اۋىت مۇقيبەك. قايراندا، قايران تۇماعام
ءتۇن ورتاسى بولعاندا،
شارشايسىڭ عوي جولدان دا.
قۋاناتىن تۇماعام،
مەن ۇيىنە قونعاندا.
قىسقا تاڭدا بەس تۇرىپ،
جازاتۇعىن بەس ولەڭ.
جارىق ايىم كەشتى بۇلت،
تار ەكەن-اۋ بەشەنەم.
وقيتۇعىن گۇرىلدەپ،
كۇلتايىنا، ماعان دا.
ءجۇر دەدى مە ءبىر ءۇن كەپ،
ءبىر جاقتارعا تاباندا.
جىر دەيتۇعىن قۇسقا باي،
جازى-قىسى ءۇيى ونىڭ.
سارى تاڭعا ۇيىقتاماي،
كۇزەتىم مەن سۇيەگىن.
قويدى جولدى تۇيىقتاپ،
جاراتقاندا كەم اياۋ.
اعام جاتتى «ۇيىقتاپ»،
تاڭعا وتىردىم مەن وياۋ.
جىر جازۋعا ءبىر دە رەت،
اعام بۇگىن تۇرعان جوق
ولەتىنىن بىلگەندە،
كەتەر ەدىم قۇربان بوپ.
ءجۇرۋشى ەدى بالپاڭداپ،
يىلمەستەن بەلى ونىڭ.
كۇتىپ تۇرمىن جاۋتاڭداپ.
وقىمايدى ولەڭىن.
سۋىپ قاپتى قانى ىستىق،
كەتكەنى مە جىراقتاپ.
قالام جاتىر تالىقسىپ،
قاعازدارى تۇر اپپاق.
تاستاپ ارتقا جاقسى ايىن،
ۇشتى الىسقا قۇس كولبەپ.
جارىنىڭ دا اق شايىن،
قۇشىرلانىپ ىشكەن جوق.
جوق ەدى ىستەن كەشىككەن،
سويلەمەيتىن كوپىرىپ.
ەسەسىنە ەل ەسىكتەن،
كىرىپ جاتتى وكىرىپ.
سۋماڭ قاعىپ دالادان،
اجال قۇرعىر جەتكەن-اۋ.
ويانبادى جان اعام،
ءتۇن ورتاسى بولعاندا،
شارشايسىڭ عوي جولدان دا.
قۋاناتىن تۇماعام،
مەن ۇيىنە قونعاندا.
قىسقا تاڭدا بەس تۇرىپ،
جازاتۇعىن بەس ولەڭ.
جارىق ايىم كەشتى بۇلت،
تار ەكەن-اۋ بەشەنەم.
وقيتۇعىن گۇرىلدەپ،
كۇلتايىنا، ماعان دا.
ءجۇر دەدى مە ءبىر ءۇن كەپ،
ءبىر جاقتارعا تاباندا.
جىر دەيتۇعىن قۇسقا باي،
جازى-قىسى ءۇيى ونىڭ.
سارى تاڭعا ۇيىقتاماي،
كۇزەتىم مەن سۇيەگىن.
قويدى جولدى تۇيىقتاپ،
جاراتقاندا كەم اياۋ.
اعام جاتتى «ۇيىقتاپ»،
تاڭعا وتىردىم مەن وياۋ.
جىر جازۋعا ءبىر دە رەت،
اعام بۇگىن تۇرعان جوق
ولەتىنىن بىلگەندە،
كەتەر ەدىم قۇربان بوپ.
ءجۇرۋشى ەدى بالپاڭداپ،
يىلمەستەن بەلى ونىڭ.
كۇتىپ تۇرمىن جاۋتاڭداپ.
وقىمايدى ولەڭىن.
سۋىپ قاپتى قانى ىستىق،
كەتكەنى مە جىراقتاپ.
قالام جاتىر تالىقسىپ،
قاعازدارى تۇر اپپاق.
تاستاپ ارتقا جاقسى ايىن،
ۇشتى الىسقا قۇس كولبەپ.
جارىنىڭ دا اق شايىن،
قۇشىرلانىپ ىشكەن جوق.
جوق ەدى ىستەن كەشىككەن،
سويلەمەيتىن كوپىرىپ.
ەسەسىنە ەل ەسىكتەن،
كىرىپ جاتتى وكىرىپ.
سۋماڭ قاعىپ دالادان،
اجال قۇرعىر جەتكەن-اۋ.
ويانبادى جان اعام،
ماڭگى ۇيقىعا كەتكەن-اۋ.
13.10.2011
سۋرەت
ءجۇرسىن ەرمانعا
تىرلىكتىڭ الدى - اقيقات، ارتى - جالعان،
بولار دەپ كىم ويلاعان حالقىنا ارمان.
قاسىندا تۇماعامنىڭ وتىرعاندا،
سۋرەتكە ەكەۋىڭدى تارىپ العام.
اعا امان بولسىن دەگەن تىلەكتە ەدىك،
مىناۋ سول تاۋ تۇلعادان ءبىر ەستەلىك.
سوڭىندا بوتاداي بوپ بوزداپ قالعان،
جۇرسەكە، ءىنىڭىزدى ءجۇر ەسكەرىپ.
ورتايىپ قالدى بىردەن تولا باعىم،
تىلەيمىن ەندى جۇرەر جول امانىن.
ءماز بولىپ قۋانۋشى ەم ەركەلەگەن،
قاسىنان كورىپ سەنى سول اعانىڭ.
اعارتقان جىر جولىندا قارا شاشىن،
اعاممەن ءار كىمىڭ-اق ساناساتىن.
دىزەسى بۇكىل ەلدىڭ دىرىلدەيتىن،
ءازىلىڭ سەنىڭ عانا جاراساتىن.
كورسەتىپ كوڭىلىڭنىڭ قىرىندىسىن،
ارنادىڭ جۇرەكجاردى جىرىڭدى شىن.
مىڭگىزىپ اق تۇلپاردى ايگىلەپ ەڭ،
اعانى اسپەتتەۋدىڭ ءبىر ۇلگىسىن.
تۇماعا - بۇگىن مەنىڭ ساعىم قۇسىم،
جامىلدى ول اقىرەتتىڭ جامىلعىسىن.
سەن ماعان كورسەتىپ ەڭ، ءجۇرسىن اعا،
ءىنى بوپ ەركەلەۋدىڭ تاعى ۇلگىسىن.
اتى ءولىپ، قالعاندايمىن ەرىم بەلدە،
توككەن ءبىر ءتۇرى عوي بۇل شەرىن كەۋدە.
اعام جوق الدىمداعى كەشە جۇرگەن،
قارايمىن جاۋتاڭ-جاۋتاڭ كورىنگەنگە.
جان اعا، جۇرەگىمنىڭ جارسىن ۇق،
دەنەمدى قاريدى كەپ قارا سۋىق.
كەشەگى دۋمان قايدا، كارتا قايدا،
وتىرمىن ۇيگە سيماي ءالاسۇرىپ.
مىنا كۇن بۇلىتتانباي تۇرسا ءدۇرىس،
جاسايسىڭ ەلىڭ ءۇشىن شىرقاپ ءىرى ءىس.
قوسادى سىزبەن ءبىزدى ءبىر ارنادا،
اعاما دەگەن ىستىق ءبىر ساعىنىش.
باسىندا باعى باردا پەندە سەمىز،
ەجەلدەن مۇڭ مەن قايعى جەرلەس، ەگىز.
ويلاساق تۇماعانى ءسىز ەكەۋمىز،
ساعىنىش دەگەن بەلدەن كەزدەسەمىز.
اعا امان بولسىن دەگەن تىلەكتە ەدىك،
بۇل سۋرەت تۇماعاڭنان ءبىر ەستەلىك.
سوڭىندا بوتاداي بوپ بوزداپ قالعان،
جۇرسەكە، ءىنىڭىزدى ءجۇر ەسكەرىپ.
13.10.2011
***
گۇلبايانعا
جاعالاپ ءجۇرىپ الدىم جار باسىن كوپ،
اعامنىڭ بال تاتىعان الماسىن جەپ.
اپەرگەن سەنى ءوزى تاڭداپ تۇرىپ،
اۋىتىم جالعىزسىراپ قالماسىن دەپ.
جىلىكتەپ جىلقى سويدى مۇشەلەرىن،
سالدى اكەپ ۇلكەن مەنەن كىشى ونەرىن.
ءوزى اشىپ شىمىلدىعىن سول تويىمنىڭ،
ءبىر ەمەس، وقىپ ەدى ءۇش ولەڭىن.
وتىردى توردە قۇدا سىباعا جەپ،
ساقتادى جيىلعان جۇرت بىراق ادەپ.
باستادى ەل ايتار اپپاق تىلەكتەرىن،
كەلىنىڭ قۇتتى بولسىن، تۇماعا دەپ.
قۇشاعىڭ تولدى گۇلگە، تولدى ارمانعا،
تىلەگەن تىلەگىڭدى وڭعاردى اللا.
ويلاشى، ارتىق ارمان قايدان بولسىن،
كەلىنى تۇمانبايدىڭ بولعان جاندا.
جۇلدىزعا تولىپ كەتتى ءبىر-اق اسپان،
تۇسەدى مۇنداي شاقتا كىم اق اتتان.
سەن كەتتىڭ كەلىنى بوپ تۇماعانىڭ،
ءوز اكەڭ كىم ەدى دەپ سۇراماستان.
تۇردى-اۋ ءبىر قۋانىشتان جىلاپ اسپان،
تاپتىڭ با ءۇيىرىڭدى مىنا جاقتان.
كۇلتايدىڭ كەلىنى باپ شىعا كەلدىڭ،
ءوز اناڭ كىم ەدى دەپ سۇراماستان.
جوق مەندە باياعىداي سامعاۋ بۇگىن،
اۋىرلاپ ارقامداعى قالدى-اۋ جۇگىم.
اپامنىڭ مۇراسى دەپ جۇزگە كەلگەن،
باسىڭا جاپتى تاتەم اق جاۋلىعىن...
سول كۇندەر وتە شىقتى كورگەن تۇستەي،
ءجۇرۋشى ەك الشاڭ باسىپ، وردەن تۇسپەي.
گۇلدەرگە قىزىل، جاسىل ورانسا دا،
كوڭلىمدى تۇرعانىن-اي جەر كونشىتپەي.
اڭعارتتى اعام ەندى جولىقپاسىن،
كەۋدەمدە كۇرسىنۋدەن سولىق باسىم.
مەن دەگەن تۇماعانىڭ كەلىنى دەپ،
ايتۋعا بار، ارينە، تولىق حاقىڭ.
مەن ءۇشىن قازاق جەرى جاناتىمداي،
تارتادى مۇڭلى كۇيدى دالا تىنباي.
اسىقتىم ءبىر جاقتارعا جالعىز بارسام،
ءبىر ءتۇرلى اعام ىزدەپ قالاتىناي.
سان ويلار ساپىرىلدى سانادا كوپ،
اق ساعىم ويناقتايدى قارا، الا بوپ.
شاقىرسا زىر جۇگىردىم ادىمداپ-اق،
اعاشىم كۇتىپ مەنى قالا ما دەپ.
جۇمسادى جىرىنا ول العىر ميىن،
كوڭلىندە بولعان ەمەس جاڭبىر، قۇيىن.
وتىرسا ەڭ الدىڭعى قاتارعا كەپ،
وتىردىم باعىپ ارتتا بار قيمىلىن...
سوڭعى ون جىل بولدى ماعان ىرعىن ساۋىق،
مەن ودان بەرە المايمىن ءبىر ءمىن تاۋىپ.
ارالاپ قازاقستان بار قالاسىن،
قاسىندا جان اعامنىڭ ءجۇردىم شاۋىپ.
مەن ەدىم، ارداقتى اعا، شابارمانىڭ،
كوردىڭ سەن ۇلى ەلىڭنىڭ جاڭارعانىن.
اعامنىڭ ارقاسىندا اللا قولداپ،
ءدامىن دە تاتىپ شىقتىم اقوردانىڭ.
جىرلاعان ازات ەلىن، ءور عاسىرىن،
تۇسەر دەپ ويلادىم با كورگە اسىلىم.
قاسىندا جان اعامنىڭ بىرگە وتىرىپ،
ءسوزىن دە تىڭدادىم عوي ەلباسىنىڭ...
ۇشتىق-اۋ كوك اسپانمەن - زەڭگىرمەنەن،
تاناۋدى كورسەڭ سوندا جەلبىرلەگەن.
ەسىگىن ايقارا اشىپ، ءۇي جوق شىعار،
بۇل جاقتا اعاما ەرىپ مەن كىرمەگەن...
سونىمەن تۇماعانىڭ، اق كەلىنى،
ۇلىنىڭ ءتيدى سەنى اپ، باققا ەرىنى.
بۇل كۇندە مومىن قىلدىڭ ۇيدەن شىقپاس،
كەشەگى ۇشىپ جۇرگەن جاس پەرىنى.
مەن ءسويتىپ وتاۋ قۇردىم، بولىستى ەلىم،
بار ەندى اۋنايتۇعىن ءورىس - ءتورىم.
قويامىن سەنى مەن دە گۇلەكە دەپ،
اعامنان نەنى كورسەم، سونى ىستەدىم.
جيىلدى داستارحانى جايعان كەشتىڭ،
ساعىمداي وتە شىقتى-اۋ قايران بەس كۇن.
كەلەدى اعام قۇساپ سامعاعىپ-اق،
دارمەنىم مەن بايقۇستىڭ قايدان جەتسىن.
مەن ءۇشىن اعام بوپ تۇر اقىرعى باق،
الدىمدا بايتەرەگىم جاتىر قۇلاپ.
كەلمەيدى قىسقا ءجىبىم ءبىر كۇرمەۋگە،
كەلەدى بار قازاقتى شاقىرعىم-اق.
مەنى دە شىعار تاعدىر ءبىر سىناعان،
ەسىڭدى جيشى سەن دە، جىرشى دالام،
كەلەدى قارتانى دا ويناعىم-اق،
ايااي ما، ۇتىپ الار ءجۇرسىن اعام.
اققۋ بوپ ايدىن كولدىڭ جاعاسىنان،
ۇشتى اعام، جالعىز قالدى «بالا تۇمان».
ءبىر ءتۇرلى مامىرلايدى، كۇڭىرەنىپ،
قاناتىن ەركىن كەشە قاعاتىن ءان.
جارىلىپ قاشاندا اعام تۇردى اعىنان،
سالاتىن كۇن ەمەس بۇل زىر قاعىپ ءان.
ايرىلدى الىپ تۇلعا، اسىلىنان،
تاتەمنىڭ شىعىس ەندى ءبىر جاعىنان.
وكسىككە تولادى عوي قۇرعىر كەۋدە،
نە جەتسىن قولتىقتاسىپ، ءبىر جۇرگەنگە.
كىرىسشى جۇمىستارىن بىتىرۋگە،
تىرىسشى جالعىزدىعىن بىلدىرمەۋگە.
اعامدى ارداقتايمىن، بىتپەي دەمىم،
سۇيەتىن گۇلدى ەندى كۇتپەيدى ەرىن.
ءار كۇنى جۋ ىدىسىن، سىپىر ءۇيىن،
كيەتىن جارقىراتىپ تىك كويلەگىن.
جىلادى تولقىپ اعا، تولقىپ ۇلان،
كوڭىلدى كوتەرەتىن بولشى ءبىر ءان.
اعامدى دەمەيتۇعىن ءوزىم قۇساپ،
دەمەشى جان تاتەمنىڭ قولتىعىنان.
قايعىنىڭ بىزگە دەگەن بولىپ پا ءوشى؟
تۇنەككە كەتتى الماتى تولىپ كەشى،
ايتەۋىر، مەن اعاما نەنى ىستەسەم،
تاتەمە بارىپ سەن دە، سونى ىستەشى.
14.10.2011
***
كوپ بولدى، كوكتە تۇردى سىرعىماي كۇن،
داۋىلدىڭ كەرەگى جوق ۇرعىلايتىن.
كوك اسپان، توكشى اپپاق جاڭبىرىڭدى،
سەنىڭ دە ءجونىڭ بار عوي ءبىر جىلايتىن.
ۇقسايدى جانى جاقسى قۇسقا دا ادام،
تۇرادى اللا جولدى نۇسقاپ وعان.
كوز جەتپەس سەنىڭ بيىك زەڭگىرىڭدە،
قاق جارىپ اق بۇلتتاردى ۇشقان اعام.
ۇناتتى نۇرلى تاڭدى، جىلى كەشتى،
سارى سامال جانىن ونىڭ ءبىلىپ ەستى.
كەيدە ول جارقىلداعان نايزاعاي بولىپ،
كەۋدەسىن قارا بۇلتتىڭ ءتىلىپ ءوتتى.
ولمەسىن، ماڭگى ولمەسىن ءبىلدى ومىردە،
ۇقسايتىن اشىق كۇنگە كۇلگەنىندە.
سونبەيتىن جىلۋ الدى جۇرەگىنە،
كۇن بولىپ جارقىرادى جىر كوگىندە.
شاعىندا، كوك اسپانعا، شابىتتى وتكەن،
جۇلدىزدار جىرى ونىڭ قاعىپ كەتكەن.
بايقاساڭ، شولپان ونىڭ پوەماسى،
تۇسپەيدى بىرەۋى دە اعىپ كوكتەن.
سىرقات تا جوق ەدى عوي دەندەپ باسقان،
جوق ەدى جەرى دە ونىڭ مەن دەپ تاسقان.
ىزدەيدى ەل جەردەن ەمەس، كوكتەن ونى،
قۇس بولىپ ۇشىپ كەتكەن سەن جاققا، اسپان.
اپ- اشىق كۇننىڭ بۇگىن رەڭى دەپ،
كىرىسكەن شىعار جىرعا تۇرە بىلەك.
كوك اسپان، توكشى اپپاق جاڭبىرىڭدى،
جىلايتىن بولدى كەزىڭ ءبىر ەڭىرەپ.
19.10.2011
استانا-الماتى
***
دەۋشى ەڭ عوي ءالى تالاي شىڭداردى اسام،
سەنى اجال تىرشىلىكتەن سىزعان قاشان؟
جان اعا-اۋ، ساعىندىم عوي، قايدا كەتتىڭ،
المايدى تەلەفونىڭ زۆانداسام.
تۇنشىعىپ قالعانى ما تەڭىز كەۋدەڭ،
باق پەن سور وتەمىن بە ەگىز دەۋمەن.
كەتكەلى ۇيدەن شىعىپ اپتا بولدى،
تەك قانا ءجۇرمىن، اعا، سەنى ىزدەۋمەن.
قۋالاپ ىزدەپ كەلەم ءورىستى كەڭ،
وتكەرگەن بالامىن عوي كوپ ءىستى مەن.
كەتتىڭ بە ءبىر ساپارعا شىنىمەنەن،
مەن ىزدەپ تابا المايتىن جەر ۇستىنەن.
تۇسپەگەن جۇلدىز ەدىڭ جىر كوگىنەن،
سايرايتىن مىلقاۋعا دا ءتىل بەرىپ ەڭ.
تىم بيىك ۇشتىم كوكپەن سەن كەزدەسىپ،
اسپاننىڭ قالا ما دەپ ءبىر جەرىنەن.
وتتى ولەڭ جازۋشى ەدىڭ، جىلىكتى ولەڭ،
حال-جاعداي تۇرۋشى ەدىڭ ءبىلىپ مەنەن.
ۇيلەرگە سەن كىرەتىن شىقتىم كىرىپ،
كوشەم جوق استانادا تىنىتپەگەن.
مەرەيىم قايدا الگى شاق تاسىعان،
كىسىنىڭ تايادى ەكەن باق باسىنان.
وندا دا جوق سياقتى كورىنەسىڭ،
ءۇڭىلدىم اقوردانىڭ قاقپاسىنان.
ۇدەيدى-اۋ ساعىنىشتىڭ تاسقىنى ءالى،
دەرتىم دە، بىلەم، ارى اسقىنادى.
سەنىڭ جۇرگەن جەرىڭنەن وتسەم بولدى،
مولدىرەپ جانارىما جاس تۇنادى.
وتەرمىن ءجۇز كۇن جىلاپ، مىڭ كۇن جىلاپ،
جەتپەسپىن تۇبىنە دە جىردىڭ قۇراپ.
قاراساڭ جاستى كوزبەن بۇل دۇنيە،
كورىنبەي كەتەدى ەكەن تىم بۇلدىراپ.
ورنىمنان ءبىر تۇرامىن، ءبىر وتىرام،
مۇڭعا اينالدى تامىلجىپ تۇراتىن ءان.
تۇر انە جامبىل اتام ەسكەرتكىشى،
ءبىر كەزدە ءوزىڭ اشىپ، جىر وقىعان.
تويى ەدى ول استانانىڭ الەم كەلگەن،
ونى سەن تىم باقىتتى جان ەڭ كورگەن.
تۇر انە باۋىرجاننىڭ ەسكەرتكىشى،
ءوزىڭ بارىپ، ارنايى سالەم بەرگەن.
سەن ەڭ عوي ەڭ ءداۋ كىسىم، ءىرى كىسىم،
ايتشى، اعا، ءولىمىسىڭ، ءتىرىمىسىڭ؟
قايتۋعا الماتىعا باسپايدى اياق،
تۇرعانداي جوقتىعىڭدى ءبىلىپ ءىشىم.
27.10.2011
استانا
***
جۇرمەيمىن-اۋ ەندى ەرىپ مەن قاسىڭا،
لەك-لەگىمەن ەل دەگەن كەلدى اسىڭا.
جۇباتتىم ءوزىمدى دە، وزگەنى دە،
جىر جازدىم، كوڭىل ايتىپ، ەلباسىعا.
توسەلىپ الدى بىردەن زارعا جاعىم،
كۇيدەمىن اسىلعانداي دارعا باعىم.
جەرىم جوق اتاق قۋعان، ابىروي ىزدەپ،
ويلادىم وقىسىن دەپ بار قازاعىڭ.
بىلەمىن ، كوڭىل ايتۋ جول بۇرىنعى،
جۋادى ول جۇرەكتەگى مول كىرىڭدى.
ءبىر ەمەس، ءبىراز جەرگە بەرىپ كوردىم،
باسپادى ولار مەنىڭ سول جىرىمدى.
سەن جايلى جىرىم ەدى ول تولقىپ ورگەن،
مەن ءالى قالپىمدامىن سول تۇنەرگەن.
جىرىمدى ەل ۇناتپاعان شىعار مەنىڭ،
ءوزىمدى شىعار، مۇمكىن، ولقى كورگەن.
ويىم دا ەمەس ەدى، ءسوزىم دە ۇساق،
مەنەن دە الىستاپتى ءتوزىمدى شاق.
ۇمىتپەن وقىر دەگەن نۇرەكەڭە،
جىبەردىم حاتپەن، اعا، ءوزىڭ قۇساپ.
28.10.2011.
استانا
***
قاسيەتتى، بىلەمىن، جۇما بۇگىن،
قارعا اينالىپ بارادى مىنا كۇنىڭ.
ماڭگى يماندى جان اعام بولسا ەكەن دەپ،
قايتالايمىن ىشىمنەن دۇعانى مىڭ.
بەيىم بولىپ جۇرەدى جىرشى مۇڭعا،
باق دەپ ءبىلدى ول تاعدىردىڭ قىرسىعىن دا.
كەلتىرمەگەن كىسى ول بەدەلگە داق،
ولتىرمەگەن ادام ول ءبىر شىبىن دا.
سەكىلدى ەدى ءوزى ءبىر ەڭسەلى ورمان،
ايامادى جاقسىلىق كەلسە قولدان.
سايالادى ونى وڭكەي جوق-جىتىكتەر،
بەردى باقتى جاراتقان بەرسە مولدان.
تۇردى جولى ءبىر وردەن، ءبىر ەڭىستەن،
كەزدەرى كەم سورپاسىن شىرەپ ىشكەن.
تاۋىنا دا ءجۇردى ىلعي باقىت تىلەپ،
جاۋىنا دا جاقسىلىق تىلەدى ىشتەن.
ىزدەمەدى قۇس جاستىق، جىلى كورپە،
كومەك بەردى جۇدەگەن ءىنى كورسە.
اللاسىنا ءمىناجات ەتەتۇعىن،
قولىن جايىپ، ورنىنان تۇرىپ ەرتە.
مولداعالي ساعىندى مۇراتۇلىن،
اناسىنا ارنادى جىر اسىلىن.
ءالي دوسقا وقىتىپ ۇزبەي قۇران،
ءجيى بارىپ مەشىتكە تۇراتۇعىن.
ۇلەستىردى حاتىمنىڭ ءار ۇيگە اسىن،
جاراتقاندى ءبىلدى اعام تاني دا شىن.
بالا كەزدە ۇيرەتكەن جان اناسى،
تاستامايتىن اۋزىنان كاليماسىن.
ولەڭ باعىن بار باقتان ارتىق كوردى،
بولەيتۇعىن دۋمانعا شالقىپ ءتوردى.
دارىنى ۇستەم بولدى ونىڭ كوپ اقىننان،
بارىن ىشتە ساقتاماي، سارقىپ بەردى.
جىردىڭ اعام باستادى كوشىن العا،
وق اتپادى بەلبەۋىن شەشىپ اڭعا.
ءبىلىپ-بىلمەي ىستەگەن تىرشىلىكتە،
كىنالارى بار بولسا، كەشىر اللا.
تۇلپار بولىپ ءومىردىڭ شاپتى ورىمەن،
قاسىندا ونىڭ جۇرگەندى باق كورىپ ەم.
بۇل جاقتا دا اعامنىڭ ءتور ەدى ورنى،
بەيىشتىڭ دە بەرشى ورىن قاق تورىنەن.
قالدى ارتتا سارعايىپ بەلدەر قانشا،
تولقىمايدى تۇپ-تۇنىق كولدەر دە ونشا.
ءبىر پەرىشتە بەرشى، اللا، جان اعاما،
دەمەپ ءجۇرسىن قولتىقتاپ مەن بارعانشا.
28.10.2011
استانا
***
بىلەتىن جانىمداعى وتتى جاعا،
مۇندا ەندى ەركەلەتەر جوق تۇماعا.
ەسەيىپ قالدىم عوي مەن، ەسىم جيىپ،
استانا جاققا ەندى كەتتىم انا.
مەن ونى ۇمىتپايمىن ءبىر ساتكە دە،
جۇزەدى كوڭىلىمدە جۇمساق كەمە.
اسپاننىڭ رايى دا سالقىندادى،
باستادى جاڭبىر ەمەس، بۇرشاق توگە.
جاڭبىر جوق ەندى اعامنىڭ جاڭبىرىنداي،
شولىركەپ تۇراتۇعىن تاندىر ىڭعاي.
كەتكەنىم الماتىدان ءجون سەكىلدى،
داۋىلى ۇيتقىپ سوققان قارعا ۇرىنباي...
بولعان جوق بىزگە قازا بۇل ءبىر جەڭىل،
ويلارعا باتىپ، مىنە، تۇرمىن نە ءبىر.
ول جۇرگەن جەرلەرمەنەن جۇرسەم بولدى،
قۇلازىپ كەتەدى ەكەن قۇرعىر كوڭىل.
مەن ءۇشىن كىلەم ەدى جانى جايعان،
ىشىمدە جاتىر قايعى سالىپ ويران.
دۇرىلدەپ، بولا قويسىن بۇرىنعىداي،
اعام جوق تويلاردىڭ دا ءسانى قايدان.
تۇماعام بار دەپ كەشە مۇندا كەلدىم،
مەن تۇگەل ءومىرىمدى مۇڭعا بەردىم،
بارلىعىن سەزەدى ءىشىم، بەلگىلى عوي،
ۇناتىپ مەنى داعى تۇرعانى ەلدىڭ.
تۇرعانى ەسىندە جوق جىپتە ەسە الماي،
باستايدى كەيبىرەۋلەر قيت دەسە الداي.
كەتەيىن، كەرەك بوپ تۇر ءبىر تىنىشتىق،
تونىمدى وتقا سالار، بيتكە سالماي.
وتكەردىم ءومىردىڭ دە بار قاتەرىن،
قالىڭداپ الدى ابدەن ارقا تەرىم.
جۇرەيىن جاعالاپ ءبىر ەسىل بويىن،
ەتەيىن ەندى تۇراق ارقا ءتورىن.
جانداردان ەمەسپىن عوي تاق ارمانى،
جەتەدى ساتۋشىلىق بازارداعى.
تۇرايىن كۇندە كورىپ، تىم بولماسا،
كورەتىن اعام جاقسى اقوردانى.
باق قاشىپ كورگەن ەمەس ءتوزىمدى ەردەن،
بالا دا ەمەسپىن عوي سەزىمگە ەرگەن.
جۇرەيىن كاكىمبەكتى ەس كورىپ مەن،
كەشەگى جان اعامنىڭ كوزىن كورگەن.
ورنىنا كەلە قويماس قۇلاعان ءۇي،
بەرەدى مەنسىز دە ەل، ءسىرا، دامي.
الدىمدا جۇرگەن كەشە اعا ەدى عوي،
الدىمنان شىعار كۇلىپ جۇماعالي.
قالىپتان ايىقپادىم ءبىر تۇنەرگەن،
جايىم جوق كەتكەن تۇتاس ۇركىپ ەلدەن.
جۇرسىنمەن اڭگىمە ايتقان ءبىر عانيبەت،
ەرەيىن نەسىپبەككە تۇرسىن ەرگەن.
ەندى مەن الا الماسپىن، ءسىرا، تىنىم،
تەرەيىن استانادان جىر اسىلىن.
قۇشاعى كەڭ جىگىت قوي يمانعالي،
دالاعا تاستاي قويماس ءبىر اقىنىن.
02.11.2011 استانا
"اباي-اقپارات"
