«قازاقستان تەمىر جولى» ۇك» اق ورتالىق اپپاراتتىڭ قاتارداعى قىزمەتكەرلەرى مەن باسقارۋشى ديرەكتورلارىنىڭ سانىن قىسقارتۋ تۋرالى شەشىم قابىلداندى، دەپ حابارلايدى zanmedia.kz.

«قازاقستان تەمىر جولى» ۇك» اق باسقارما توراعاسى ساۋات مىڭباەۆ بۇل شەشىمنىڭ جولاۋشىلار تاسىمالىنىڭ توقتاتىلۋىنا جانە كومپانيانىڭ جۇمساعان شىعىندارىنا بايلانىستى جۇزەگە اسىپ جاتقانىن ءتۇسىندىردى.

بيىل كومپانيانىڭ 7 مىڭنان استام قىزمەتكەرى قىسقارتىلادى. ولار – شارۋاشىلىق تسەحىنىڭ قىزمەتكەرلەرى، لوكوموتيۆ جانە جوندەۋ بريگادالارى، سونداي-اق، جۇك اۆتوكولىك جۇرگىزۋشىلەرى.

«قازاقستان تەمىر جولىندا» 900 قىزمەتكەرگە دەفەكتوسكوپتى اربالار وپەراتورلارىنىڭ شتاتىن قىسقارتۋ، سونداي-اق، ماڭعىستاۋ، اقتوبە، اتىراۋ، قىزىلوردا جانە ورال قالالارىنداعى جۇك تاسىمالداۋ بولىمشەلەرىنىڭ 2 مىڭنان استام تەمىرجولشىسىن جۇمىستان شىعارۋ جوسپارلانۋدا.

سونىمەن قاتار، قازاقستاندىق كومپانيادا 3,5 مىڭنان استام اسكەريلەندىرىلگەن كۇزەت قىزمەتكەرى قىسقاردى. ناتيجەسىندە، وسى جىلى «قازاقستان تەمىر جولى» 13 مىڭنان استام قىزمەتكەرىنەن ايىرىلادى.

كومپانيانىڭ قاتارداعى قىزمەتكەرلەرىنەن باسقا، ورتالىق اپپاراتتىڭ 9 باسقارۋشى ديرەكتورى دا قىسقارتىلادى.

«قازاقستان تەمىر جولى» ۇك» اق باسقارما توراعاسى ساۋات مىڭباەۆ بۇل شەشىمنىڭ جولاۋشىلار تاسىمالىنىڭ توقتاتىلۋىنا جانە كومپانيانىڭ جۇمساعان شىعىندارىنا بايلانىستى جۇزەگە اسىپ جاتقانىن ءتۇسىندىردى.

Abai.kz