«اق جول» دەموكراتيالىق پارتياسى قازاق رەسپۋبليكاسىنىڭ (1920-2020 جج) 100 جىلدىعىنا وراي «ءار قازاق مەنىڭ - جالعىزىم» اتتى فوتوكونكۋرس جاريالايدى 

بايقاۋدىڭ نەگىزگى ماقساتى - پورترەتتىك، تاقىرىپتىق جانە باسقا دا سۋرەتتەر ارقىلى تاۋەلسىز قازاقستاننىڭ قالىپتاسۋىنا ۇلەس قوسقان قازاقستاندىقتاردىڭ بەينەسىن اشۋ، الاش ۇستانىمدارىن ناسيحاتتاۋ. 

بايقاۋعا جاس ەرەكشەلىگىنە، ماماندىعىنا قاراماستان، قازاقستان رەسپۋبليكاسى ازاماتى بولىپ تابىلاتىن بارلىق ازاماتتار قاتىسا الادى.

بايقاۋ 2 كەزەڭنەن تۇرادى: 

1 كەزەڭدە جۇمىس «اق جول» پارتياسىنىڭ سايتىندا اشىق داۋىس بەرۋ ارقىلى تاڭدالادى. داۋىس بەرۋ https://akzhol.kz/فوتوكونكۋرس-2/  سىلتەمەسىندە جۇرگىزىلەدى.

2 كەزەڭدە ەڭ كوپ داۋىس جيناعان جۇمىستار تاۋەلسىز كاسىبي فوتوگرافتار-ساراپشىلاردان قۇرىلعان كوميسسيا قاراۋىنان وتەدى. بايقاۋ كوميسسياسىنىڭ شەشىمى شەشۋشى شەشىم بولىپ تابىلادى. كوميسسيا فوتوكورمەنىڭ ەكسپوزيتسياسىنا كونكۋرستىق جۇمىستاردى ەنگىزۋگە قۇقىلى.

بايقاۋ تالاپتارى: 

جۇمىستار 2020 جىلدىڭ 20 قىركۇيەككە دەيىن https://akzhol.kz/بايقاۋ/تىركەۋ  سىلتەمەسىنە تىركەلۋ ارقىلى قابىلدانادى. 

تىركەلۋ بارىسىندا ءاربىر جۇمىستا اۆتور تۋرالى دەرەكتەر اتى-ءجونى جانە جۇمىستارىنىڭ اتاۋلارى تولىققاندى تۇردە كورسەتىلۋى ءتيىس.

فوتوسۋرەتتەر JPG/JPEG فورماتتارىندا بولۋى جانە ءاربىر سۋرەتتىڭ كولەمى 5 مb-تان اسپاۋى كەرەك جانە فوتوسۋرەتتەردىڭ فايلدىق اتاۋى «فاميلياسى جانە رەتتىك ءنومىرى» فورماتىندا ساقتاپ تىركەلۋى ءتيىس. مىسالى: «نۋرلانوۆ1.jpg»، «نۋرلانوۆ2.jpg»، «نۋرلانوۆ3.jpg» جانە ت.ب.

قاتىسۋشى بايقاۋعا ءوز سۋرەتىن جىبەرە وتىرىپ، فوتونىڭ اۆتورى ءوزى ەكەندىگىنە جانە ول ەشكىمنىڭ اۆتورلىق قۇقىعىن بۇزبايتىندىعىنا، سونداي-اق سۋرەت بۇرىن ەشقانداي فوتوبايقاۋعا ۇسىنىلماعاندىعىنا جانە ەشقانداي باسىلىمدا/ينتەرنەت-رەسۋرستا جاريالانباعانىنا كەپىلدىك بەرەدى.

فوتوبايقاۋعا قاتىسۋشىلار اۆتورلىق جانە ساباقتاس قۇقىقتاردىڭ ساقتالۋى بويىنشا جاۋاپكەرشىلىكتى ءوز موينىنا الادى. بايقاۋعا قاتىسۋشىنىڭ سۋرەتتەرىنە قاتىستى ءۇشىنشى تاراپتان قاندايدا ءبىر شاعىم تۇسكەن جاعدايدا قاتىسۋشى ماسەلەنى ءوز مۇمكىندىكتەرىنە سۇيەنىپ، ءتيىستى شىعىندارىن ءوز ەسەبىنەن جابۋ ارقىلى شەشۋگە مىندەتتەلەدى.

قاتىسۋشى بايقاۋعا ءوز سۋرەتىن جىبەرە وتىرىپ، ۇيىمداستىرۋشىلارعا بولاشاقتا ءوز فوتولارىن ەلەكتروندى جانە باسپالى باق قۇرالدارىندا، ۇيىمداستىرۋشىنىڭ سايتى (https://akzhol.kz/) مەن الەۋمەتتىك جەلىلەردەگى رەسمي پاراقشالارىندا اۆتورلىق قالاماقىسىز جانە كوممەرتسيالىق ەمەس ماقساتتا شەكتەۋسىز كولەمدە پايدالانۋعا كەلىسىم بەرەدى. ۇيىمداستىرۋشىلار فوتوبايقاۋعا قاتىسۋشىنىڭ سۋرەتىن ءاربىر قولدانعان كەزدە اۆتوردىڭ اتى-ءجونىن ءتيىستى تالاپتارعا سايكەس كورسەتەتىن بولادى. 

بايقاۋعا جىبەرىلگەن سۋرەتتەر فوتو بايقاۋدىڭ تاقىرىبىنا ساي كەلمەسە، سۋرەتتىڭ شىعارماشىلىق جانە تەحنيكالىق ساپاسى وتە تومەن دەڭگەيدە بولسا، فوتو ەروتيكالىق مازمۇندا بولسا، سونداي-اق سۋرەتتەردە زورلىق-زومبىلىققا، ناسىلدىك جانە ءدىني توزبەۋشىلىككە شاقىرۋ بەلگىلەرى كورىنىس تاپسا، ءانونيمدى (اۆتور تۋرالى ناقتى ءارى شىنايى اق­پارات بەرىلمەسە) بولسا فوتوبايقاۋعا قاتىستىرىلمايدى.

بايقاۋعا ۇيالى تەلەفونعا تۇسىرىلگەن سۋرەتتەر رۇقسات ەتىلەدى.

سۋرەتتەر اۆتوردىڭ الەۋمەتتىك جەلىسىندە #aqjol_photobaiqau حەشتەگى بويىنشا جانە @akzhol_partiyasy (Instagram الەۋمەتتىك جەلىسى) جانە «اق جول» پارتياسى (Facebook الەۋمەتتىك جەلىسى) اككاۋنتتارىنا ورنالاستىرىلۋى كەرەك.

ۇيىمداستىرۋشى كورسەتىلگەن تالاپتارعا سايكەس كەلمەيتىن جۇمىستاردى بايقاۋعا جىبەرمەۋگە قۇقىلى.

فوتوكونكۋرستىڭ قورىتىندىسى بويىنشا ديپلومدار مەن كەلەسى اقشالاي سىيلىقتار بەرىلەدى:

1-ورىنعا 500 000 تەڭگە;

2-ورىنعا 300 000 تەڭگە;

3-ورىنعا 200 000 تەڭگە.

فوتوكونكۋرستىڭ ناتيجەلەرى 2020 جىلدىڭ 1 قازانىندا جاريالانىپ، «اق جول» پارتياسىنىڭ رەسمي سايتىندا جانە facebook, instagram الەۋمەتتىك جەلىلەرىندە جارىق كورەدى. 

بايقاۋعا قاتىسۋشىلار ارنايى فوتوكورمەگە قاتىسادى.

جۇلدەلى ورىندارعا يە بولعان جۇمىستار رەسپۋبليكالىق «قازاق ءۇنى» گازەتىندە جاريالانادى.

Abai.kz