بۇركىتباي اياعان دوس جىگىت… الايدا مەنىڭ جازعاندارىمدى وقۋعا ۋاقىتى جوق… نەگە دەسەم؟ تىم ۇزاق دەيدى… سوندىقتان قىسقا جازدىم… افوريزم دەۋگە اۋزىم بارمايدى…

1. تالاپ پەن جىگەر بولسا، شىناشاقتاي ادام دا شىڭعا شىعادى.

2. ءتۇس كورگەندە ساعىنىپ وياناتىن ادام بارى قانداي عانيبەت.

3. قوعامي ماسەلەلەر الدىڭعى قاتارعا شىققاندا ادامي قاسيەتتەر: سۇلۋلىققا سۇقتانۋ، اۋەنگە ەلىتۋ، ىڭكارلىك، جاقسى كورۋ، ساعىنىش، ۆاگونداعى تەرەزەدەن الىسقا كوز سالىپ ارمانداۋ دەگەن ۇعىمدار ەكىنشى پلانعا جىلجيدى..

4. ءبىزدىڭ قوعامدا پارتيانى سىناۋعا، مىنەۋگە بولمايدى. ورىسشا ايتقاندا “تابۋ”. ول دۇرىس ەمەس. پارتيا دا ءتىرى ورگانيزم. ونىڭ دا قاتەلىگىن ايتۋ كەرەك. وسەمىز دەسەك…

5. «انشەيىندەگى جايشىلىقتا ەمەس – قيىن-قىستاۋ قينالعاندا ادامگەرشىلىكتى جوعالتپاۋ ازاماتقا عانا ءتان.

6. بۇرىن سىناقتاردان قورقۋشى ەم.. قازىر «سىماقتاردان» قورقاتىن بولدىم… اقىنسىماق، اكىمسىماق…ت.ت…

7. قۇدايعا تابىنۋدان دا كوسەمگە تابىنۋ قيىن.

8. جالعان ۇران دا ءجا...تىقتىڭ ءبىر ءتۇرى.

9. ۇلتقا قىزمەت ەتۋ- بالاڭدى تاربيەلەۋدەن باستالادى..

10. اقىل ايتۋ- اقىلدىلىقتىڭ بەلگىسى ەمەس…

11. بىرەۋلەردىڭ باسى بار دا- كوزى جوق.
بىرەۋلەردىڭ ءتىلى بار دا – ءسوزى جوق…
اسان قايگى جەر ۇيىعىن تاپپادى ….
ال شىندىقتىڭ اتى بار دا – ءوزى جوق…

12. وتانعا دەگەن ماحابباتتى ايقايلاپ ايتپايدى..

13. ءتانىڭدى جالاڭاشتاۋ كەز-كەلگەننىڭ قولىنان كەلەتىن شارۋا. Aل جانىڭدى جالاڭاشتاۋ ول ازاپ، ول قورقىنىش، ول تومەنگە تۇسەر ساتىداي تار جول تايعاق كەشۋ… بۇل كەز كەلگەننىڭ قولىنان كەلە بەرمەيدى… بۇل Aقىننىڭ تاعدىرى..

14. قۇدايعا قۇلشىلىق ەتكەننىڭ ءبارى ادال ەمەس…

15. رەجيسسەر تەك قانا اكتەرلاردىڭ عانا ۇستازى ەمەس، ول كورەرمەننىڭ دە ۇستازى…

16. دەپۋتات بولۋ- دانىشپاندىقتىڭ بەلگىسى ەمەس…

17. انا ءتىلىڭدى قۇرمەتتەۋ، قازاق بولىپ تۋعانىڭا ماقتانۋ، جانە قازاقتىڭ كەز-كەلگەن جەرىن مەنىڭ وتانىم دەپ سەزىنۋ- بۇل پاتريوتيزم!!

18. ءۇش نارسەگە قورقام: ەلۋ جىلدان سوڭ قازىرگى  قازاق ءتىلى ءدال قازىرگىدەي بولا ما، بولماي ما دەپ قورقام، ەكىنشى ەلۋ جىلدان كەيىن قازىرگى قازاق جەرى ءدال وسى قالپىندا قالا ما، جوق قالماي ما دەپ قورقام ءۇشىنشى الەۋمەتتىك جاعداي قيىنداي بەرسە قاسكۇنەمدەردىڭ كەسىرىنەن حالىق كوشەگە شىعىپ ناقاقتان قان توگىلە مە دەپ قورقام

19. انا ءتىلىڭدى ساقتاۋ الدىمەن ەر ازاماتتارعا بايلانىستى، ال ۇلتىڭدى ساقتاۋ الدىمەن قىز-كەلىنشەكتەرگە ياعني ايەلدەرگە بايلانىستى

20. پاتريوتيزم – ۇلتتىق ارنانى كورۋدەن باستالادى

21. ءۇش شىدامسىزدىق: ورازا كەزىندە اۋىز اشارعا 15 مين كالعاندا شىدامسىزبىن،  الىس ساپاردان كەلگەندە اەروپورتتان ۇيگە جەتكەنشە شىدامسىزبىن، مەن شىعارمامدى قارىنداشپەن جازام… سونى كومپيۋتەرگە تەرگەنشە شىدامسىزبىن.

22. ءۇش قينالىس: قازاقتىڭ  جاپ-جاس قىز-جىگىتتەرىنىڭ وزگە تىلدە سويلەپ، انا ءتىلىن بىلمەگەنىنە قينالام، ەڭگەزەردەي 4-5 پوليتسەيلەردىڭ شىرىلداتىپ ايەل مەن كەمپىر شالدى اۆتوزاكقا تىققانىنا قينالام، قازاقتىڭ بار بايلىعى شيكىزات بوپ شەت ەل اسىپ، ءوزىمىزدىڭ وڭدەيتىن زاۆود-فابريكانىڭ جوقتىعىنا قينالام.

23. ءۇش ماقتانىش:  قازاق بولىپ تۋعانىما ماقتانام، بالالارىمدى ازامات ەتىپ وسىرگەنىمە ماقتانام، قانداي قيىن كەزدە دە مەن ونەرىمدى، ونەر مەنى ساتپاعانىنا ماقتانام.

24. ءۇش وكىنىش- موسكۆادا قالماعانىما، «موسفيلمنەن” كەتكەنىمە وكىنەم. بۇرىن: ساناسىز عۇمىرىمنىڭ سانالى ۋاقىتتارىن كورىنگەن شەنەۋنىكتىڭ كابىلداۋ بولمەسىندە وتكىزگەنىمە، قازىر ساناۋلى عۇمىرىمنىڭ ساناسىز ۋاقىتىن سمارتفوندا وتكىزەتىنىمە وكىنەم

25. دەپۋتات كوپ – دۋالى اۋىز جوق.

26. جۇلدىز كوپ – جىلۋى جوق، ميسستەر كوپ- سۇلۋى جوق…

27. اۋىل بار اناسى جوق، عالىم بار، داناسى جوق…

28. قازىر اقشاعا ساتىپ الۋعا كەلمەيتىن از-اق نارسە قالدى: ول اقىل، ياعني وي، سونان كەيىن بوي… جانە قۇداي بەرگەن دارىن…

29. ارتيست بار- بويى قىسقا… بويىنان ويى قىسقا… «قايرات» بار- قايراتى جوق، ۇران بار –  ويراتى جوق…

30. دارىگەر كوپ ەمشى از، مۇعالىم كوپ ۇستاز از. توبىر بار تۇلعا جوق. قۇلاق بار- قۇلعا جوق.

31. باياعىدا مەنىڭ ءبىر تانىس اكتەر جولداسىم رەجيسسەرعا كەلىپ ايتادى ەكەن..: ديكتسيا بار، داۋىس بار، ءبىلىم بار، جەلانيە بار ال رول جوك » دەپ.. سول ايتقانداي ورازا جۇماعا كەلدى، ءبارىمىز ءۇي قاماقتا وتىرمىز، دۇنيە كارانتيندە، جەر-جەردە دەزينفەكتسيا، تەك انا پالە كوروناۆيرۋس كەتەر ەمەس.

32. ءوزىم ءۇي قاماقتا، ال كوڭىل كوسموستا…

33. ماسسوۆكا تەك ساحناعا جاراسقان، ال ومىردەگى ماسسوۆكا تۇپتەپ كەلسەڭ كاسسوۆكا…

34. ۇياتىن جوعالتقان ەلدىڭ ەسىگىن ەكى يت كۇزەتەدى: تەندەر يت پەن گەندەر يت.

35. دۇنيەدەگى قيىن نارسە – بىرەۋدىڭ ءسوزىن سويلەپ سويىلىن سويام دەپ- ءوزىنىڭ قىسىلاتىنى…

36. بىردە-ءبىر ادام قالىس قالماي، قارسى شىقپاي قابىلدانعان كارارعا مەن سەنىمسىزدىكپەن قارايمىن…

37. ەشكىمگە وكپەلەمەي، بىرەۋدى رەنجىتپەسەڭ بۇل دا ادامدىق كىتابىڭنىڭ ءبىر ءساتتى بەتى.

1.   «سدەلانو ۆ كازاحستانە» – دولجنو وزناچات نە تولكو كاچەستۆو توۆارا، نو ي ۆىسوكۋيۋ ماركۋ ينتەللەكتۋالنىح سوزيداني، تالانت تۆورچەستۆا.

2.  ارتيست بەز زۆاني، بەز دەنەگ ەتو ي ەست نارودنىي ارتيست.

3. دولجنوست نە دوپولنياەت ۋما، رازۆە چتو كوشەلەك…

4. پروۆينتسيالنايا كۋلتۋرا بولەە حرۋپكايا.

5. يا بەسسيلەن پەرەد ترەميا مومەنتامي: كوگدا پلاچەت  ملادەنەتس، كوگدا ۋلىباەتسيا كراسيۆايا دەۆۋشكا ي كوگدا يا سلىشۋ مۋدرىە سلوۆا.

6. دوروگا ك ترونۋ سلاۆى ناچيناەتسيا س تروپينكي چەلوۆەكوليۋبيەم.

تالعات تەمەنوۆ

Abai.kz