مەملەكەت باسشىسى قاسىم-جومارت توقاەۆ دارىگەرلەرگە سىياقى بەرىلەتىنىن ايتتى. بۇل تۋرالى پرەزيدەنت Twitter جەلىسىندە جازدى. 

«كوروناۆيرۋستى انىقتاۋ، ناۋقاستاردى ەمدەۋ جانە ۆيرۋستىڭ ودان ءارى تارالماۋى ءۇشىن ايانباي ەڭبەك ەتىپ جاتقان دارىگەرلەرگە العىس ايتامىن. ۇكىمەت وسىنداي قىزمەتكەرلەرگە سىياقى بەرۋ شارالارىن قابىلدايدى», - دەپ جازدى مەملەكەت باسشىسى.

ەسكە سالايىق، كوروناۆيرۋس ينفەكتسياسىنىڭ تارالۋىنا بايلانىستى قازاقستاندا 16 ناۋرىز بەن 15 ءساۋىر ارالىعىندا توتەنشە جاعداي ەنگىزىلدى. ال 19 ناۋرىزدان باستاپ ينفەكتسيا تىركەلگەن ەكى قالادا - نۇر-سۇلتان مەن الماتىدا كارانتين رەجيمى ەنگىزىلەدى.

ال، قر دەنساۋلىق ساقتاۋ مينيسترلىگىنىڭ سوڭعى مالىمەتى بويىنشا، ەلىمىزدە كوروناۆيرۋس جۇقتىرعاندار سانى 35-كە جەتتى.

Abai.kz