"قازىرگى كەزدە كوروناۆيرۋس ينفەكتسياسىنا بايلانىستى جاعداي كۇردەلى. سوڭعى ەكى اپتادا ياعني، 3 ماۋسىمنان باستاپ قالادا كوروناۆيرۋس ينفەكتسياسىن جۇقتىرعاندار ەكى ەسەگە كوبەيدى. ينفەكتسيالىق ستاتسيونارداعى ورىنداردىڭ 95 پايىزى بوس ەمەس. قازىر اۋرۋحانادا جازىلعانداردىڭ ورنىنا جاڭا ناۋقاستار كەلىپ جاتىر" دەدى بەكشين.
باس سانيتار دارىگەر دەگەنمەن بلوكبەكەتتەر قايتا قويىلمايدى، قالا جابىلمايدى دەدى.
"قارجى ورتالىقتارى، بانكتەر جانە حالىققا قىزمەت كورسەتۋ ورتالىقتارىنىڭ جۇمىسى توقتامايدى. سىرتقى پەريمەتردە ەشقانداي بەكەت جوق. سوندىقتان قالا تۇرعىندارى جانە وبلىس تۇرعىندارىنا قالاعا كىرۋگە جانە شىعۋعا ەشقانداي كەدەرگى جوق " دەدى ول.
ول بريفينگ كەزىندە "سانيتارلىق-ەپيدەميولوگيالىق تالاپتاردى ورىنداماعانى ءۇشىن" وتكەن اپتادا جۇمىسى توقتاتىلعان "كوك بازاردىڭ" سوت شەشىمىمەن ءبىر ايعا جابىلعانىن، بازار اكىمشىلىگىنە 1 ملن 722 مىڭ تەڭگە كولەمىندە ايىپپۇل سالىنعانىن دا ايتىپ ءوتتى.
13 ماۋسىمدا قالاداعى ەڭ ءىرى بازارلاردىڭ ءبىرى "كوك بازاردىڭ" 20 قىزمەتكەرىنەن كوروناۆيرۋس تابىلىپ، جۇمىسى توقتاعان ەدى. بۇعان دەيىن كوروناۆيرۋسقا بايلانىستى قالاداعى "راحات" كونديتەرلىك فابريكاسى دا جابىلعان.
سوڭعى مالىمەت بويىنشا، الماتىدا سيمپتومى جوق COVID-19 انىقتالعان ادامداردى قوسقاندا بارلىعى 4195 ادامنان كوروناۆيرۋس تابىلعان. 2128-ءى جازىلعان. 15 ادام قايتىس بولعان.
Abai.kz
