ەلدىڭ بۇرىنعى باسشىسى المازبەك اتامباەۆتىڭ ادۆوكاتى زامير جووشەۆتىڭ حابارلاۋىنشا، مەملەكەتتىك ايىپتاۋشى ەكس-پرەزيدەنتكە 15 جىل تۇرمە جازاسىن سۇراعان. مۇنان بولەك بارلىق مەملەكەتتىك ماراپاتتاۋدان ايىرىپ، دۇنيە-مۇلكىن تاركىلەۋدى سۇراعان.

ادۆوكاتتىڭ سوزىنشە، سوت ۇكىمى 18 ماۋسىمدا جاريالانباق.

باتۋكاەۆتى زاڭسىز بوساتتى دەگەن ءىس بويىنشا 19 ادام جاۋاپ بەرىپ جاتىر. ونىڭ ىشىندە 4 باستى كۇدىكتى بار، سولاردىڭ ءبىرى - المازبەك اتامباەۆ.

قىلمىس الەمىنىڭ بەلسەندىسى ازيز باتۋكاەۆ 2013 جىلى نارىن تۇرمەسىنەن دارىگەرلەردىڭ قاتەرلى ىسىك اۋرۋىمەن اۋىرادى دەگەن انىقتاماسى بويىنشا مەرزىمىنەن بۇرىن بوستاندىققا شىققان. سول كۇنى ول گروزنىي (شەشەنستان، رەسەي) قالاسىنا ۇشىپ كەتكەن.

2019 جىلى ەلدىڭ ىشكى ىستەر مينيسترلىگى بۇل وقيعا بويىنشا قىلمىستىق ءىس قوزعاپ، تەرگەۋ جۇمىسىن باستاعان. باستى ايىپتالۋشىلار - ەلدىڭ بۇرىنعى پرەزيدەنتى المازبەك اتامباەۆ. بۇرىنعى باس پروكۋرور ينديرا جولدۋباەۆا، جازالاردى اتقارۋ مەملەكەتتىك قىزمەتى توراعاسىنىڭ بۇرىنعى كەڭەسشىسى كالىبەك كاچكىناليەۆ پەن گەماتولوگيا ورتالىعىنىڭ بۇرىنعى ديرەكتورى ابدۋحاليم رايمجانوۆ.

Abai.kz