كەشە ەلىمىزدە توقاەۆ اكىمشىلىگىنىڭ جانە ءبىراز اكىمنىڭ زارەسىن ۇشىرعان بەيبىت ميتينگىلەر ءوتتى. "ەليتا" وسى جولى بەيبىت ميتينگىشىلەرگە قارسى تۇرۋ ءۇشىن كەيىنگى 2-3 ايدا كوروناۆيرۋسقا قارسى كۇرەستە جيناعان تاجىريبەسىنە جانە "زونتيك" پەن "انتي-بەيبىت ميتينگىشى تالعات رىسقۇلبەكوۆ" سەكىلدى يننوۆاتسيالىق ءادىس-تاسىلدەرىنە سۇيەندى.

"ەليتانىڭ" بەيبىت ميتينگىلەرگە كەدەرگى كەلتىرۋگە، ازاماتتاردىڭ كونستيتۋتسيالىق قۇقىعىن تاپتاۋعا پايدالاناتىن قۇرال-سايماندارىنىڭ ىشىندە ميتينگى ورنىنا 20 جىگىتپەن توبەلەسۋ ءۇشىن كەلگەن ت.رىسقۇلبەكوۆتىڭ فۋنكتسياسى مەنى قاتتى قىزىقتىرىپ، كوكەيىمدە بىرنەشە سۇراق تۋعىزىپ وتىر.

1, ب.ساعىنتاەۆ مىرزا، ت.رىسقۇلبەكوۆ الماتى قالاسى اكىمشىلىگى قىزمەتكەرى مە؟ ەگەر ءسىزدىڭ قىزمەتكەرىڭىز بولماسا، كەشەگى ميتينگىدە ورىنباسارىڭىز ە.باباقۇماروۆتىڭ ءسوزىن سويلەپ، ونىڭ جانىنان نەگە شىقپاي ءجۇر؟

2, ە.كارين مىرزا، "ميتينگىشىلەر كوروناۆيرۋستى تاراتىپ، باسقا ازاماتتاردىڭ ومىرىنە قاۋىپ توندىرمەدى مە ەكەن؟" دەپ وتە-موتە قاتتى ويلانىپ، تۇنىمەن ۇيىقتاي الماي شىققانىڭىزعا كۇمانىم جوق. نە دەگەنمەن قازاقستانداعى ءنومىرى ءبىرىنشى "مەملەكەتشىل" ازاماتسىز عوي. سىزگە سۇراق: كەشە ميتينگى ورنىنا بەيبىت شەرۋشىلەر ماسكامەن، ال ت.رىسقۇلبەكوۆتىڭ ماسكاسىز كەلۋى جايلى نە ويلايسىز؟ الدە ت.رىسقۇلبەكوۆ سياقتى "مەملەكەتشىل" ازاماتتار ماسكا كيمەسە دە بولا ما؟

3, ق.تايمەردەنوۆ مىرزا، كەشەگى بەيبىت ميتينگىدە توبەلەس ۇيىمداستىرۋعا نيەتتى بولعان ت.رىسقۇلبەكوۆتىڭ جانىنداعى 20 جىگىتتىڭ كىم ەكەنى انىقتالدى ما؟ولاردىڭ ارەكەتىن پروۆوكاتسيا دەپ ەسەپتەمەيسىز بە؟

4, ج.بەكشين مىرزا، كەشەگى ميتينگىگە ماسكاسىز كەلگەن ت.رىسقۇلبەكوۆ اينالاسىنا قاۋىپ توندىرمەس ءۇشىن ونى قالاي دەزينفەكتسيالاۋ كەرەك؟

5, م.تازابەك مىرزا، كەشەگى بەيبىت ميتينگىدە "سابىر ساقتاپ، ۇرماي-سوقپاي ايتارىن ايتىپ قايتقان" ت.رىسقۇلبەكوۆ ميتينگى ورنىنا نە ءۇشىن كەلدى دەپ ويلايسىز؟ قۇيىمشاقتان تەبۋ ءۇشىن بە، الدە ماسكاسىز كەلىپ، كوروناۆيرۋس تاراتۋ ءۇشىن كەلگەن بە؟

شالقار نۇرسەيىتوۆتىڭ الەۋمەتتىك جەلىدەگى جازباسىنان

Abai.kz