كەشە نۇكىستە وزبەكستان رەسپۋبليكاسىنىڭ جوعارعى سوتىندا «شەكارا بۇزدى» دەگەن ايىپ تاعىلىپ، ەلدەن جىراق  كەتكەن 27 قازاقتىڭ ءىسى قارالدى.  ەل ەلەڭدەپ قۇلاق ءتۇردى. جاعىمدى جاڭالىق كۇتتى.

كەشە كەشكە قاراي 27 قازاقتىڭ ءبىرى ءبىرجان مامبەتوۆتىڭ قارىنداسى حابارلاسىپ، قانداستارىمىزدىڭ سوتتالمايتىندىعىن، ەلگە قايتارىلاتىندىعىن ايتىپ، قۋانىشىن جاسىرا المادى. «ءۇي-ىشىمىزبەن قۋانىپ جاتىرمىز. ارتىنان ناقتىراق حابارىن ايتايىنشى» دەگەن. ال، ءبىرجان مامبەتوۆتىڭ باۋىرى نۇرلان مامبەتوۆكە حابارلاسقانىمىزدا ول ازىرگە ەشقانداي پىكىر بىلدىرمەيتىندىگىن مالىمدەدى.

«ازاتتىق» پارتياسىنىڭ اقتوبەدەگى فيليالىنىڭ توراعاسى ايدوس سادىقوۆ جاعىمدى جاڭالىقتى جەردە قالدىرعىسى كەلمەي جانى اشىپ، ەلەڭدەپ وتىرعان جۇرتپەن ويىن بىلاي دەپ ءبولىستى.

كەشە نۇكىستە وزبەكستان رەسپۋبليكاسىنىڭ جوعارعى سوتىندا «شەكارا بۇزدى» دەگەن ايىپ تاعىلىپ، ەلدەن جىراق  كەتكەن 27 قازاقتىڭ ءىسى قارالدى.  ەل ەلەڭدەپ قۇلاق ءتۇردى. جاعىمدى جاڭالىق كۇتتى.

كەشە كەشكە قاراي 27 قازاقتىڭ ءبىرى ءبىرجان مامبەتوۆتىڭ قارىنداسى حابارلاسىپ، قانداستارىمىزدىڭ سوتتالمايتىندىعىن، ەلگە قايتارىلاتىندىعىن ايتىپ، قۋانىشىن جاسىرا المادى. «ءۇي-ىشىمىزبەن قۋانىپ جاتىرمىز. ارتىنان ناقتىراق حابارىن ايتايىنشى» دەگەن. ال، ءبىرجان مامبەتوۆتىڭ باۋىرى نۇرلان مامبەتوۆكە حابارلاسقانىمىزدا ول ازىرگە ەشقانداي پىكىر بىلدىرمەيتىندىگىن مالىمدەدى.

«ازاتتىق» پارتياسىنىڭ اقتوبەدەگى فيليالىنىڭ توراعاسى ايدوس سادىقوۆ جاعىمدى جاڭالىقتى جەردە قالدىرعىسى كەلمەي جانى اشىپ، ەلەڭدەپ وتىرعان جۇرتپەن ويىن بىلاي دەپ ءبولىستى.

- كەشە 23-ءى كۇنى 27 باۋىرىمىزدىڭ ءىسى نۇكىستە سوتتا قارالدى. جاقسى ءبىر حابار ەستىگەنشە ەلەڭدەپ كۇتتىك. بۇل باۋىرلارىمىزعا ءبىرىنشى، شەكارادان زاڭسىز ءوتتى، ەكىنشى، ۇرلىق جاساۋعا ارەكەت ەتتى، ءۇشىنشى، وزبەكستان رەسپۋبليكاسىنىڭ كەدەن زاڭىن بۇزدى دەگەن ايىپتار تاعىلعان بولاتىن. مۇنداي ايىپتاۋلار ءۇشىن ارقايسىسىنا كەمىندە 15 جىل كەسىلۋى مۇمكىن دەپ ايتىلعان ەدى. بىراق كەشەگى سوت ۇكىمىن ەستىپ، جاقسىلىقتان ءۇمىت ەتىپ وتىرمىز. 27 قازاقتىڭ ارقايسىسىنا وزبەك سۋماسىمەن 600 سۋم، دوللارعا شاقساق، 10 مىڭ دوللار كولەمىندە ايىپپۇل سالىنعان. سونىمەن بىرگە، كولىككە جۇمسالعان سولياركانىڭ اقشاسى قايتارىلۋى كەرەك ەكەن. «كاماز» جۇك كولىكتەرى كامپەسكىلەنگەن. ۇكىم ون كۇننىڭ ىشىندە كۇشىنە ەنەتىن كورىنەدى.

ءبىزدىڭ ەلدەن   كونسۋل مەن ەلشىلىكتىڭ ءبىرىنشى حاتشىسى بارىپتى. 27 قازاقتىڭ ءبارى قازىرگى كۇنى وزبەكستان رەسپۋبليكاسىنىڭ جوعارعى سوتىنىڭ يزولياتورىندا وتىر.

قانداستاردىڭ تاعدىرىنا الاڭداپ، جاناشىرلىق تانىتىپ وتىرعان ازامات وسىلاي دەيدى. 27 قازاقتىڭ ءبىرىنىڭ باۋىرىنىڭ ايتۋىنشا، ولار بۇگىن-ەرتەڭ ەلگە كەپ قالۋى دا مۇمكىن.  ولاردىڭ ەسەن ساۋ ەلگە ورالۋىنا بىزدە بەك قۋانىشتىمىز. بىراق «شەكارا بۇزعانداردىڭ» باسىنا ءۇيرىلىپ بارىپ قايتقان بۇلت وزگەلەرگە ساباق بولۋى كەرەك دەپ بىلەمىز. ويتكەنى «ابايلاماي» شەكارادان ءوتىپ كەتۋدىڭ اقىرى كورشى مەملەكەتتەردىڭ اراسىنداعى قارىم قاتىناستى قيىنداتىپ، ءتىپتى قاقتىعىستارعا دا ۇلاسىپ كەتۋى مۇمكىن. ەلىمىزدىڭ تىنىشتىعىن ويلاساق، وزگە ەلدەردىڭ دە شەكاراسى مەن ىشكى ءتارتىبىن، زاڭىن قادىرلەۋگە ءتيىسپىز.

اقتوبە قالاسى.