استانا. 14 قاراشا. قازتاگ - الماتىنىڭ ورتالىق مەشىتىنىڭ باس يمامى قۇلمۇحاممەد ماحانبەت قازاقستان مۇسىلماندارى ءدىني باسقارماسىنىڭ (قمدب) اتىنان 7 ادامنىڭ ولىمىنە سوقتىرعان تارازدا بولعان لاڭكەستىك وقيعاعا قاتىستى مالىمدەمە جاسادى.

«كەشە عانا تارازدا ورىن العان وقيعا ءدىني ەكسترەميزم ماسەلەسى ءالى دە اشىق كۇيىندە قالىپ وتىرعانىن كورسەتتى»، - دەلىنگەن الماتىنىڭ ورتالىق مەشىتىنىڭ باس يمامىنىڭ دۇيسەنبى كۇنى مەشىت سايتىندا جاريالانعان مالىمدەمەسىندە.

«وكىنىشكە قاراي، كەيبىر ادامدار قانداي دا ءبىر سەبەپتەرمەن وسى وقيعانى داۋرىقتىرىپ، قمدب-نى ايىپتاۋدى جالعاستىرىپ جاتىر. ءبىز بۇل ماسەلەگە قاتىستى ءوز ۇستانىمىمىزدى لاڭكەستىكتىڭ كەز كەلگەن ءتۇرىن قاتاڭ سىنعا الا وتىرىپ، بىرنەشە رەت بىلدىرگەنىمىزدى ايتقىم كەلەدى»، - دەدى ق. ماحانبەت.

ونىڭ ايتۋىنشا، يسلام، الەمدەگى باسقا دا دىندەر سياقتى، لاڭكەستىك پەن ايىپسىز بەيكۇنا ادامداردى ولتىرۋگە قارسى.

«لاڭكەستىك اكتىلەر كەزىندە ءار ءتۇرلى ءدىن وكىلدەرى قازا بولادى، ونىڭ ىشىندە مۇسىلماندار دا. وسىلايشا، لاڭكەستىك اكتى جاساعان ادام ءوزىن عانا ەمەس، ءدىن جولىنداعى ءوزىنىڭ باۋىرلاستارى مەن قارىنداستارىن دا ولتىرەدى. ال اللا بولسا: «ەگەر دىنگە سەنۋشىنى بىرەۋ ادەيى ولتىرسە، ول ماڭگىگە دوزاققا ءتۇسىپ، اللا وعان كارىن توگىپ، قارعىس اتتىرىپ، وعان ۇلكەن ازاپ كورسەتەدى»، - دەپ تۇسىندىرىلگەن ماتىندە.

استانا. 14 قاراشا. قازتاگ - الماتىنىڭ ورتالىق مەشىتىنىڭ باس يمامى قۇلمۇحاممەد ماحانبەت قازاقستان مۇسىلماندارى ءدىني باسقارماسىنىڭ (قمدب) اتىنان 7 ادامنىڭ ولىمىنە سوقتىرعان تارازدا بولعان لاڭكەستىك وقيعاعا قاتىستى مالىمدەمە جاسادى.

«كەشە عانا تارازدا ورىن العان وقيعا ءدىني ەكسترەميزم ماسەلەسى ءالى دە اشىق كۇيىندە قالىپ وتىرعانىن كورسەتتى»، - دەلىنگەن الماتىنىڭ ورتالىق مەشىتىنىڭ باس يمامىنىڭ دۇيسەنبى كۇنى مەشىت سايتىندا جاريالانعان مالىمدەمەسىندە.

«وكىنىشكە قاراي، كەيبىر ادامدار قانداي دا ءبىر سەبەپتەرمەن وسى وقيعانى داۋرىقتىرىپ، قمدب-نى ايىپتاۋدى جالعاستىرىپ جاتىر. ءبىز بۇل ماسەلەگە قاتىستى ءوز ۇستانىمىمىزدى لاڭكەستىكتىڭ كەز كەلگەن ءتۇرىن قاتاڭ سىنعا الا وتىرىپ، بىرنەشە رەت بىلدىرگەنىمىزدى ايتقىم كەلەدى»، - دەدى ق. ماحانبەت.

ونىڭ ايتۋىنشا، يسلام، الەمدەگى باسقا دا دىندەر سياقتى، لاڭكەستىك پەن ايىپسىز بەيكۇنا ادامداردى ولتىرۋگە قارسى.

«لاڭكەستىك اكتىلەر كەزىندە ءار ءتۇرلى ءدىن وكىلدەرى قازا بولادى، ونىڭ ىشىندە مۇسىلماندار دا. وسىلايشا، لاڭكەستىك اكتى جاساعان ادام ءوزىن عانا ەمەس، ءدىن جولىنداعى ءوزىنىڭ باۋىرلاستارى مەن قارىنداستارىن دا ولتىرەدى. ال اللا بولسا: «ەگەر دىنگە سەنۋشىنى بىرەۋ ادەيى ولتىرسە، ول ماڭگىگە دوزاققا ءتۇسىپ، اللا وعان كارىن توگىپ، قارعىس اتتىرىپ، وعان ۇلكەن ازاپ كورسەتەدى»، - دەپ تۇسىندىرىلگەن ماتىندە.

سونىمەن قاتار ول كەيبىر كومەنتاتورلار تانىمال ۆەب-سايتتاردا «بارلىعىن ساقالدارىن قىرىپ تاستاۋعا»، «ناماز وقۋعا جانە ايەلدەردىڭ مۇسىلمان كيىمىن كيۋىنە تىيىم سالۋعا» شاقىرۋ ارقىلى دىنارالىق توزىمسىزدىكتىڭ ءدانىن سەبۋدە ەكەنىن اتاپ ءوتتى.

ينتەرنەت رەسۋرستاردىڭ مودەراتورلارى وسىناۋ اۋىر ساعاتتاردا ولارعا جۇكتەلەتىن جاۋاپكەرشىلىكتى سەزىنۋى ءتيىس، جانە كومەنتاريلەردى مودەراتسيا جاساعاندا وسىنداي پىكىرلەرگە جەدەل تۇردە شارا قولدانۋىپ وتىرۋى ءتيىس»، - دەپ اتاپ كورسەتتى ول.

ق. ماحانبەت ءدىن وكىلدەرىنىڭ اتىنان قازا بولعانداردىڭ وتباسى مەن تۋعان-تۋىستارىنا شىن نيەتىمەن كوڭىل ايتتى.

«يسلام - بەيبىتشىلىك ءدىنى، وندا لاڭكەستىك پەن ەكسترەميزمگە جول جوق. يسلام ەش كۇناسى جوق بالالاردى جەتىم ەتۋگە، ال ايەلدەرىن جەسىر ەتۋگە شاقىرمايدى. جانە ولار دا مۇسىلماندار ەكەنىن ۇمىتپاعان ءجون»، - دەپ تۇجىرىمدادى ول.