قىرعىزستان كەدەن وداعىنان شىعۋعا دايىندالىپ جاتىر. بۇل تۋرالى حالىقارالىق ىستەر، قورعانىس جانە قاۋىپسىزدىك جونىندەگى پارلامەنتتىك كوميتەتتىڭ وتىرىسىندا ەكونوميكا ءمينيسترى سانجار مۇقانبەتوۆ مالىمدەدى.

ونىڭ ايتۋىنشا، قازىر قىرعىزستان بارلىق ماسەلەلەردى ەاەو اياسىندا شەشپەك.

«بۇگىن ەاەو-دا شەكاراداعى پروبلەمالار بويىنشا كەڭەس وتەدى. ءبىز قازىر ەرەجەلەردى ساقتايمىز. بىزدە اسەر ەتۋدىڭ سوڭعى مەحانيزمى بار - مينيسترلەرىمىزدى الىپ تاستاۋ. سوندا كۆورۋم بولمايدى جانە ەشقانداي شەشىم قابىلدانبايدى», - دەدى سانجار مۇقانبەتوۆ.

سوڭعى وتىرىستا كوميتەت قىرعىز-قازاق شەكاراسىنداعى پروبلەمالارعا بايلانىستى ەاەو-نىڭ بارلىق ماسەلەلەرىن كۇن تارتىبىنەن الىپ تاستاعانىن ايتقان بولاتىن.

ەستەرىڭىزگە سالا كەتەيىك، مامىر ايىنىڭ اياعىنان باستاپ قازاقستان قىرعىز-قازاق شەكاراسىنداعى باقىلاۋدى كۇشەيتتى. ناتيجەسىندە، بىرنەشە كۇن ىشىندە قىرعىزستاننان ەاەو نارىعىنا تاۋارلار جىبەرىلەتىن 300-دەن استام اۋىر جۇك ماشينالارى جينالعان.

Abai.kz