ءبىلىم ساپاسىن قامتاماسىزداندىرۋ بويىنشا تاۋەلسىز اگەنتتىگى قازاقستاننىڭ ۇزدىك ۋنيۆەرسيتەتتەرىنىڭ جىل سايىنعى ۇلتتىق رەيتينگىن جاسادى. ونىڭ قۇرامىنا 44 وقۋ ورنى كىرەدى،- دەپ حابارلايدى kapital.kz.

رەيتينگكە ارتاراپتاندىرىلعان، تەحنيكالىق، گۋمانيتارلىق، ەكونوميكالىق، مەديتسينالىق جانە پەداگوگيكالىق باعىتتاعى 44 وقۋ ورنى كىرەدى.

رەيتينگ ناتيجەلەرى بويىنشا، كوپسالالى ۋنيۆەرسيتەتتەر اراسىندا كوشباسشى - ءال-فارابي اتىنداعى قازاق ۇلتتىق ۋنيۆەرسيتەتى; تەحنيكالىق ۋنمۆەرسيتەتتەر اراسىندا - ساتباەۆ ۋنيۆەرسيتەتى; گۋمانيتارلىق جانە ەكونوميكالىق جوعارى وقۋ ورىندارى اراسىندا - كيمەپ ۋنيۆەرسيتەتى; پەداگوگيكالىق ۋنيۆەرسيتەتتەر اراسىندا - اباي اتىنداعى قازاق ۇلتتىق پەداگوگيكالىق ۋنيۆەرسيتەتى; مەديتسينا بويىنشا - سەمەي قالاسىنىڭ مەديتسينالىق ۋنيۆەرسيتەتى جانە ەڭ ۇزدىك ونەر ۋنيۆەرسيتەتى - قازاق ۇلتتىق ونەر ۋنيۆەرسيتەتى ۇزدىك دەپ تانىلدى.

«رەيتينگ جان-جاقتى جانە اكادەميالىق بەلسەندىلىكتى، ستۋدەنتتەردىڭ ۇلگەرىم كورسەتكىشتەرىن، پروفەسسورلىق-وقىتۋشىلىق قۇرامنىڭ جۇمىسىن، عىلىمي-زەرتتەۋ جانە يننوۆاتسيالاردى، حالىقارالىق ىنتىماقتاستىقتى، اقپاراتتىق قولداۋدى (ۋنيۆەرسيتەتتەردىڭ ۆەب-سايتتارى مەن ءموبيلدى قوسىمشالارى), تۇلەكتەردىڭ جۇمىسقا ورنالاسۋ ناتيجەلەرىن، سونداي-اق باعالاۋدى قامتيدى. جۇمىس بەرۋشىلەردىڭ بەدەلى مەن تاۋەلسىز ساراپشىلاردىڭ پىكىرى، وسى جىلى ستۋدەنتتەر مەن تۇلەكتەردىڭ پىكىرلەرى دە ەسكەرىلدى», - دەيدى اگەنتتىك وكىلدەرى.

ساۋالناما ەلەكتروندىق پوشتا ارقىلى ساراپشىلار، جۇمىس بەرۋشىلەر، ستۋدەنتتەر مەن تۇلەكتەر اراسىندا جۇرگىزىلگەن. ناتيجەسىندە، ساۋالناماعا 500-دەن استام جۇمىس بەرۋشى، 150 ساراپشى، 3000 ستۋدەنت جانە 2000 تۇلەك قاتىسقان.

Abai.kz