11 مامىر كۇنى پرەزيدەنت پارمەن بەرىپ، ەل اۋماعىندا توتەنشە جاعداي رەجيمى اياقتالدى. ءدال سول كۇنى الماتى مەن استانا سەكىلدى ءىرى قالالارعا ايماقتاعى اعايىن اسىعا باسىپ، اعىلا كوشىپ كەلدى. كەلدى، بىراق كىرە المادى. قالاعا كىرىبەرىستەگى بلوك-بەكەتتەردەن وتە المادى. وتكىزبەدى. سەبەبى بىرەۋ – توتەنشە جاعداي اياقتالعانىمەن، كارانتين اياقتالعان جوق.

27 ساۋىردە پرەزيدەنت توقاەۆ مالىمدەمە جاساپ، تج رەجيمى 11 مامىردا اياقتالاتىنىن اقپارلاعان ەدى. سودان بەرى، تۇرمىس-تىرشىلىگى تۇرالاعان كوپ جۇرت 11 مامىردى اسىعا كۇتىپ جاتقان ەدى. الايدا، مامىردىڭ 11-ىندە ءىرى قالالاردىڭ ەسىگى وڭىردەگى ەڭبەكشى حالىققا ايقارا اشىلا قويعان جوق. ەبىن تاپقاندار ءوتتى. قالعاندارى كەرى اينالىپ كەتتى.

ەلدەگى ەپيدەميولوگيالىق جاعدايعا بايلانىستى كارانتين ءالى جالعاسادى دەدى. ال قازىر وڭىرلەردەگى باس سانيتارلار شەت-شەتىنەن قاۋلى شىعارىپ، كارانتين مەرزىمىن بەلگىلەپ جاتىر. سونىمەن، كوپتىڭ كوڭىلىن كۇپتى ەتكەن جالقى ساۋال – كارانتين قاشان اياقتالادى؟

الماتىدا – ەپيدەميولوگيالىق احۋال تۇراقتالعانعا دەيىن. شەكتەۋلەر بىرتىندەپ الىنادى.

1628 (+6) ادام ىندەتتى. 485 ادام جازىلىپ شىققان. 9 ادام قايتىس بولعان.

نۇر-سۇلتاندا – ەپيدەميولوگيالىق احۋال تۇراقتالعانعا دەيىن. شەكتەۋلەر بىرتىندەپ الىنادى.

1118 (+15) ادام ىندەتتى. 455 ادام جازىلىپ شىققان. 3 ادام قايتىس بولعان.

شىمكەنت – 25 مامىرعا دەيىن كارانتين.

245 ادام ىندەتتى. 149 ادام جازىلىپ شىققان. 6 ادام قايتىس بولعان.

ماڭعىستاۋ وبلىسى – 25 مامىرعا دەيىن كارانتين.

130 ادام ىندەتتى. 19 ادام جازىلىپ شىققان. 1 ادام قايتىس بولعان.

قىزىلوردا وبلىسى – ەپيدەميولوگيالىق احۋال تۇراقتالعانعا دەيىن.

231 ادام ىندەتتى. 172 ادام جازىلىپ شىققان.

اقتوبە وبلىسى – ەپيدەميولوگيالىق احۋال تۇراقتالعانعا دەيىن.

176 ادام ىندەتتى. 55 ادام جازىلىپ شىققان.

الماتى وبلىسى – مامىر ايىنىڭ سوڭىنا دەيىن كارانتين.

183 ادام ىندەتتى. 87 ادام جازىلىپ شىققان.

اقمولا وبلىسى – ەپيدەميولوگيالىق احۋال تۇراقتالعانعا دەيىن. شەكتەۋلەر بىرتىندەپ الىنادى.

110 ادام ىندەتتى. 94 ادام جازىلىپ شىققان. 4 ادام قايتىس بولعان.

قاراعاندى وبلىسى – جاعدايدىڭ جاقسارۋىنا قاراي شەكتەۋلەر بىرتىندەپ الىنادى.

200 (+3) ادام ىندەتتى. 99 ادام جازىلىپ شىققان. 3 ادام قايتىس بولعان.

جامبىل وبلىسى – جاعداي جاقسارعانعا دەيىن سوزىلادى.

198 (+6) ادام ىندەتتى. 93 ادام جازىلىپ شىققان. 1 ادام قايتىس بولعان.

اتىراۋ وبلىسى – 25 مامىرعا دەيىن كارانتين.

432 (+92) ادام ىندەتتى. 126 ادام جازىلىپ شىققان.

بقو – 25 مامىرعا دەيىن كارانتين.

266 (+11) ادام ىندەتتى. 112 ادام جازىلىپ شىققان.

تۇركىستان وبلىسى – 25 مامىرعا دەيىن كارانتين.

190 (+4) ادام ىندەتتى. 112 ادام جازىلىپ شىققان. 1 ادام قايتىس بولعان.

پاۆلودار وبلىسى – جاعدايدىڭ جاقسارۋىنا قاراي شەكتەۋلەر بىرتىندەپ الىنادى.

154 ادام ىندەتتى. 89 ادام جازىلىپ شىققان. 2 ادام قايتىس بولعان.

شقو – 1 ماۋسىمعا دەيىن كارانتين.

52 (+1) ادام ىندەتتى. 15 ادام جازىلىپ شىققان. 1 ادام قايتىس بولعان.

سقو – جاعدايدىڭ جاقسارۋىنا قاراي شەكتەۋلەر بىرتىندەپ الىنادى.

36 ادام ىندەتتى. 29 ادام جازىلىپ شىققان.

قوستاناي وبلىسى – جاعدايدىڭ جاقسارۋىنا قاراي شەكتەۋلەر بىرتىندەپ الىنادى.

68 ادام ىندەتتى. 32 ادام جازىلىپ شىققان. 1 ادام قايتىس بولعان.

Abai.kz