جەرگىلىكتى فەرمەرلەردىڭ ايتۋىنشا، سۋ قويماسىنا تاۋەلدى بولىپ كەلگەن ايماقتىڭ جاعدايى وتە اۋىر. قۇرعاقشىلىقتان ەگىن شارۋاشىلىعى مەن مالدار زارداپ شەگىپ جاتىر.

فەرعانا جانە ءاندىجاننان سىردارياعا بارعان ديقانداردىڭ دەنى كەرى ۇيىنە قايتىپ جاتقان كورىنەدى. سەبەبى، ەگىن شارۋاشىلىعى جارامسىز بولىپ قالعان.

وزبەكستان سۋ شارۋاشىلىعى مينيسترلىگىنىڭ وكىلى قۇرعاقشىلىق بار ەكەنىن راستادى. بىراق جاعداي سونشالىقتى قاۋىپتى ەمەس دەيدى.

"بىلتىر سىرداريادا سۋ پروبلەماسى بولماعان. تەك بيىل اپاتتى جاعداي ورىن العاننان كەيىن تۇرعىندار سۋدان قينالىپ جاتىر. قويماعا جينالعان 40 ميلليون تەكشە مەتر سۋ اعىپ كەتتى", – دەدى اتالعان مينيسترلىك وكىلى.

وڭتۇستىك-ءمىرزاشول كانالى اۋماعىندا سالىنعان ساردوبا سۋ قويماسى 2018 جىلدىڭ مامىر ايىندا قولدانىسقا بەرىلگەن. ول سۋ رەسۋرستارى جەتىسپەيتىن اۋدانداردى سۋمەن قامتاماسىز ەتۋگە ارنالعان.

1 مامىردا ساردوبا سۋ قويماسى جارىلىپ، ماڭىنداعى اۋىل-ايماقتىڭ ءبارىن سۋ الدى. اپاتتان قازاقستاننىڭ وڭتۇستىك ايماعى دا زارداپ شەكتى.

Abai.kz