"الماتى وبلىسى اۋماعىندا كارانتين شارالارىن كۇشەيتۋ تۋرالى" الماتى وبلىسىنىڭ باس مەملەكەتتىك سانيتار دارىگەرىنىڭ 2020 جىلعى 12 ماۋسىمداعى 16 قاۋلىسىنا تولىقتىرۋلار مەن وزگەرىستەر ەنگىزىلدى.

ساياباقتاردىڭ، سكۆەرلەردىڭ، جاعالاۋلاردىڭ، باسسەيندەردىڭ جۇمىسى توقتاتىلدى.

"قاراساي، ىلە، تالعار، ەڭبەكشىقازاق اۋداندارى مەن قاپشاعاي قالاسىنىڭ اكىمدەرى 2020 جىلعى 20-21 ماۋسىم ارالىعىندا تۋريستىك ايماقتار مەن ۇلتتىق پاركتەرگە كىرۋدى جابۋدى، ال كورسەتىلگەن ايماقتارداعى تۇلعالار – الەۋمەتتىك قاشىقتىقتى ساقتاۋدى قامتاماسىز ەتسىن", - دەلىنگەن قاۋلىدا.

"سونىمەن قاتار، اۋداندار مەن قالالار اكىمدەرى، "ازاماتتارعا ارنالعان ۇكىمەت مەملەكەتتىك كورپوراتسياسى" كەاق الماتى وبلىسى بويىنشا فيليالى حالىققا قىزمەت كورسەتۋ ورتالىقتارىنىڭ ونلاين فورماتتا جۇمىسىن قامتاماسىز ەتسىن، ونلاين فورماتتا كورسەتۋ مۇمكىن ەمەس جاعدايدا ەلەكتروندىق كەزەكپەن الدىن الا جازىلۋ بويىنشا ساعات 10:00-دەن 16-00-گە دەيىن جۇمىس كەستەسىمەن جانە حالىقتىڭ جينالۋىنا جول بەرمەۋ جانە كەمىندە 2 مەتر الەۋمەتتىك قاشىقتىقتى ساقتاۋ ماقساتىندا باسقا دا قىزمەتتەردى قامتاماسىز ەتسىن;

وبەكتىلەردىڭ اۋماعىنا كىرە بەرىستە دەزينفەكتسيالىق توسقاۋىلداردى جانە/نەمەسە توننەلدەردى ورناتۋ;

جاعاجايلارعا بارۋدى قوسپاعاندا، دەمالۋشىلاردىڭ وبەكتىلەر اۋماعىنان تىس جەردە بولۋ جانە دەمالۋدىڭ بارلىق ۋاقىتىندا شىعۋىنا تىيىم سالۋ;

ەلدى مەكەن ىشىندەگى مارشرۋتتاردا قوعامدىق كولىك سانىن كوبەيتۋ، جولاۋشىلاردى ماسكالارسىز جىبەرمەۋ جانە بارلىق وتىرعىزۋ ورىندارىن تولتىرعانىن قاداعالاۋ ءۇشىن قىزمەتكەرلەرمەن (كوندۋكتورلارمەن) قامتاماسىز ەتۋ;

ءاربىر مەملەكەتتىك ورگاندا (ۇيىمدا), ۇلتتىق كومپانيالاردا، باسقا دا وفيستەردە قازاقستان رەسپۋبليكاسى باس مەملەكەتتىك سانيتارلىق دارىگەرىنىڭ 2020 جىلعى 22 مامىرداعى №37 قاۋلىسىنىڭ 23-قوسىمشاسىنا سايكەس الەۋمەتتىك قاشىقتىقتى جانە كۇشەيتىلگەن سانيتاريالىق-دەزينفەكتسيالىق رەجيمدى ساقتاي وتىرىپ، وسى ۇجىمدا COVID-19 سىرقاتتانۋشىلىق تىركەلگەن جاعدايدا اۋىستىرۋ ءۇشىن باسشى جانە اتقارۋشى قۇرامدار قاتارىنان نەگىزگى جانە قايتالاۋشى توپتى قالىپتاستىرۋدى كوزدەۋ. بۇل رەتتە قىزمەتكەرلەردىڭ كەمىندە 80 پايىزى قاشىقتىقتان جۇمىس نىسانىندا قالادى;

حالىقتىڭ جينالۋىنا جول بەرمەۋ جانە كەمىندە 2 مەتر الەۋمەتتىك قاشىقتىقتى ساقتاۋ ماقساتىندا بانكتەردىڭ، پوشتا بولىمشەلەرىنىڭ الدىن الا جازىلۋ، ەلەكتروندىق كەزەكپەن جانە باسقا دا شارالار بويىنشا جۇمىسىن ۇيىمداستىرۋ.

كۇشەيتىلگەن سانيتاريالىق-دەزينفەكتسيالىق رەجيمدى ساقتاي وتىرىپ، ءبىلىمدى باعالاۋدىڭ (ۇلتتىق بىرىڭعاي تەستىلەۋ، ءبىلىم بەرۋ قىزمەتكەرلەرىن بىلىكتىلىك تەستىلەۋ، وليمپيادالار، ءتۇسۋ جانە ءبىتىرۋ ەمتيحاندارىن) بارلىق تۇرلەرىن وتكىزۋدى قوسپاعاندا، ءبىلىم بەرۋ ۇيىمدارىن قاشىقتىقتان وقىتۋ;

حالىق سانى 50 مىڭ ادامنان اساتىن ەلدى مەكەندەردە قوعامدىق ورىنداردىڭ: ساياباقتاردىڭ، سكۆەرلەردىڭ، جاعالاۋلاردىڭ، اكۆاپاركتەردىڭ جۇمىس ىستەۋىن توقتاتا تۇرۋ، 65 جاستان اسقان ازاماتتاردىڭ كوشەگە شىعۋىنا شەكتەۋ قويۋ;

65 جاستان اسقان ازاماتتاردى قوسپاعاندا، وبلىس ىشىندە جانە ودان تىس جەرلەردە ەركىن قوزعالۋعا (قوزعالۋعا) رۇقسات ەتىلەدى;

وبلىس اۋماعىنان تىس جەرلەرگە، ەلدى مەكەندەر ىشىندە ءبىرىنشى قاجەتتىلىك تاۋارلارىنان، ءدارى-دارمەكتەرمەن جانە زەينەتاقى تولەمدەرىنەن باسقانى ەسەپكە الماعاندا، ەلدى مەكەندەر ىشىندە، وبلىس اۋداندارى مەن قالالارى اراسىندا 65 جاستان اسقان ازاماتتاردىڭ ءجۇرىپ-تۇرۋى شەكتەلەدى;

كامەلەتكە تولماعانداردىڭ ەرەسەكتەردىڭ قاراۋىنسىز ءوز بەتىنشە جۇرۋىنە تىيىم سالىنادى", - دەلىنگەن قاۋلىدا.

دەرەككوز: Tengrinews.kz

Abai.kz