سۋديالاردىڭ پىكىرىنشە، "پۋتين مەرزىمدەرىن جويۋدان مەملەكەتتىك كونستيتۋتسيالىق سيپاتىنا نۇقسان كەلمەيدى، ويتكەنى پارلامەنتاريزم، كوپپارتيالىق جۇيە، ساياسي باسەكەلەستىك دامىعان، بيلىك ءبولىنىسى مەن سوت ادىلدىگىنىڭ ءتيىمدى ۇلگىسى قالىپقاسقان".

رەسەي پرەزيدەنتى ۆلاديمير پۋتين كونستيتۋتسياعا وزگەرىس ەنگىزۋدىجىل باسىندا پرەزيدەنتتىك جولداۋىندا ۇسىنعان. باستاپقىدا ءپۋتيننىڭ پرەزيدەنتتىك مەرزىمدەرىن جويۋ تۋرالى ۇسىنىس بولمادى. بىراق 10 ناۋرىزدا، مەملەكەتتىك دۋما زاڭ جوباسىن ەكىنشى وقىلىمدا تالقىلاپ جاتقاندا، "ەدينايا روسسيا" پارتياسىنىڭ دەپۋتاتى، الەمدەگى العاشقى عارىشكەر ايەل ۆالەنتينا تەرەشكوۆا قازىرگى مەملەكەت باسشىسىنىڭ پرەزيدەنتتىك مەرزىمدەرىن جويۋدى ۇسىندى. ونىڭ ايتۋىنشا، پۋتين سايلاۋدا جەڭىسكە جەتسە، ەلدى كەم دەگەندە 2036 جىلعا دەيىن باسقارا الادى.

تەرەشكوۆا ۇسىنىسىنان سوڭ مەملەكەتتىك دۋماعا كەلگەن پۋتين يدەيانى كونستيتۋتسيالىق سوت قاراۋ كەرەك دەگەن. ودان سوڭ دۋما زاڭ جوباسىن سول كۇنى-اق ماقۇلدادى.

قۇجاتتى فەدەراتسيا كەڭەسى دە قابىلداپ، پرەزيدەنت قول قويدى. 14 ناۋرىزدا قۇجات كونستيتۋتسيالىق سوتقا ءتۇستى.

رەسەيدىڭ بىرنەشە قالاسىندا مۇنداي زاڭنىڭ قابىلداۋىنا قارسى پيكەتتەر ءوتتى. ونداعان بەلسەندى ۇستالدى.

كونستيتۋتسياعا تۇزەتۋلەردى داۋىسقا سالۋ ءساۋىر ايىنا جوسپارلانعان، بىراق بيلىك ونى كوروناۆيرۋسقا بايلانىستى وتكىزبەۋى مۇمكىن.

Abai.kz