2020 جىلدىڭ 29 مامىرىندا، پەتروپاۆل قالاسىندا، ماناش قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ ۇيىمداستىرۋىمەن  كورنەكتى مەملەكەت جانە قوعام كايراتكەرى سماعۇل سادۋاقاسوۆتىڭ 120-جىلدىعىنا ارنالعان «الاشتىڭ ارداقتى ۇلى» اتتى حالىقارالىق عىلىمي-تاجىريبەلىك كونفەرەنتسيا بولدى. ەلدەگى داعدارىستى جاعدايدا بۇل عىلىمي پىكىر الىسۋ بەينەكونفەرەنتسيا تۇرىندە وتكىزىلدى.

حالىقارالىق كونفەرەنتسياعا ەلمىزدىڭ بەلگىلى تاريحشى، ادەبيەتشى، ءتىلشى عالىمدارى، قوعام جانە مەملەكەت قايراتكەرلەرى، مۇعالىمدەر، ءباسپاسوز جانە ونەر وكىلدەرى  قاتىستى. ونلاين بايلانىس جۇيەسىنىڭ مۇمكىندىگىنە قاراي كونفەرەنتسيانىڭ جۇمىسىن پەتروپاۆل قالاسىنداعى ارنايى جانە جالپى ورتا ءبىلىم بەرەتىن وقۋ ورىندارى، قالاداعى جانە نۇر-سۇلتان، قاراعاندى، الماتى، اقتوبە، اتىراۋ جانە سەمەي قالالارىنداعى جوعارى وقۋ ورىندارى مەن عىلىمي، مادەني-اعارتۋ  مەكەمەلەردىڭ ىقىلاس بىلدىرگەن وكىلدەرى نازاردا ۇستادى.

كونفەرەنتسيادا باياندامالارىن ورتاعا سالعان قاتىسۋشىلار سماعۇل سادۋاقاسۇلىنىڭ ءومىرى مەن قىزمەتىنە جان-جاقتى توقتالىپ، ونىڭ قوعامدىق-ساياسي، ۇيىمداستىرۋشىلىق، مادەني-اعارتۋشىلىق قىزمەتىن سارالادى.

عالىمدار مەن زەرتتەۋشىلەر سماعۇل سادۋاقاسوۆتىڭ تاريحي تۇلعاسى، جەكە باس مۇددەسىن ۇلت باقىتى مەن بوستاندىعىنا ارناعان جەكە باسىنىڭ قايراتكەرلىك ونەگەسى مەن ادەبي مۇراسى قازاقستان جاستارىن ادامگەرشىلىك اسىل قاسيەتتەرگە،  وتانشىلدىققا تاربيەلەۋگە قاجەت قىمبات قازىنا دەگەن ورتاق پىكىرگە كەلدى. سوندىقتان دا قازاقستان رەسپۋبليكاسىنىڭ ۇكىمەتى، قوعامدىق ۇيىمدار سماعۇل سادۋاقاسۇلىنىڭ ەسىمىن ۇلتتىق قۇندىلىق دەڭگەيىندە قۇرمەت تۇتۋعا قاجەتتى العىشارتتار جاساۋعا ءتيىس ەكەندىگىن اتاپ كورسەتىپ، مىنا شارالاردى جۇزەگە اسىرۋدى ۇسىندى:

1. سماعۇل سادۋاقاسۇلىنىڭ ەسىمىن ءوزىنىڭ تۋىپ-وسكەن اقجار اۋدانىنا بەرۋ تۋرالى ماسەلە كوتەرۋ;

2. قازاقستان ۇكىمەتى ارقىلى وزبەكستان رەسپۋبليكاسىنىڭ ۇكىمەتىنە سماعۇل سادۋاقاسۇلىنىڭ ەسىمىن تاشكەنت قالاسىندا، رەسەي فەدەراتسياسى ۇكىمەتىنە ومبى قالاسىندا ماڭگى ەستە قالدىرۋ جونىندە ماسەلە قوزعاۋ;

3. سماعۇل سادۋاقاسۇلى ەڭبەك ەتكەن الماتى، پەتروپاۆل قالالارىندا جانە مەملەكەتىمىزدىڭ استاناسى نۇر-سۇلتان قالاسىندا ەسكەرتكىش قويۋ;

4. نۇر-سۇلتان قالاسىندا، ءوزى جۇمىس ىستەگەن الماتى قالاسى مەن وبلىس ورتالىقتارىندا سماعۇل سادۋاقاسۇلى ەسىمىن كوشەلەرگە، مەكتەپتەرگە، مادەني-اعارتۋ مەكەمەلەرىنە بەرۋ;

5. جوعارى جانە ارنايى ورتا وقۋ ورىندارىندا سماعۇل سادۋاقاسۇلى اتىنداعى ءدارىسحانالار اشۋ، قايراتكەردىڭ اتىندا سپورت جانە دەنەشىنىقتىرۋ شارالارىن وتكىزۋ، ستۋدەنتتەرگە اتاۋلى شاكىرتاقى تاعايىنداۋ; «سماعۇل وقۋلارىن» ۇيىمداستىرۋ قولعا الۋ;

6. سماعۇل سادۋاقاسۇلى مۇردەسىنىڭ كۇلى ەلىمىزدىڭ استاناسى نۇر-سۇلتان قالاسىنا جەتكىزىلىپ، قازاقشا جەرلەنگەن كۇندى، تۋعان كۇنى ەلىمىزدىڭ تاۋەلسىزدىك الاش جاستارىنىڭ كۇنى ەسەبىندە دە بەلگىلەنىپ، اتاپ وتىلسە;

7. سماعۇلدىڭ ادەبي شىعارمالارى بويىنشا كينوفيلمدەر ءتۇسىرۋ، سپەكتاكلدەر دايىنداپ قويۋ جاعىنا نازار اۋدارىلسا.

بۇل ۇسىنىستاردى كونفەرەنتسياعا قاتىسۋشىلار ءبىراۋىزدان قولداپ، داۋىس بەرىپ، قابىلدادى.

زارقىن تايشىباي

Abai.kz