ەل اۋماعىندا 11 مامىر 00 ساعات 00 مينۋتتان باستاپ توتەنشە جاعداي رەجيمى اياقتالادى. تج رەجيمى ەلدەگى قىتاي ۆيرۋسىنا بايلانىستى 15 ناۋرىزدا جاريالانعان بولاتىن. ال 29 ساۋىردە پرەزيدەنت توقاەۆ تج رەجيمىن 11 مامىرعا دەيىن ۇزارتۋ تۋرالى جارلىققا قول قويدى.

بۇگىن تج جونىندەگى مەملەكەتتىك كوميسسيانىڭ قورىتىندى وتىرىسىنا قاتىسقان پرەزيدەنت توقاەۆ مالىمدەمە جاسادى. توتەنشە جاعداي رەجيمى اياقتالعانىمەن، كارانتين الىنبايدى.

«بۇگىن بۇكىل ەل اۋماعىنداعى توتەنشە جاعداي رەجيمى اياقتالدى.الايدا، كەيبىر ايماقتاردا دەرتتىڭ تارالۋى باسەڭدەمەي وتىر. ىندەت تولىعىمەن جويىلىپ كەتكەن جوق. پاندەميا حالىقتىڭ دەنساۋلىعىنا ءالى دە قاۋىپتى. سوندىقتان كارانتيندىك شەكتەۋلەر ءار وڭىردەگى جاعدايدىڭ جاقسارۋىنا قاراي بىرتىندەپ الىنادى»، - دەدى پرەزيدەنت.

سونىمەن، كارانتين قاي قالالاردا ساقتالادى؟ جاۋاپ – الماتى، نۇر-سۇلتان قالالارى، اتىراۋ جانە ماڭعىستاۋ وبلىستارى 11 مامىردان كەيىن دە كارانتيندە بولادى.

ماڭعىستاۋ وبلىسىندا 3 ساۋىردەن باستان كارانتين جاريالانعان. كەيىن ونى 30 ساۋىرگە دەيىن، سوسىن 11 مامىرعا دەيىن ۇزارتقان. وبلىستىڭ باس سانيتارى ەرعالي سادىمانوۆتىڭ جاڭا بۇيرىعىمەن كارانتين مەرزىمى 25 مامىرعا دەيىن تاعى سوزىلدى. بۇل تۋرالى بۇگىن بەلگىلى بولدى.

«Coronavirus2020.kz» سايتىنىڭ مالىمەتىنشە، 11 مامىرداعى جاعداي:

ىندەتتىلەر – 5138 ادام،

جازىلىپ شىققاندار – 1941 ادام،

قايتىس بولعاندار – 31 ادام.

ايماقتار بويىنشا:

الماتى قالاسى – 1593 ادام،

نۇر-سۇلتان قالاسى – 1074 ادام،

اتىراۋ وبلىسى – 302 ادام،

بقو – 252 ادام،

شىمكەن قالاسى – 233 ادام،

قىزىلوردا وبلىسى – 230 ادام،

قاراعاندى وبلىسى – 196 ادام،

الماتى وبلىسى – 183 ادام،

تۇركىستان وبلىسى – 180 ادام،

جامبىل وبلىسى – 179 ادام،

اقتوبە وبلىسى – 174 ادام،

پاۆلودار وبلىسى – 154 ادام،

ماڭعىستاۋ وبلىىس – 129 ادام،

اقمولا وبلىسى – 110 ادام،

قوستاناي وبلىسى – 62 ادام،

شقو – 51 ادام،

سقو – 36 ادام.

پرەزيدەنت مالىمدەمەسىنىڭ تولىق نۇسقاسى: مالىمدەمە

Abai.kz