6 ماۋسىمدا ەلدە "اۋرۋ بەلگىلەرى" بايقالماعان وسىنداي 357 ادام انىقتالعان. بۇل "اۋرۋ بەلگىلەرى بار ناۋقاستاردان" شامامەن ەكى ەسەگە كوپ. جەكسەنبى كۇنى مينيسترلىك وتكەن تاۋلىكتە 183 ناۋقاس انىقتالدى دەپ حابارلاعان.
مينيسترلىكتىڭ مالىمەتىنشە، "اۋرۋ بەلگىلەرى" بايقالماعان ادامدار تومەندەگى وبلىس جانە قالالاردان انىقتالعان:
- نۇر-سۇلتان —141,
- الماتى — 95,
- شىمكەنت — 131,
- اقمولا وبلىسى — 13,
- اقتوبە وبلىسى — 17,
- الماتى وبلىسى — 73,
- اتىراۋ وبلىسى — 65,
- شىعىس قازاقستان وبلىسى — 48,
- جامبىل وبلىسى — 16,
- باتىس قازاقستان وبلىسى — 136,
- قاراعاندى وبلىسى — 102,
- قوستاناي وبلىسى — 5,
- قىزىلوردا وبلىسى — 48,
- ماڭعىستاۋ وبلىسى — 71,
- پاۆلودار وبلىسى — 10,
- سولتۇستىك قازاقستان وبلىسى — 40,
- تۇركىستان وبلىسى — 33.
ءساۋىر ايىنىڭ سوڭىندا ىندەت ءورشىپ، كوروناۆيرۋستان قايتىس بولعاندار سانى ارتقان شاقتا دەنساۋلىق ساقتاۋ مينيسترلىگى كوروناۆيرۋسپەن بايلانىستى ادام ءولىمى ستاتيستيكاسىن دا ۆيرۋستان قايتىس بولعاندار جانە ولىمىنە كوروناۆيرۋس سەبەپ بولماعاندار دەپ ەكى بولەك جۇرگىزە باستاعان. بىراق سوڭعىسىنىڭ ستاتيستيكاسى كوپكە دەيىن ايتىلماي كەلگەن.
سوڭعى مالىمەت بويىنشا، قازاقستاندا 12 694 ادامنان كوروناۆيرۋس تابىلعان. بۇعان قوسا، كوروناۆيرۋس جۇققان، بىراق سيمپتومى جوق 1044 ادام بار. 7135 ادام جازىلعان. 53 ادام قايتىس بولعان. ودان بولەك، مينيسترلىكتىڭ ايتۋىنشا، كوروناۆيرۋس جۇققان 37 ادامنىڭ ءولىمىنىڭ باستى سەبەبى COVID-19 ەمەس.
Abai.kz
