استاناداعى وبلىستاردىڭ مادەني كۇندەرىنىڭ قورىتىندىسى رەتىندە قالاداعى بەيبىتشىلىك جانە كەلىسىم سارايىندا شىعىس قازاقستان، اتىراۋ جانە جامبىل وبلىستارى ونەرپازدارىنىڭ «20 قاناتتى جىل» اتتى بىرىككەن گالا-كونتسەرتى مەن وسى ايماقتاردىڭ قول جەتكىزگەن جوعارعى جەتىستىكتەرىن كورسەتەتىن وندىرىستىك كورمە ۇيىمداستىرىلدى. وعان مەملەكەت باسشىسى نۇرسۇلتان نازارباەۆ كەلىپ قاتىستى. كورمەگە قاتىسۋشى ءۇش وبلىستىڭ ارقايسىسىنا جەكە-جەكە توقتالىپ، قازىرگى تىنىس-تىرشىلىگىمەن تانىستى. بۇل رەتتە شىعىس قازاقستان ءوزىنىڭ ماقتان تۇتار ءىرى كاسىپورىندارى-نىڭ، ىلگەرى باسقان اگروونەركاسىپ سالاسىنىڭ تولاعاي تابىستارىن، اتوم ونەركاسىبىنىڭ، شاعىن جانە ورتا بيزنەستىڭ، عىلىم مەن تەحنيكانىڭ، يننوۆاتسيالىق تەحنولوگيالاردىڭ وراسان جەتىستىكتەرىن ورتاعا جايىپ سالدى. مەيماندار نازارىنا «ۆيرتۋالدى تۋريزم» جوباسى ۇسىنىلدى.

ءوز كەزەگىندە پرەزيدەنت «ازيا اۆتو» كومپانياسىنىڭ جۇمىسىنا وڭ باعاسىن بەرىپ، ماشينا قۇراستىرۋ جۇمىستارىن ەلىمىزدە ودان ارى دامىتۋ قاجەتتىگىن ەسكەرتتى. سونىمەن قاتار التايدىڭ اسەم تابيعاتىن ءتيىمدى پايدالانىپ، تۋريزم سالاسىن وركەندەتۋدى تاپسىردى.

استاناداعى وبلىستاردىڭ مادەني كۇندەرىنىڭ قورىتىندىسى رەتىندە قالاداعى بەيبىتشىلىك جانە كەلىسىم سارايىندا شىعىس قازاقستان، اتىراۋ جانە جامبىل وبلىستارى ونەرپازدارىنىڭ «20 قاناتتى جىل» اتتى بىرىككەن گالا-كونتسەرتى مەن وسى ايماقتاردىڭ قول جەتكىزگەن جوعارعى جەتىستىكتەرىن كورسەتەتىن وندىرىستىك كورمە ۇيىمداستىرىلدى. وعان مەملەكەت باسشىسى نۇرسۇلتان نازارباەۆ كەلىپ قاتىستى. كورمەگە قاتىسۋشى ءۇش وبلىستىڭ ارقايسىسىنا جەكە-جەكە توقتالىپ، قازىرگى تىنىس-تىرشىلىگىمەن تانىستى. بۇل رەتتە شىعىس قازاقستان ءوزىنىڭ ماقتان تۇتار ءىرى كاسىپورىندارى-نىڭ، ىلگەرى باسقان اگروونەركاسىپ سالاسىنىڭ تولاعاي تابىستارىن، اتوم ونەركاسىبىنىڭ، شاعىن جانە ورتا بيزنەستىڭ، عىلىم مەن تەحنيكانىڭ، يننوۆاتسيالىق تەحنولوگيالاردىڭ وراسان جەتىستىكتەرىن ورتاعا جايىپ سالدى. مەيماندار نازارىنا «ۆيرتۋالدى تۋريزم» جوباسى ۇسىنىلدى.

ءوز كەزەگىندە پرەزيدەنت «ازيا اۆتو» كومپانياسىنىڭ جۇمىسىنا وڭ باعاسىن بەرىپ، ماشينا قۇراستىرۋ جۇمىستارىن ەلىمىزدە ودان ارى دامىتۋ قاجەتتىگىن ەسكەرتتى. سونىمەن قاتار التايدىڭ اسەم تابيعاتىن ءتيىمدى پايدالانىپ، تۋريزم سالاسىن وركەندەتۋدى تاپسىردى.

بۇدان كەيىن ەلباسى ەلىمىزدىڭ ءۇش وڭىرىنەن كەلگەن كۇمىس كومەي انشىلەردىڭ شارىقتاتا شىرقاعان اندەرىن تىڭدادى. كونتسەرتتىڭ شى-مىلدىعى ءۇش وبلىس ونەرپازدارى-
نىڭ بىرلەسە ورىنداعان قۇرمانعا-زىنىڭ «سارىارقا» كۇيىمەن اشىلدى. ارقانى قوزدىرىپ، كوڭىلگە جەلىك بىتىرگەن كۇي قۇدىرەتى بەيبىتشىلىك سارايىنا لىق تولعان كورەرمەندى بىردەن باۋراپ اكەتتى. زالداعى وتىرعاندار انشىلەرمەن بىرگە حالقىمىزدىڭ ءداستۇرلى اندەرىن بىرگە شىرقاپ، شابىت شاقىردى. ءار ايماق وزىنە ءتان ونەرلەرىن كورسەتتى. ءبىر بايقاعانىمىز، مۇندا دا شىعىستىڭ دۇلدۇلدەرىنىڭ شوقتىعى باسقالارعا قاراعاندا دارا تۇرعانداي كورىندى. وعان دالەل - ولگا ساعىندىقوۆا مەن ميحايل گلازىريننىڭ «اداي» كۇيىن توگىلتە تارتقاندا ءدۇيىم جۇرت-تىڭ ءدۇر كوتەرىلىپ قوشەمەت ءبىلدىرۋى. شاكەرىمنىڭ «بۇل ءان بۇرىنعى اننەن وزگەرەك» دەگەن ءانىن ورىنداعان جەر-لەسىمىز بەرىك وماروۆ تا تىڭداۋشى قاۋىمنىڭ جوعارى تالعامىنان شىققانىن ۇمىتپايىق. پيراميدا پىشىندەس ءزاۋلىم سارايداعى مەرەكەلىك كونتسەرتتىڭ استانا تۇرعىندارى مەن قوناقتارى ءۇشىن عاجاپ ءبىر كەشتىڭ بولعاندىعى راس. باعدارلاما سوڭىندا پرەزيدەنتتىڭ اتىنان ساحنا ساڭلاقتارىنا گۇل شوقتارى تارتۋ ەتىلدى.

ەلوردا تورىندە وتكەن مادەني كۇندەرگە وبلىستىق دراما تەاترىنىڭ قازاق جانە ورىس ترۋپپالارى دا ءوز ۇلەستەرىن قوستى. قازاق ترۋپپاسى ونەرسۇيەر قاۋىمعا «اتىمدى ادام قويعان سوڭ...» قويىلىمىن ۇسىنسا، ورىس ترۋپپاسى «لەكار پونەۆولە» سپەكتاكلىن كورسەتتى. ال جاستار ءۇشىن قالالىق ورتالىق الاڭدا تۇنگى نون-ستوپ بي كەشى ۇيىمداستىرىلىپ، وسكەمەننىڭ ەڭ ۇزدىك تانىلعان ديدجەيلەرى استانالىقتار الدىندا بارىن سالدى. ەكى كۇن قاتارىنان استانا حالقىن مەرەكەلىك شارالارمەن ارمانسىز سۋسىنداتقان وبلىستىڭ كۇندەرى بي كەشىنىڭ سوڭىنداعى وتشاشۋمەن اياقتالدى.

سەرىك ءابىلحان، ارنايى «اباي.كز» اقپاراتتىق پورتالى ءۇشىن.

استانا قالاسى