قىتاي̆دان كەي̆ىن كوروناۆيرۋس پاي̆دا بولعان ەلدەردىڭ ءبىرى - وڭتۇستىك كورەيا. اتالعان ەلدە ەڭ العاشقى ىندەت جاعداي̆ى قاڭتاردىڭ 27-ءى تىركەلدى. سودان بەرى شامامەن 5 اي̆دىڭ ىشىندە 51.5 ملن.حالقى بار كورەيادا ۆيرۋس جۇقتىرعان 12 306 ادام تىركەلگەن. ال ىندەتتەن كوز جۇمعاندار سانى 280-گە جەتىپ توقتاپ تۇر.
.
حالىق سانى ولاردان شامامەن 3 ەسە از ءبىزدىڭ ەلدە ىندەت جاعداي̆ى ناۋرىزدىڭ 3-دە تىركەلدى. سودان بەرى 3 اي̆دىڭ ىشىندە اۋرۋ سانى كورەيادان ەداۋىر اسىپ كەتتى. ءولىم جاعداي̆ى دا قارقىندى ءوسىپ جاتىر.
.
ەستەرىڭىزدە مە، الدىنعى اي̆دا ءبىزدىڭ تاراپ قىتاي̆دىڭ مەديتسينالىق بريگاداسىن الدىرتىپ ەدى عوي̆؟ بىراق، ولاردىڭ ناقتى قانداي̆ پاي̆داسى ءتيدى؟ ولار نە ۇي̆رەتتى؟ ول تۋرالى رەسمي مالىمدەمە جاسالمادى.
.
قىتاي̆لىق ەكسپەرتتەردىڭ تۇجىرىمداماسىن وزدەرىنەن وقىدىم. وندا قازاقستاندا ۆيرۋستى انىقتاۋ جولدارىنىڭ قيىندىعى، اۋرۋدى انىقتاي̆تىن ورىنداردىڭ جەتكىلىكسىز ەكەندىگى اي̆تىلعان. سول سەبەپتى كەلەشەكتە قازاقستاندا اۋرۋ سانىنىڭ كوبەي̆ەتىنى تۋرالى جازىلعان.
.
جالپى اۋرۋدى اۋىزدىقتاۋ 85% پروفيلاكتيكالىق جۇمىستارعا، تەك 15%-ى ەمدەۋگە تاۋەلدى. سوندىقتان دا، ىندەتتى باقىلاۋعا العان كورەيا سىندى ەلدەر جەڭىسكە اۋرۋدى الدىن-الۋ شارالارىنىڭ مىقتىلىعىنان جەتىپ وتىر. وي̆تكەنى، كوروناۆيرۋستى ەمدەي̆تىن ۆاكتسينا ەشكىمدە جوق.
.
سۋرەتتە كورگەندەرىڭىزدەي̆، كورەيا از ۋاقىتتا اۋرۋدى انىقتاي̆تىن ارناي̆ى دۇڭگىرشەكتەردى كوشەلەرگە ءتىزىپ تاستادى. وندا پاتسيەنت پەن دارىگەردە ەش كونتاكت بولماي̆دى. دالادا ورنالاسقاندىقتان تابيعي تۇردەگى احۋال ۆيرۋستىڭ ءبىر جەردە قوناقتاپ قالۋىنا مۇمكىندىك بەرمەي̆دى. تارامايدى. ءارى تەكسەرۋ ۋاقىتىن 1.5 ەسەگە ازاي̆تاتىنى جازىلعان. سونداي̆-اق، مەدبيكەلەرگە N95 ماسكاسى مەن ارناي̆ى قورعانىش كيىمدەرىنە مۇقتاجدىق تۋماي̆دى.
.
بۇل اۋرۋدى الدىن الۋدىڭ ءبىر عانا ءتاسىلى. ءبىر قاراعاندا پاي̆داسى شامالى كورىنەتىن شىعار. بىراق اۋرۋمەن كۇرەستە شەشۋشى ءرول اتقارىپ جاتقان ءدال وسىنداي̆ شەشىمدەر. سەبەبى، تاعى دا ايتامىن، اۋرۋدى تەك ەمدەپ ەمەس، قورعانۋ شارالارىن كۇشەيتۋ ارقىلى عانا ەڭسەرەمىز.

ەرتاي ءنۇسىپجانوۆتىڭ الەۋەمەتتىك جەلىدەگى جازباسى

Abai.kz