استانا. 14 قاراشا. قازتاگ - ايناگۇل بەكەەۆا. قازاقستاننىڭ سىرتقى ىستەر مينيسترلىگى ء(سىم) 12 قاراشادا تەراكت كەزىندە قازا بولعان پوليتسيا، ۇقك قىزمەتكەرلەرىنىڭ، تاراز تۇرعىندارىنىڭ وتباسىلارىنا كوڭىل ايتادى، دەپ حابارلادى ءسىم رەسمي وكىلى التاي ابيبۋللاەۆ.

«ءبىز تارازدا قىزمەتتىك مىندەتتەرىن جۇزەگە اسىرۋ بارىسىندا ەرلىكپەن قازا تاپقان قۇقىق قورعاۋ ورگاندارى قىزمەتكەرلەرىنىڭ تۋعان-تۋىستارىنىڭ قايعىلارىنا ورتاقتاسىپ، كوڭىل ايتامىز»، - دەدى دۇيسەنبى كۇنى بريفينگتە سىرتقى ساياسات ۆەدومستۆوسىنىڭ رەسمي وكىلى.

«ءبىز بۇل قىلمىستاردى ءۇزىلدى-كەسىلدى سىنعا الىپ، تەرروريزم مەن ەكسترەميزمنىڭ كەز-كەلگەن تۇرلەرىنە قارسىلىق بىلدىرەمىز جانە ايماق (ورتالىق ازيا - قازتاگ) ەلدەرى مەن حالىقارالىق قوعامداستىق وسى قىلمىستاردىڭ كەز-كەلگەن قۇبىلىستارىمەن كۇرەس بويىنشا بىرلەسكەن شارالاردى كۇشەيتۋگە ءتيىس دەپ ەسەپتەيمىز»، - دەدى ءسىم وكىلى.

جۋرناليستەردىڭ سۇراقتارىنا جاۋاپ بەرۋ بارىسىندا ا.ابيبۋللاەۆ قر ءسىم-ىنە بولعان وقيعاعا بايلانىستى ديپلوماتيالىق ارنالار بويىنشا كوڭىل ايتۋ جەدەلحاتتارى كەلمەگەنىن ايتتى.

ونىڭ ايتۋىنشا، قازاقستاننىڭ سىرتقى ساياسات ۆەدومستۆوسى «قىرعىزستاننىڭ قولعا الىپ جاتقان شارالارى» تۋرالى، مەملەكەتتىك شەكارادا شەكارا رەجيمى كۇشەيتىلگەنى تۋرالى باق-تان ءبىلىپ وتىر.

سونىمەن قاتار، ءسىم-دە قىرعىزستاننىڭ ءوز جاعىنان شەكارانى جاباتىنى تۋرالى اقپارات جوق.

استانا. 14 قاراشا. قازتاگ - ايناگۇل بەكەەۆا. قازاقستاننىڭ سىرتقى ىستەر مينيسترلىگى ء(سىم) 12 قاراشادا تەراكت كەزىندە قازا بولعان پوليتسيا، ۇقك قىزمەتكەرلەرىنىڭ، تاراز تۇرعىندارىنىڭ وتباسىلارىنا كوڭىل ايتادى، دەپ حابارلادى ءسىم رەسمي وكىلى التاي ابيبۋللاەۆ.

«ءبىز تارازدا قىزمەتتىك مىندەتتەرىن جۇزەگە اسىرۋ بارىسىندا ەرلىكپەن قازا تاپقان قۇقىق قورعاۋ ورگاندارى قىزمەتكەرلەرىنىڭ تۋعان-تۋىستارىنىڭ قايعىلارىنا ورتاقتاسىپ، كوڭىل ايتامىز»، - دەدى دۇيسەنبى كۇنى بريفينگتە سىرتقى ساياسات ۆەدومستۆوسىنىڭ رەسمي وكىلى.

«ءبىز بۇل قىلمىستاردى ءۇزىلدى-كەسىلدى سىنعا الىپ، تەرروريزم مەن ەكسترەميزمنىڭ كەز-كەلگەن تۇرلەرىنە قارسىلىق بىلدىرەمىز جانە ايماق (ورتالىق ازيا - قازتاگ) ەلدەرى مەن حالىقارالىق قوعامداستىق وسى قىلمىستاردىڭ كەز-كەلگەن قۇبىلىستارىمەن كۇرەس بويىنشا بىرلەسكەن شارالاردى كۇشەيتۋگە ءتيىس دەپ ەسەپتەيمىز»، - دەدى ءسىم وكىلى.

جۋرناليستەردىڭ سۇراقتارىنا جاۋاپ بەرۋ بارىسىندا ا.ابيبۋللاەۆ قر ءسىم-ىنە بولعان وقيعاعا بايلانىستى ديپلوماتيالىق ارنالار بويىنشا كوڭىل ايتۋ جەدەلحاتتارى كەلمەگەنىن ايتتى.

ونىڭ ايتۋىنشا، قازاقستاننىڭ سىرتقى ساياسات ۆەدومستۆوسى «قىرعىزستاننىڭ قولعا الىپ جاتقان شارالارى» تۋرالى، مەملەكەتتىك شەكارادا شەكارا رەجيمى كۇشەيتىلگەنى تۋرالى باق-تان ءبىلىپ وتىر.

سونىمەن قاتار، ءسىم-دە قىرعىزستاننىڭ ءوز جاعىنان شەكارانى جاباتىنى تۋرالى اقپارات جوق.

مۇنىڭ الدىندا حابارلانعانداي، سەنبى كۇنى تارازدا قىلمىسكەردى زالالسىزداندىرۋ كەزىندە 7 ادام قازا بولدى. ونىڭ ىشىندە 3 پوليتسيا مەن ۇقك-ءنىڭ 2 قىزمەتكەرى بار.

سەنبى كۇنى تاڭەرتەڭ، باس پروكۋراتۋرانىڭ مالىمەتتەرىنشە، جيحادشىلاردى قولدايتىن 34 جاسار ماقسات قاريەۆ تارازدا بىرقاتار اۋىر قىلمىس جاسادى.

اتاپ ايتقاندا، ول ونى سىرتىنان باقىلاپ جۇرگەن جامبىل وبلىسى بويىنشا ۇقك-ءسىنىڭ ەكى قىزمەتكەرىن ءولتىرىپ، ساعات 11 شاماسىندا جەرگىلىكتى تۇرعىننىڭ Mazda-626 اۆتوكولىگىن تارتىپ الىپ، 11:35-تە قارۋ-جاراق دۇكەنىنىڭ ساتۋشىسى مەن دۇكەندەگى كەزدەيسوق ادامدى ءولتىرىپ، دۇكەنىن توناپ، جارتىلاي اۆتوماتتى «سايگا» جانە «CZ» مىلتىقتارىن وقتارىمەن الىپ كەتكەن.

ودان سوڭ قىلمىسكەر تاعى ءبىر ۆاز-21099 اۆتوكولىگىن تارتىپ الىپ، سوڭىنا تۇسكەن ارنايى كۇزەت قىزمەتىنىڭ ەكى قىزمەتكەرى - پوليتسيا سەرجانتى پ. ايامقۇلوۆ پەن ج. بايسەيتوۆتى اتىپ ءولتىرىپ،  ولاردىڭ تابەلدىك قارۋلارى - كالاشنيكوۆ اۆتوماتى مەن ماكاروۆ تاپانشاسىن العان.

ودان باسقا، ول رپگ-26 گراناتاتقىشپەن جانە اۆتوماتپەن وبلىستىق ۇقكد عيماراتىن اتقىلاپ، وقيعا ورنىنان جاسىرىنۋ بارىسىندا 12:45 شاماسىندا ەكى اتتى پوليتسەيدى جاراقاتتاعان.

قىلمىسكەر ءوزىن جارىپ جىبەرگەن ساعات 13 شاماسىندا ءىىد جول پوليتسياسىنىڭ جەكە باتالون ۆزۆودىنىڭ كومانديرى پوليتسيا كاپيتانى ع. بايتاسوۆ قازا بولدى.

قىلمىسكەرمەن اتىس كەزىندە جاراقات العانداردىڭ اراسىندا پوليتسيا سەرجانتى س. الاشەۆ تا بار.

قر قك 96 بابىنىڭ 2 ءبولىمى (ەكى جانە ودان كوپ ادامدى ءولتىرۋ) جانە 233-ءشى بابى (تەرروريزم) بويىنشا قوزعالعان قىلمىستىق ءىستى تەرگەۋمەن تارازدا ورنالاسقان ارنايى قۇرىلعان قر ىشكى ىستەر ءمينيسترى قالمۇحانبەت قاسىموۆتىڭ جەتەكشىلىگىندەگى ۆەدومستۆوارالىق وپەراتيۆتى-تەرگەۋ توبى اينالىسۋدا.