"سولتۇستىك كورەيا كەسونداعى بايلانىس بولىمشەسىن 14.49 كەزىندە جارىپ جىبەردى" دەدى ەكى كورەيانىڭ قارىم-قاتىناسىمەن اينالىساتىن مينيسترلىكتىڭ وكىلى جۋرناليستەرگە.
وڭتۇستىك كورەيالىق Yonhap news اقپارات اگەنتتىگى كەسون قالاسى جاقتان قويۋ ءتۇتىن كورىنگەنىن حابارلادى.
16 ماۋسىم تاڭەرتەڭ سولتۇستىك كورەيا اسكەري باسشىلارى وڭتۇستىككە قارسى شارالار باستاۋعا دايىن ەكەنىن، ەكى كورەيا اراسىنداعى كەلىسىممەن "بەيبىتشىلىك ايماعى" دەپ جاريالانعان جەرلەرگە قايتا كىرەتىنىن ايتقان.
سولتۇستىك كورەيا ليدەرى كيم چەن ىننىڭ قارىنداسى، ەلدەگى ىقپالدى ادامداردىڭ ءبىرى كيم ە چجون "جاقىندا وڭتۇستىك پەن سولتۇستىكتىڭ بايلانىسى ءۇشڭن اشىلعان پايداسىز بولىمشەنىڭ قايعىلى ساتىنە كۋا بولاسىزدار" دەگەن.
كورەيا سوعىسى (1950-53) اياقتالعان سوڭ قوس كورەيا شەكاراسىنداعى پحانمۋندجوم ايماعىندا اسكەرسىز ايماق اشىلعان ەدى.
وتكەن اپتادا پحەنيان سەۋلمەن بايلانىس كانالدارىن ۇزگەن.
وڭتۇستىك كورەيا بەلسەندىلەرى سولتۇستىككە اۋە شارى ارقىلى پحەنيان مەن كيم چەن ىننىڭ ساياساتىن سىناعان پاراقشا شاشقاننان كەيىن ەكى ەلدىڭ اراسى سۋىپ كەتتى.
Abai.kz
