قازاقستاندا 120 مەديتسينالىق قىزمەتكەر كوروناۆيرۋس جۇقتىرعان. بۇل تۋرالى باس مەملەكەتتىك سانيتار ايجان ەسماعامبەتوۆا ايتتى.

"بۇگىنگى تاڭدا مەديتسينا قىزمەتكەرلەرى اراسىندا بارلىعى 120 ناۋقاس تىركەلگەن. ولاردىڭ اراسىندا 67 دارىگەر كوروناۆيرۋس ينفەكتسياسىنا كۇدىكتى نەمەسە اۋىرعان ادامدارعا مەديتسينالىق كومەك كورسەتكەن. ءبىر ناۋقاستىڭ جاعدايى اۋىر، توعىز ادامدىكى ورتاشا، قالعان 57 ادامدا ىندەت جەڭىل جانە سيمپتومسىز ءوتىپ جاتىر", - دەدى ول.

3 ساۋىردە دەنساۋلىق ساقتاۋ ءمينيسترى ەلجان ءبىرتانوۆ ەل بويىنشا مەديتسينا قىزمەتكەرلەرى اراسىندا ۆيرۋس جۇقتىرعان 28 ادام تۋرالى حابارلاعان بولاتىن.

ايتا كەتەيىك، بۇگىندە ەلىمىزدە كوروناۆيرۋستان 45 ناۋقاس ساۋىعىپ شىقتى، ونىڭ 24-ءى نۇر-سۇلتاندا جانە 21-ءى الماتىدا. ەلىمىزدە 6 ادام قايتىس بولدى.

Abai.kz