جەكسەنبى، 20-21 ماۋسىم كۇندەرى كارانتين رەجيمىنىڭ كۇشەيتىلەتىنى تۋرالى وسىعان دەيىن اقپاراتتا جاريا بولدى. وسىعان بايلانىستى الماتىنىڭ باس سانيتارلىق دارىگەرى جانداربەك بەكشين قالانىڭ كىرەبەرىستەرىنە بلوك بەكەتتەر قويۋ تۋرالى ەل ىشىندەگى الىپ-قاشپا اڭگىمەلەرگە جاۋاپ بەردى.

بەكشيننىڭ ايتۋىنشا، قالا تۇرعىندارى مەن وبلىستان كەلەتىن ازاماتتار ەمىن-ەركىن قاتىناي الادى. بلوك بەكەتتەر ورناتىلمايدى.

«قالانىڭ سىرتقى پەريمەترلەرىنە بلوك بەكەتتەر ورناتىلمايدى. سوندىقتان، قالا جانە وبلىس تۇرعاندارى الماتىعا ەمىن-ەركىن كىرىپ-شىعا الادى»، - دەدى بەكشين.

وسىنىڭ الدىندا ۆەدومستۆوارالىق كوميسسيا جەكسەنبى كۇندەرى كاراندىك شەكتەۋ شارالارىن كۇشەيتۋ تۋرالى شەشىم شىعارعان. ول بويىنشا:

- ويىن-ساۋىق ورتالىقتارىنىڭ، ساۋدا ۇيلەرىنىڭ، ازىق-تۇلىكتىك جانە ازىق-تۇلىكتىك ەمەس بازارلاردىڭ قىزمەتى توقتاتىلادى;

- قوعامدىق تاماقتانۋ ورىندارىنىڭ قىزمەتىنە تەك اشىق الاڭدا الەۋمەتتىك قاشىقتى ساقتاعان جاعدايدا عانا رۇقسات بەرىلەدى;

- قوعامدىق كولىكتىڭ قىزمەتىنە شەكتەۋ قويىلادى;

- قوعامدىق ورىنداردىڭ جۇمىسىن توقتاتىلادى: ساياباقتار، جاعايجايلار، اكۆاپاركتەر جۇمىسى شەكتەلەدى:

- فيتنەس-ورتالىقتاردىڭ قىزمەتىن توقتاتىلادى;

- 65 جاستان اسقان ادامدارعا كوشەگە شىعۋعا شەكتەۋ قويىلادى.

Abai.kz