بىرگە جۇرەدى. جاڭا الاڭ قورشالعان، سوعىس بولعان سياكتى. ول جەردەن ءوتۋ قورقىنىشتى. ادامدار ميتينگكە قاتىسۋشىلاردان ەمەس، قورشاپ اسكەردەن تۇرعانداردان قورقادى. بالامىز مەكتەبىنە اينالىپ باسقا جولمەن بارادى، – دەدى بەرىك دۇيسەمبينوۆ.

ونىڭ ايتۋىنشا، ميتينگتە جۇرەتىن ىشكى ىستەر قىزمەتكەرلەرىنىڭ ارنايى ەتيكاسىن زاڭعا ەنگىزۋ كەرەك.

- ەندى ميتينگكە قاتىساتىن نەگىزى ىشكى ىستەر ورگانى. ەلىمىزدىڭ تىنىشتىعى كەرەك، وعان ءسوزسىز كەلىسەمىن. ولاردىڭ دا جازىعى جوق. بىراق مەنىڭشە، ارنايى جاساق دەيمىز بە ميتينگتە جۇرەتىن ىشكى ىستەر قىزمەتكەرلەرىنىڭ ارنايى ەتيكاسىن زاڭعا ەنگىزۋ كەرەك. ايتپەسە، ءوزىمىز بالالاردى جاۋىز قىلىپ بىتىردىك. قازىرگى كۇنى ەشقانداي ءمينيستردىڭ بالاسى ميليتسيا بولىپ كوشەدە ادام سۇيرەپ جۇرگەن جوك. ولاردىڭ ءبارى قاراپايىم وتباسىنىڭ بالالارى. قازىر بەينەكامەرالار بار، سول ارقىلى قاراپ وتىرۋ كەرەك پە، سونداي ءبىر ارەكەت جاساۋ قاجەت. توپىرلاتىپ جاساق جىبەرىپ ادامداردى سۇيرەتۋدى توقتاتۋ كەرەك، – دەدى دەپۋتات.

Abai.kz